Video
Payment Methods
Above information is for reference only. Please check details with the restaurant.
今日搵食搵到將軍澳寶琳站。和朋友行街行到攰，最後選了這一間揾食工房。 餐廳空間座位舒適闊落，職員友善親切。餐廳的餐牌選擇類型非常多，有中式西式及港式。由輕食到主食到鐵板，總有一款岩你食。1.焗印度皇室咖喱海鮮（ $65 ）非常喜歡他們的焗飯，非常多汁，且非常惹味。他們的海鮮種類非常多，有青口、蝦仁、魚柳、和扇貝。飯底用上蛋絲炒飯底，配上濃濃的咖喱汁，非常惹味。2.法蘭西多士（ $25 ）他們的西多士有三款選擇，這次我選擇了我最愛的法蘭西多士，用上滿滿的花生醬粗粒夾製而成，多士炸到香脆內軟，且金黃色。非常邪惡之選，不能抗拒。3.蜜糖芥末脆炸雞翼配薯條（ $43 ）輕食有三款雞翼供選擇，這一次我選擇了他們的芥末蜜糖雞翼，他們還有黑松露及水牛雞翼。雞翼煎得香脆，且芥末醬汁濃郁，配上金黃酥脆的邪惡薯條，正。4.新潮醬香咖啡（+$9）茶餐廳都加設了醬香咖啡，除了有香濃的咖啡香氣，還充滿了滿滿的醬香味道，愛酒和愛啡之人必試，有點像瑞幸咖啡。
continue reading
今日睇完中醫已經好夜，有藉口做「無飯」主婦，叫老公一齊係附近食。老公見商場有新店，就話要試。餐店新淨企理，環境光猛，開放式門口，好闊落。裏面有唔少座位，整齊舒適。選擇類別多，有炒粉麵、焗飯、意大利麵/飯西式燴飯、印度咖喱、鐵板、薄餅、輕盈小食、沙律等。我地都好耐無食過鐵板，兒時回憶….鐵板餐配餐湯、多士和熱飲。我地都揀羅宋湯（$0/跟餐），暖笠笠上枱，味道香濃，酸酸地有啲辣，好惹味！仲有好多蔬菜，用料好足，多飲又好食，喜歡！餐湯配牛油厚多士（$0/跟餐），香口軟熟，塗滿牛油，啖啖鹹香。餐飲揀咗熱柚子蜜和檸蜜（$0/跟餐），兩杯都落足料，酸酸甜甜，好滋潤。老公大食，要工房經典鐵板美式雜扒配意粉（$108），有齊豬扒、 牛扒、雞扒、 香草豬肉腸和煙肉，全部肉肉肉，疊到高高高，大滿足！豐富飽肚之選。先淋上燒汁，「喳喳」聲係鐵板餐嘅標記….. 意粉唔會太乾身，配上燒汁，鹹香美味。各款扒類都啖啖肉，肉嫩鹹香，仲有啲焦香，特別鍾意牛扒和雞扒。我要咗鐵板香煎蘇格蘭三文魚拼意式扒雜菜配薯菜和蒜蓉汁（$93 ），全個焗薯好粉綿，有薯香。三文魚煎至皮脆肉嫩，有魚油香，幾肥美，質素不錯。雜菜都幾多款，有翠肉瓜、茄子、番茄、西蘭花等，新鮮爽嫩。另要碟大蝦凱撒雜菜沙律拌脆炸巴馬火腿（$68），色彩吸引。大蝦沾粉香煎，微脆彈牙；雜菜沙律新鮮爽嫩，配上凱撒醬更好味，唯一是脆炸巴馬火腿乾硬了一點…
continue reading
今晚收工係將軍澳搵食，經過呢間搵食工房咁多人排隊，應該唔差嘅，就排隊等食吧！好彩等約5分鐘就有位😊。 餐廳選擇多元化，好快就叫左幾款跟老友開心share。煙三文魚凱撒沙律，帶有煙燻味嘅三文魚，配合新鮮爽脆的沙律菜，食咗菜先食飯就啱啦。焗咖哩豬扒意粉，豬扒軟淋的輕易切開，肥脂亦唔多，意大利焗得剛好軟硬適中，可惜咖喱汁唔多夠，另外要多隻煎蛋，就更加好吃😋了。板燒紐約極封門柳配薯菜，叫了五成熟度，牛味濃郁肉質粉嫩，點埋黑椒汁就更惹味，餐包有羅宋餐湯，牛油多士同飲品，非常之抵食。
continue reading
搵食工房🔲餐廳定位似係港式茶記，除咗常見嘅焗飯咖喱，幾意外都好多西式選擇，有沙律、Pizza同意粉🍝 咁樣嘅搭配真係滿足到唔同口味嘅需求，價錢$60-$70都算合理👍🏽鐵板香煎澳洲特級10oz肉眼牛扒🇦🇺
真係有啲份量！牛扒煎得幾好，牛扒外層輕微焦香🥩 保持住豐富嘅肉汁，切開後可以見到粉紅色嘅肉心，唔會過熟，口感軟嫩。薯菜有幾款🥕 而包上錫紙嘅原個薯仔，更能夠保持熱度並鎖住水份，中間切開一刀加上白汁，令味道冇咁單調🥔一上枱，牛扒就會置於熱鐵板上，發出滋滋聲。倒上燒汁，被高溫加熱嘅燒汁發出更強烈嘅滋滋聲，甚至會有少量煙霧升起，香氣非常濃郁🚂 味道會變得更加濃縮，與鐵板接觸嘅部分甚至會輕微焦化🔥 如果怕鐵板油滋飛濺嘅話，仲揀換普通食品碟，仲有$5優惠💸重口味邪惡鹹蛋黃醬芫荽醬蝦球意大利麵配軟殻蟹🌱
呢碟意大利麵加咗鹹蛋黃醬同芫荽醬，啲醬汁夠濃味，啱啱鍾意重味道嘅朋友😌 蝦球加入意大利麵中，而原隻軟殼蟹則放係面🦀煙三文魚凱撒雜菜沙律拌脆炸巴馬火腿🥗
三文魚以花形排列，份量足夠！凱撒沙律醬亦係單獨提供，食客可以根據需要自行加入，同時適合注重健康或者evil嘅食客😏
如果套裝選擇加9元升級飲品，可以獲得大大杯嘅特飲，選擇仲好多🥤新潮奶茶紅豆冰🧋
一款結合了奶茶和紅豆冰嘅創新飲品，既有奶茶嘅濃郁，又有紅豆冰嘅綿密同顆粒感🫘宇治抹茶雲朵🍵
特色在於抹茶飲品上加上一層如雲朵輕型嘅忌廉，並撒上抹茶粉，風味濃郁，口感層次分明☁️經典常餐都係40幾蚊，無論豬扒，雞翼或者沙嗲牛配麵、炒蛋定係多士每樣都有🍞 仲包埋飲品，全日唔使加一，喺將軍澳街坊醫肚好地方！🤓
continue reading
位於將軍澳寶琳的港式冰室，新裝修，企理乾淨，食物款式選擇繁多，中西式都有，多元化。鐵板餐配送餐湯，忌廉湯及牛油厚多士。經典鐵板西式扒餐：鐵板香煎蘇格蘭三文魚拼意式扒雜菜三文魚不算大塊，一共兩塊，表皮煎得非常脆香，魚油滿溢。伴碟有各款雜菜，如茄子、番茄、西蘭花及翠肉瓜，主食可選擇白飯、意粉或薯菜。特飲：宇治抹茶雲朵 跟餐可以優惠價選擇特飲，這杯巨量的宇治抹茶凍飲，雲朵忌廉蓋面，底下是一層厚厚的抹茶粉，甜中帶點抹茶苦澀。飲之前最好攪拌一下，更加均勻。精選西式燴飯：板燒牛扒牛扒大大塊，淋上黑椒汁，牛扒軟腍，容易切開，帶少許脂肪，配白飯，還加了煎蛋，輕輕戳一下蛋黃部份，蛋汁流到飯上，拌勻一起吃，更加滋味。輕盈小食：新派墨西哥雞肉餡餅仿效墨西哥經典的餡餅小食做法，外層脆脆的，餡料有切件的雞扒、紅黃椒、蘑菇及芝士，夾起來的薄餅。雞肉本身已經煎香過，很多汁，不用額外蘸汁也很夠味。
continue reading