Video
Above information is for reference only. Please check details with the restaurant.
大圍重慶小食，其實想試咗好耐，但一直覺得驚佢會好辣好辣，所以都唔係好敢試。但係今次行過真係忍唔住啦，買咗一碗小辣嚟試吓，果然冇令我失望過粉皮凍凍地配合小辣真係好夾好夾。
continue reading
附近街坊，都幫襯過，食物過得去至少食完無肚痛，但今日真係離曬譜，你收2次錢，俾1份食物，仲要唔解決問題，一句：「我唔知呀，部機有問題，老世唔係度！」你收2次錢，我都唔同你計要退錢，八達通麻煩，你俾翻2份我咪得囉，咁都要揾老細？一買一賣公平交易姐，你間鋪開黎做乜？姐係欺騙消費者啦！116蚊呢一碗，消委會見。以後唔會去，員工都無需培訓架喇，麻煩大家買前睇下評價，事出必有因，大圍有更多好選擇，酒樓加完一都抵過呢兜野。
continue reading
態度超差啲嘢食又唔好食，啲餸越嚟越俾得少，叫佢俾多少少又話咩都要加錢，唔高興呢？就黑口黑面。真係唔會再幫襯呢間嘢，價錢都已經唔平㗎啦，仲要咁衰黑口黑面。差到爆。
continue reading
就咁辣椒油倒落去然後撈撈撈，之后叫我返去自己溝水。平常嘅酸辣粉，至少有自己嘅湯底，但佢係冇的，都係加水落去。可想而知有幾難食。倘若真係咁嘅話，咁我不如自己整個薯粉溝辣椒油再溝水？比錢食出難受
continue reading
一上嚟OpenRice見到好多差評話好難食我覺得佢哋嘅麻辣牛柏葉係唔錯喎～不過都係睇彩數，有時好食有時唔好食，不過多數都OK嘅。我估應該都多人食，如果唔係都唔會加價加得得咁快啦！$45，到$48，到依家$58！都只不過係短短一年之內嘅事。因為我成日都食，所以留意到今次算好彩嘅，份量裝咗好多俾我，同埋我鍾意叫佢將底下嘅青瓜轉做青瓜絲，咁樣好食啲～暫時除咗呢樣嘢之外，其他嘢都冇咩興趣，有一次叫過麻辣手撕雞，但係好難食，手撕雞我都係會去返隔離手撕雞腸粉
continue reading