Video
Telephone
29888522
Opening Hours
Today
12:00 - 17:00
17:30 - 22:30
Mon - Sun
12:00 - 17:00
17:30 - 22:30
*Last Order: 22:15
Above information is for reference only. Please check details with the restaurant.
講左要食天鳥火鍋放題好耐 今日終於食到啦☺️試左個最平嘅餐---🐷五花腩豚肉套餐🐷66款任食100分鐘😋每個套餐都會贈送 精選肉類拼盤🥩拼盤有豬有牛 排到靚靚仔仔 質素都幾高🥰🥘湯底：壽喜燒湯底有勁多粉絲 吸哂個湯嘅精華🥰 超正😋不過今次個湯底咸左啲加左次水 豉油都可以唔洗蘸 已經好夠味火鍋配料選擇都幾齊我想食嘅全部都有齊🤣幾欣賞職員嘅用心 💕每次叫完一轉配菜 都會砌成一大碟上檯🥗有別於其他放題 選擇性上啲唔上啲🤪擺到成檯都係碟 野食其實得好少小食類有中華沙律 螺肉任食仲有牛油粟米🌽 可以食粟米食飽🤣壽司🍣都係任嗌任食 小食類一人份量都幾多 大家要留意真係食幾多 嗌幾多 唔好浪費飲品類選擇唔算話好多但有汽🥤無汽🧃 有糖無糖 都有齊哂 仲有啤酒任飲🍺甜品做總結就必需架啦🥰成餐最開心係有 羽衣甘藍 任食😍😍呢個菜 配壽喜燒湯底 簡直係無敵好味🤤兩個人連加一 埋單$436平時慳住單點 都要$300+ 依家任飲任食 都只係補多少少仲要星期五/假期前夕 都係平日收費真係好抵食☺️
continue reading
上次來呢間天鳥居酒屋食咗刺身同埋串燒，今次終於可以品嚐埋呢到嘅100分鐘任食火鍋放題啦！餐廳裝修充滿日式風情，彷如置身喺真正嘅日本居酒屋咁，勁好feel～🌟美國牛頸脊套餐(每位)💰HK$248火鍋湯底就簡咗人氣嘅滋補花膠雞鍋，湯底清甜，真材實料！叫咗三款肉，每款嘅口感都好唔同，有油脂較少嘅美國牛頸脊、爽口嘅美國特選牛板腱同埋肥美嘅鹿兒島茶美豚肉眼！火鍋配料就叫咗金菇、娃娃菜同埋蜂巢豆腐～另外，熱食都好出色！必飲生蠔麵豉湯真係有生蠔喺入邊，好特別！三重芝士大蝦反卷好好味，值得一試！吉列炸蝦大隻又酥脆！牛肉薯餅外層好香脆，內裡嘅薯蓉口感綿密！而芝士年糕就好多芝士喺中間，成件事好邪惡～甜品方面，雪糕嘅味道有驚喜！焦糖爆谷味雪糕真係有少少牛油爆谷嘅味道，而且唔會太甜！而朱古力味雪糕係黑朱古力嘅感覺，味道唔會甜到漏！餐廳仲有個飲品自助櫃俾客人自行選擇飲咩飲品～除咗任食放題火鍋之外，呢到都會有啲唔同嘅時令食物，最近就係有限量嘅時令壽司福袋！另外亦都有全日外賣套餐提供，有刺身丼、壽司套餐、定食套餐等等，價錢亦都好合理！下次有機會一定會再來食下啲時令菜式同埋外賣自取套餐～
continue reading
黎到天水圍隨便走走，經過間日式居酒屋都幾多人排隊，原來佢哋搞緊邊爐放題，$198就食到100分鐘五花腩任食清酒任飲小食任食，咁吸引就試吓啦。店員見我哋一抽二袋就俾4人枱我哋🥰。現場有飲品區，酒精區🍶，調味料區，攞好曬就qr code落單等佢哋送上黎，好過自己出去攞配料，省翻好多時間🤣。叫左但好惹味既胡椒豬骨湯配五花腩肉🐷，仲另外送但鮮肉拼盤比我地😍。選擇夠多，豆腐係預先煎過🤭，倒落火鍋滾起好好食。即製響鈴夠晒脆口，索曬湯汁夠鮮甜。除咗邊爐，仲有其他小食，有枝豆中華沙律天婦羅蝦芥辣八爪魚🐙呢啲送酒一流😍😍😍，仲有壽司串燒刺身等等，食到最尾仲有雪糕糯米糍泡芙完美結束🥰。地點:位於t town商場2樓，留意到現場都幾多街坊幫襯，食飽飽就坐輕鐵走。環境:裝飾一流，日式🇯🇵嘅擺設同埋風景畫🎌，日式嘅旗幟梅酒等等🖼️。入邊好闊落，坐得好舒服私隱度足夠。價錢:埋單都係人頭加一210幾蚊，超抵食，一次過滿足邊爐日式小食清酒。服務:送餐速度好快，店員有禮。
continue reading
食在天水圍屋企人想食牛肉火鍋放題，搵到呢間質素幾高嘅環境設計都好日式居酒屋🏮feel 美國牛頸脊套餐，包澳洲和牛金錢展，鹿兒鹿茶美豚肉眼，鹿兒島和牛丸等共71款精選食材，食足100分鐘星期一至五： 成人： $248 小童/長者： $128星期六，日及公眾假期成人： $268 小童/長者 $138 🤭嘩嘩嘩，生日前後兩天更可享$138 先點胡椒豬骨& 藥膳醉雞湯底 （鴛鴦湯底 加$20） 其實2種湯底都好濃味,胡椒豬骨有大大嚿豬骨係入面，濃郁豬肉味，胡椒味帶辣香精選肉類拼盤即上枱 包括： 美國牛頸脊，美國牛板腱，鹿兒島茶美豚肉眼，五花腩豚肉，有曬labelling,食過邊款好食可以繼續嗌肉切到好薄，淥幾秒就食得，特別係牛肉油脂分佈好平均，有濃郁牛肉味，豚肉片都係鮮嫩多汁套餐內的肉全部都任點，火鍋配料選擇足夠，食材好新鮮，我食過咁多火鍋，呢間印象較深刻例如有有益爽口的海帶結，阿中香菇貢丸，陳皮魚蛋，羽衣甘藍,香甜粟米,新鮮菇類（鮮冬菇好大隻）熟食加洲卷，芝士炸蝦卷，味道都不錯螺肉非常爽口芝士年糕好濃郁嘅芝士味，內層年糕咬落有嚼勁，每一口都食到年糕嘅香氣牛肉薯餅炸得好酥脆，裡面薯蓉質感好軟綿飲品自助形式有銀花露，菊花茶，各類汽水，仲有清酒，醇滑嘉士伯啤酒當然唔少得，仲有雪糕，甜品雪米糍有抹茶，芒果味對於佢嘅雪糕泡芙，脆脆嘅外皮,咬落去食到香滑嘅雲呢拿雪糕杯裝雪糕有焦糖爆谷味,呢種味我第一次食，似足食緊爆谷🍿，甜甜燶燶的
continue reading
天鳥居酒屋位於天水圍T town 北翼，是區內人氣的食店，提供多種日式料理及火鍋放題餐廳提供四款任食火鍋放題選擇，限時100分鐘，其中兩款仲可以免費加時至130分鐘，等客人可以食得盡興椰子雞鍋以鮮椰肉、竹笙、雞件、粟米、馬蹄及杞子等多種食材做湯底，味道清甜滋潤精選肉類拼盤先送上肉類拼盤，有三款牛及兩款豚肉，包括美國牛頸脊、美國牛板腱、極上美國安格斯牛小排、鹿兒島茶美豚肉眼及五花腩豚肉，肉類薄切上，只需淥幾秒就食得，肉質鬆化，有肉味有脂香，唔錯極上安格斯牛小排套餐還有M7澳洲和牛肩肉、牛胸爽及美國安格斯封門柳都是回本的選擇鮑魚海鮮拼盤套餐另外仲送上海鮮拼盤，有鮑魚、脆肉鯇魚片、帶子、鮮蝦及少有的蟹籽鯪魚滑，食材新鮮甜美三重芝士焗龍蝦這個都是套餐送的，龍蝦肉鮮甜彈牙，芝士又焗得香脆，趁熱食仲有拉絲效果，非常美味火鍋配料除了套餐內的肉類任點外，還有三十多款火鍋配料可以選擇，包括即炸響鈴、貓爪形蝦丸、雞子、各款蔬菜、菇菌類及手打烏冬，種類同選擇都好多，要一次過試晒真喺有啲難度小食連小食都有二十款選擇，有吉列蝦、加州卷、三重芝士大蝦反卷等等，真喺要大胃王先可以試得晒甜品及飲品飲品有六款選擇包括啤酒、汽水、紙包飲品、清酒，各式各樣梗有一款啱你；而甜品都有八款選擇，雪米糍、雪糕泡芙、抹茶蕨餅、朱古力布朗尼及多種口味雪糕，選擇夠多，真喺可以飲飽食醉夠滿足
continue reading