Video
6-min walk from Exit B, To Kwa Wan Station
continue reading
Telephone
69239232
Opening Hours
Today
12:00 - 21:30
Mon - Sun
12:00 - 21:30
Above information is for reference only. Please check details with the restaurant.
聽說土瓜灣有間人氣雞湯麵，週末的晚上特意到來一試。餐廳所在的地區食肆雲集，對於街坊來說十分方便、選擇亦十分多，然後對於區外人來說坐車後需要再行一段路才到達，不過也不難找到。一行四人的我們點了兩客一人套餐，其餘單點。燙菜心，份量少得有點可憐，一個人也可以輕鬆食完。一人套餐裡面包括的前菜：黑醋雞胸玉子沙律正常，而芥末醬油漬青瓜則幾得意，有淡淡的芥末味又不辣，感覺清新。套餐裡面當然要試試她們的招牌綿綿魚肚雲吞黃金雞湯麵啦。雞湯底味道果然香濃，有一點稠度，吃得出加入了不少材料去增加風味，當然少不了金華火腿的鹹香，而幼身的麵條都很成功地吸收、掛起湯底，表面的蔥絲帶有少許辣勁，風味十足，吃著吃著湯汁會變得濃縮，因此味道會更鹹，建議盡快食完。碗裡還有雞件和雲吞，令整碗麵食更豐富。另一個主菜我們選擇了原隻鮑魚。汁煮洋薏飯。這個飯的呈現方式猶如意大利飯那樣，幾得意。飯裡面撈了一些雞肉碎，大概食海南雞的頭頭尾尾，汁煮飯同樣香濃，洋薏煙煙韌韌的，是一道餐廳自家創作的飯類。金牌海山炸雞($20加購)的味道是可以的，肉質結實了點，而擺了一會兒會較硬。酥炸魷魚鬚($20加購)是預計得到的味道，份量也比較少。我們另外還要了一份原隻坐鎮無骨海南雞($178)。雞肉的確是幾滑的，沾上餐廳提供的醬汁軟滑得來又惹味。不過，餐廳要做到雞件有如此的滑度需要用上偏肥的雞，因此一碟雞件有一半都是很厚脂肪的雞皮，剩下可以食的雞肉不多，實在不太划算。飯後點了細細份甜品作結。日式疏乎厘芝士蛋糕($20加購)的質地十分鬆軟，有淡淡的奶香、芝士味，配著旁邊的菠蘿粒酸酸甜甜，是一個清新的選擇。甜品的叉子是貓貓來的，十分可愛喔！食物來說是不錯的，特別是她們招牌的雞湯麵濃郁但有點偏鹹；而餐廳選址不太就腳，同區來說價錢亦比較進取，難吸引區外客來，亦未必是一間能夠經常來光顧得店舖。是次的用餐體驗已是一段時間之前，見到近日有些食客表示食物表現退步，客人就自己衡量吧。若你是濃湯麵的愛好者，經過的話也可以一試。
continue reading
嚟到土瓜灣，本來想搵下有冇拉麵好食，搵搵下見到呢間叫坐鎮嘅中式拉麵，見到menu幾多選擇，敢係土瓜灣開$100以上麵店應該都有返咁上下，所以吸引左入去試下 🌟晚市一人精選套餐 前菜+主菜+飲品🌟前菜：黑醋雞胸玉子沙律見到係雞胸以為咁正沙律都有雞胸！？咁咪會好飽！？上碟原來係雞絲，沙律菜配以黑醋食正常發揮，建議可以多返少少雞絲，因為得個3條真係有點小，仲要係雞絲而已 主菜：坐鎮紅油櫻花蝦海皇湯麵 $110賣相相當唔錯，第一眼會俾五隻鮮蝦吸引左。另外亦有大量櫻花蝦作配料。飲落去個湯出奇地冇乜蝦味，反而覺得似係好濃郁嘅鰹魚鮮味加醬油味，有點難形容，但味道係濃郁嘅海鮮味。麵係准山麵，煮得都幾彈牙及掛汁。海蝦唔會柴，幾爽口。整體嚟講算唔錯，成件事都好鮮，但建議個湯底嘅蝦味如果提升返嘅話，會吸引及記憶點更多 前菜：芥末醬油漬青瓜青瓜加醬油漬味配以輕輕嘅芥末味，食落竟然會爆汁，幾有驚喜，醒胃菜嚟講算幾創新 主菜：綿綿魚肚雲吞黃金雞湯麵 $112第一時間梗係飲湯先啦，個湯底都幾重雞肉及金華火腿味，唔會太鹹而且算杰身。魚肚都幾易入口，索晒個湯汁勁juicy；雲吞就不過不失；雞肉都幾厚身，ok滑，味道偏淡。一啖麵再配一羹湯食都算係幾唔錯
continue reading
呢間餐廳由前酒店中廚開設，主打港式鮮熬無味精湯麵🍜更有多款創意小菜同小食😋💗綿綿魚肚雲吞黃金雞湯麵（$92）雞湯每日以十多隻鮮雞、雞腳，西班牙火腿同赤肉熬煮，湯底呈鮮黃色而且唔油膩，呷一口湯充滿鮮雞味🍲 配搭幼身彈牙嘅淮山麵🍜雞件用上三黃雞，預先去骨非常貼心，肉質嫩滑有雞味🐔仲有吸滿湯汁嘅爆沙魚肚同自家製鮮蝦豬肉雲吞🥟💗坐鎮紅蝦油櫻花脆蝦湯麵（$90）蝦湯以龍蝦頭、蝦殼、蟹殼等先焗後炒，再熬煮四至五個鐘，所以湯底富濃郁嘅蝦味🦞係湯麵舖上5隻炸過嘅大蝦，肉質爽口彈牙🦐再加上櫻花蝦、木耳絲、洋蔥、香蔥等配料，口感豐富🍜💗金沙黃金粟米（$58）炸粟米香甜多汁，粒粒飽滿🌽每件都掛滿起沙嘅鹹蛋黃醬，不過鹹蛋黃香就未算超濃🍳💗金牌咸香海山炸雞（$45）無骨炸雞先用南乳同腐乳醃製，再炸至焦脆，內𥚃雞肉依然保持嫩滑Juicy，食起嚟鹹香惹味🍗
continue reading
今日喺北帝街度搵飯食，見到呢一間鮮油黃金雞湯好吸引！入到去叫咗個紅蝦油櫻花蝦湯飯加咗個脆米，唔錯，幾正另外加多個無骨青蔥油海南雞飯，油飯亦都好惹味除此之外，我覺得兩杯餐飲比較有心思同埋誠意！下次會再次到訪試吓佢個綿綿魚肚黃金雞湯！
continue reading
土瓜灣小店，星期五晚很多人建議提早Book位，店內有二樓，不過通往二樓要經過漆黑的後巷，令人感到不安，座位之間距離比較近，冇咩私隱度餐點OK，招牌雞湯一流，大廚水準！服務OK。因為湯太好飲所以額外加了一碗，但不知道是漏單還是怎樣，總之等了四十分鐘⋯期間沒有任何解釋⋯甜品好食，都係要等好耐，起碼45分鐘。店內人手不足，但勝在服務態度好。建議招牌湯麵可以加上泡飯選項，因為湯底做泡飯應該好好食。可以再訪。免加一服務費
continue reading