Video
Opening Hours
Today
10:30 - 23:00
Mon - Sun
10:30 - 23:00
Public Holiday
10:30 - 23:00
Public Holiday Eve
10:30 - 23:00
Above information is for reference only. Please check details with the restaurant.
Recommended Dishes
平時食開雲吞麵今日試吓豬膶同埋豬腰估唔到質素非常之好整得好食豬腰嘅地方好少呢度仲要大大塊豬潤超級厚切味道粉嫩食得好開心同埋雲吞麵師傅樓面姨姨服務都好好👍🏻下次試吓豬手先
continue reading
晚餐食少啲 ，健康啲 。😘今日就食雲吞麵啦， 叫咗一碗大容 ，一碟油菜， 簡簡單單就一餐 。老牌雲吞麵店買少見少， 越食越貴。 不過物有所值 ，呢度裝修得幾精緻典雅 ，乾淨企理 ，卡位坐得好舒服 ，服務殷勤 ，一嚟到就送上熱茶同餐牌， 慢慢揀 。大碗雲吞麵其實唔大， 有五粒雲吞， 啲麵好爽口 ，同其他普通嘅麵店有好大分別。 嚟呢度就係鍾意食麵 ，落啲醋 ，雲吞麵更加好味， 又叫咗一碟芥蘭走蠔油， 芥蘭非常鮮嫩， 灼得軟淋淋 ，但係依然保持青綠， 菜有菜味 ，蝦有蝦味， 面有麵香味， 這才是味蕾的最高享受 ，食完麵還不忘 再斟多杯熱茶， 回味食物的精髓 ，埋單時 ，也不忘講一句多謝， 人情味十足， 這裡保留了食物的文化 ，也保留了傳統的禮儀， 要多多幫襯 ，令傳統得以傳承下去。👍👍
continue reading
我對雲吞麵有情意結，每隔一段時間就會想食返一碗多醋多辣椒油嘅雲吞麵。同家人喺維園散完步，行咗入天后，見到麥奀記，又心血來潮入去坐低叫左碗細蓉。麵質爽口有彈性，湯底鮮甜，雲吞共有4隻。雲吞入面除咗有一隻鮮蝦之外，仲有蝦籽！加埋紅醋同秘製辣椒油，就係我心目中雲吞麵應該有嘅味道。唔知係我胃口好定碗麵細，我兩三啖就食晒。食完仲好似囉囉攣，未夠飽，結果我再叫多咗一碗炸醬麵。炸醬麵嘅肉絲大小不一，而且肉質比較嚡，不過味道調校得唔錯，甜甜辣辣。家人唔肚餓，為咗陪我，叫咗一碗瘦肉粥。師傅真係即叫即煮，碗粥上枱時仲係滾架！可惜粥底無乜米香，亦稀身。下次去麥奀記都淨係食麵好喇！
continue reading
總會覺得天后係個小地方～偏偏越黎越多食肆～小編可以慢慢搵食🤤今日想食碗雲吞粉麵之類～決定去依間麥奀試下～之前係其他區都試過架啦～比一比邊間好啲先😎新鮮牛肉拼水餃粗麵滑牛肉黎～肉味唔算濃不過煮得剛好～唔會好熟亦有咬口～水餃料多皮薄～但味道上唔算好出～湯底色濃味淡～味道上同粉麵唔算好夾😅—————————————————☻非專業食評·純個人口味☻—————————————————📍總結:湯底同粉麵位小編認為差dd～但餸菜上係好味既👌不過價錢上比較略為有啲貴～有時間再係附近搵食～到時再同大家分享😜
continue reading
雖然經常去天后但始終未食過呢間老牌麵店今日行過好想試下一直聽聞份量超少今日真係聞名不如見面點左一碟京都炸醬撈麵嘩啲麵少到不能再少我好細啖咁慢慢食都係幾啖就清碟喇大男人頂多兩啖就KO丫不過麵質真係好彈牙久違了這種港式鹼水味真係好正 麵好爽口又唔會黐埋一舊舊個炸醬就中規中矩啲肉絲都好香咸辣都剛剛好知道份量少所以叫多碗淨雲吞比平時麵店食嘅細粒雲吞皮又薄又滑肉餡蝦仁好鬼香爽滑鮮味又彈牙真係好好吃啊兩樣嘢 盛惠$99都堪稱非常滿足會再幫襯嘅
continue reading