Video
Exit A2, Olympic MTR Station, Exit E, Olympic MTR Station
continue reading
Opening Hours
*Afternoon tea:
Mon-Fri: 14:30-17:30
Sat, Sun&PH: 15:30-17:30
Mon - Sun
11:30 - 22:30
Above information is for reference only. Please check details with the restaurant.
今日係奧海城經過哩間台灣麵有陣好香嘅味道，所以決定lunch黎試下！因為得一個人，好快就有位，如果多人飯市就要等一陣啦。餐牌揀麵嘅好個人化，蔥、芫茜、酸菜、麵嘅硬度、湯底、菜都可以任由配搭。我叫左坑腩幼麵配胡椒湯底，因為牛骨湯底太普通，所以試下特別d。黎到湯好熱，濃郁白胡椒味道，唔錯唔錯！不過坑腩就有d失望，比較鞋，同想像中有d出入。個麵都唔錯，普通硬度適中。酸菜可以平衡胡椒嘅濃味，菜我揀左小棠菜，另一個選擇係高麗菜。份量亦足夠，會再試下其他款！加埋一$75。食飯小趣事我等緊埋單嘅時候，對面嘅半筋半腩麵啱啱到。食左一陣，個女仔發現有兩條頭髮，經理嘅回覆令我差d笑出聲：「唔係頭髮黎架，係牛毛，不過我都幫你換過一碗啦！」唔知係讚佢隨機應變好，定係佢地用真材實料好呢？哈哈
continue reading
下午茶時段，食少少嘢坐吓。呢間麪店幾多位，諗住叫招牌牛肉麪實掂，點知唔係。首先牛肉好鹹，亦唔嫩滑，麪又唔爽口，湯底平平無奇，真係唔多好食，還好坐吓休息吓，侍應唔會打擾，即係冇乜招呼喇，哈哈。
continue reading
於奧海城閒逛，行至一期發現呢間台式食店，好似話出名食牛肉麵。但我今次並未有選擇試牛肉麵，反而試咗呢個台式肉燥滷蛋拌麵，因為自己本身幾鍾意食肉燥嘅。呢個麵係刀削麵，麵質好好煙un，有咬口，好有口感。碗麵上菜時好較夠熱,d麵唔會纏住一餅。而且多汁拌麵，汁醬咸度適中，唔太咸。肉燥都幾惹味，豬肉碎肥瘦適中，肉燥份量充足。拍青瓜切得頗大一塊，爽脆，醃得入味，帶微酸，好醒胃，不俗。反而，滷蛋不是太入味，像普通烚蛋，呢個有點兒失望。
continue reading
食物出現問題通知職員, 其態度鄙視地笑, 還當着你面在你眼見範圍內跟其他職員說, 再回頭看看你, 向經理投訴, 態度比職員好一些, 但依然官腔愛你不理打完場, 一句講晒 : 不知所謂!
continue reading
今日中午食小王牛肉麵，入到鋪頭坐低，鋪頭冷氣嚴重不夠，得部風機吹住，我個位啱啱俾風機吹到正，我受不了咁大風吹住，同個店員講可否將風機的風葉轉轉位，個店員無回應我，轉頭有個類似經理的男士過來問我咩事，我再講多一次，個經理好敷衍咁將個風機輕輕郁左一下就走左，個態度勁唔nice ，其實佢郁個下同無郁無分別，都係咁大風吹住我，跟住我們兩人點了半筋半肉牛肉麵，蒜香麻辣豬耳，一杯凍洛神花山楂茶，一杯熱薏米水，豬耳多毛又多肥膏，我地食左兩三片已無食，牛肉麵的牛肉好韌，根本咬唔爛，又係無食到，今餐令人好失望。
continue reading