Video
Opening Hours
Today
08:00 - 20:30
Mon - Sun
08:00 - 20:30
Above information is for reference only. Please check details with the restaurant.
將軍澳中心的美心Cake Lab更改招牌美心烘焙後，佢多咗香港地道麵飽，好似波蘿油同椰絲奶油，仲有新鮮出爐蛋撻，外型色水值得一讚，如果蛋撻價錢可以親民啲啲，又或者可以出品其他懷舊麵包西餅，如奶油卷同雞批等等，應該會受到大家歡迎，購買人龍可能排到地鐵站。美心烘焙保留咗香港特色的口味，雖然整個將軍澳麵包店巳被西式法式同日式麵包店佔領，巳經好難揾到香港特色麵包。美心烘焙所走嘅路線係香港式麵包店風格，值得讚賞。
continue reading
布丁包呢排好hit而咁岩比我係美心烘焙所見到新鮮出爐，加上其他包點都好吸引，所以一次過買哂幾款!布丁包既布丁味好濃郁而且飽滿又唔會太漏，我地再用氣炸鍋180度焗多2分鐘，布丁有半溶既狀態而且麵包好脆，基本上同新鮮出爐冇咩分別，以後想食都唔一定要去油麻地啦!!!蛋撻係牛油皮既，食落酥脆而且牛油味好突出，蛋味都香濃，幾高質!另外仲有沙翁，新鮮即炸而且好香酥皮味，氣炸鍋整返熱好惹味又唔會太油!最後就係梳乎里，面頭焦糖夠脆又唔會太甜，口感整體層次感十足!
continue reading
天氣熱就成日都想食凍冰冰既甜品，蛋糕都唔例外😚有日行過美心見到有個新蛋糕，仲要係我中意既Milo味😍諗都冇諗就買左佢🤣雀巢美祿味恐龍麥芽朱古力蛋糕（$49/ 現金價$39）蛋糕係獨立有紙盒包裝，賣相都好唔錯😗蛋糕面係美祿味既cream，忌廉都幾滑身，同埋都幾濃既美祿味❣蛋糕好軟綿，同忌廉可以融為一體☺比起平時啲cake個人覺得呢個幾唔錯，值得一試👍
continue reading
難得放假冇約會, 今日去坑口探丫公丫婆, 係厚德商場兜下睇買咩比佢食。見到美心烘焙所有法式布甸麵包賣, 順便再買多幾個甜品撻比佢地試試。店內仲有數款麵包類, 仲有港式懷舊嘅沙翁。法式布甸麵包:Size有拳頭般大, 買嘅時候唔係新爐出爐, 已經灘凍咗; 如果想熱食就要回家返熱, 唔想煩, 一返到去即食, 包面有dd韌, 布甸很滑溜, 甜甜地, 唔會過甜, 老人家都岩食。軟心芝士撻: 芝士撻表面火灸過, 脤得高高的, 芝士很creamy, 味道偏鹹, 跟牛油撻底食, 稍為平衡到鹹度。紫薯西米布甸杯: 布甸杯混入了林嘅西米, 有蛋香味又有層次, 底部仲有少少紫薯蓉, 正!沙翁: 表面平均沾上砂糖, 入裡係空氣感麵包, 整體入口, 質感微微鬆脆, 甜甜地。另外買咗個吞拿魚包, 質地厚實, 岩哂做早餐, 夠飽肚。
continue reading
今日行東港城，經過呢間新開嘅美心烘焙所，比佢新出嘅法式布甸麵包吸引咗。除咗呢個新推出嘅產品，原來烘焙所仲有咁多新派甜品，例如芝士撻、焦糖疏乎厘、西米布甸，仲有兩款味，兩款都係而家香港大熱嘅紫薯同埋香芋。除此之外部份麵包款都款都好吸引，例如朱古力麻薯波，同埋沙翁！《法式麵包布甸》$15/1呢度嘅麵包布甸新鮮出爐，見到有師傅喺入面即場整😍標榜用法國淡忌廉 ，布甸入口奶味同埋蛋香都好濃郁，口感嫩滑綿密，而出面嘅法包鬆軟得來帶少少煙韌感，好好味！適合雪凍或者微波爐叮熱食，兩種唔同嘅感覺，而我就鍾意凍食多啲，因為布甸個口感會比較幼滑。《沙翁》$12沙翁都係新登場嘅產品，見到好多人買所以我都想試一試。味道唔錯，入面好濕潤同埋鬆軟，唔算非常甜，如果擺入氣炸鍋焗一焗口感應該更加好！《焦糖脆脆疏乎厘》$23呢個超出預期好味！食落有啲似芝士蛋糕嘅口感，綿密，焦糖味同埋奶味都好出！同時又有空氣咁，性價比幾高。《紫薯西米布甸&香芋西米布甸》$15/1呢個個面有啲煙韌，食到底紫薯同香芋嘅份量都幾多，重奶香味，同埋布甸好滑，整體都好唔錯。《朱古力菠蘿麻薯包》$11/1呢個係麻薯波波嘅進階版，出面有菠蘿酥皮，所以口感外脆內軟，而且仲有真麻糬，好味！
continue reading