Video
Exit B1, Tsim Sha Tsui / East Tsim Sha Tsui MTR Station, Exit N5, Tsim Sha Tsui / East Tsim Sha Tsui MTR Station
continue reading
Telephone
23755330
Opening Hours
11:30am to 10pm
Above information is for reference only. Please check details with the restaurant.
About Reward Scheme
美麗華新開日式餐廳，估唔到食物咁有質素，晚上好快座無虛席。嗰日阿女接我收工同佢去chill吓，有拉麵、串燒等嘢食啱晒佢～♥︎特製蟹拉麵 $128先試咗個湯先，湯底非常濃郁嘅海鮮味，有大大隻蟹鉗帶來滿滿鮮甜味～♥︎特製濃厚拉麵 $98濃厚豬骨湯底，拉麵彈牙，最欣賞個叉燒，肉質好腍，有火炙過，香氣逼人～♥︎蕃茄豚肉卷 $28烤過以後的番茄顯得更鮮甜，和豚肉的油脂形成美妙的搭配～♥︎自家製雞肉丸 $42灑上芝士添一份鹹香，蘸上日本蛋很惹味～♥︎炸豆腐 $58外皮鬆脆中帶煙韌，口感不錯～♥︎日本香菇 $24簡單而清新的美味，配上日式燒烤汁，味道立即昇華～♥︎牛舌 $38牛舌肉質鮮嫩多汁，有輕微鹽味作為調味～♥︎雞髀肉串 $38外皮燒到焦脆，入口軟腍～♥︎小熊雪糕 $33造型可愛，抹茶味香濃～
continue reading
尖沙咀最近新開咗呢間日本菜，地點方便，餐牌上食物款式又多😝約埋朋友行完街、影完燈飾就去食吓啦🤗1. 招財貓薯仔沙律（$78）俾招財貓吸引咗，打卡一流😝薯仔好綿滑，仲有我最愛三文魚籽🤩2. 雞肉大蔥串 （$35/醬油味）雞肉加大蔥真係好夾😝串燒燒到焦香，好啱送酒😎3. 牛舌 （$38）牛舌厚度適中，有啲咬口又唔會過鞋👍🏻夠juicy😋4. 廣島縣產炸蠔 （$58)炸蠔超肥美鮮甜，外層炸粉鬆脆🤤好推薦😬5. 油甘魚三文魚蛋黃丼 （$138)啱哂我呢啲貪心嘅人，一次食幾款魚🤗油甘魚同三文魚都好新鮮厚肉😋6. 三文魚三文魚籽丼 ($138)鍾意食三文魚籽必叫呢個飯，好足料😍港🐷評分：9/10
continue reading
早排去開美麗華見到新開嘅居酒屋🏮呢日終於有機會去試下佢嘅刺身丼🍚同拉麵🍜簡約嘅日式裝潢, 木系色調再配上一片白色嘅波波燈籠🫧好有日本居酒屋嘅感覺🏮🐟油甘魚三文魚蛋黃丼刺身厚切好足料肥美, 油甘魚同三文魚都好新鮮👍🏻 鋪滿三文魚籽同蟹籽, 再配搭濃香嘅蛋黃, 令到呢個魚生丼味道更多一個層次🆙🍜特製淡麗系醬油拉麵除左丼, 仲有各款嘅拉麵選擇🍜 拉麵湯底唔會太濃烈太咸, 燒豬腩肉、叉燒、雞肉, 仲有大大粒流心蛋🥚份量都唔少🥔薯仔沙律日式薯仔沙律味道好清新🌱最特別係呢個沙律嘅造形, 顏值非常高!✨薯仔沙律上面, 有一隻好可愛嘅招財貓🐱 其實招財貓係一個薄脆嘅餅, 原來入面都塞滿左薯仔沙律~🍢串燒盛合居酒屋當然唔少得串燒🏮🍢串燒水準都好唔錯~ 叫左個串燒盛合, 包括雞翼、雞柳、雞皮、雞心等雞唔同嘅部位🐥 雞皮同雞翼都燒得好香脆~ 當中嘅雞柳可以揀配梅醬或者芥辣~ 梅醬味道好特別, 非常開胃✨
continue reading
早排見到麵屋一平安結業嘅消息，真係覺得好惋惜。不過原來佢哋只係開設一個新嘅品牌，「丸一」嘅「一」致敬咗「麵屋一平安」；「丸」字就源於創辦人島田逸子母親娘家姓氏「丸山」。呢個新品牌除咗保留一平安拉麵嘅傳統，亦都加入咗其他元素係魚生、丼飯、串燒等等。鰻魚三文魚子飯 $198呢個係佢哋其中一個招牌丼飯，半條嘅鰻魚，加上大量嘅三文魚子同生雞蛋，係一個相當奢華嘅組合。鰻魚香甜肥美，而且邊邊嘅位置充滿炭香味，口感脆中帶軟。三文魚子俾得相當慷慨，鮮甜鹹香嘅味道加上生蛋黃，非常之好送飯。味道：8.3/10吞拿魚丼 $178新品牌特別邀請擁有多年日本料理經驗，尤其精於刺身丼製作嘅全新行政總廚Satosan加入團隊。吞拿魚大概係中拖嘅位置，肉質軟嫩冇筋，帶油香但又唔會過於肥膩。搭配埋三文魚子同飛魚子有三重嘅口感。不過小編當然希望呢個價錢，會有多啲吞拿魚！味道：8/10串燒1.串燒牛舌 $382.大蔥雞肉 $353.免治雞肉棒 $42呢個都係新品牌新加入嘅元素，推出經典的居酒屋料理—燒鳥。餐廳仲特別邀請擁有多年燒鳥製作經驗嘅副主廚 Takahashi san 加入團隊。先講牛舌，牛舌偏厚切，口感偏爽，牛味濃郁，調味料只有鹽同黑椒，但都幾夠味，但感覺唔算好香口。大涌雞肉係醬燒嘅方式味道甜甜地雞肉結實多汁，配上京蔥嘅香味，味道唔錯。免治雞肉棒係小編嘅愛好之一，佢嘅醬油鹹鹹甜甜配淮山，蛋黃非常夠味。雞肉棒有唔少軟骨嘅細粒，口感豐富。味道：8/10 明太子雞肉卷 $68作為明太子控嘅小編覺得呢個真係相當吸引因為見到佢有原條嘅明太子用豬肉包住，明太子鹹鹹香香大少少辣味，夾埋紫蘇葉一齊食味道啱啱好。不過豬肉嘅存在感就偏低。味道：8/10抵食：7.8/10環境：8/10服務：8.1/10丸一 (尖沙咀)尖沙咀彌敦道132號美麗華商場1期2樓203號舖 #hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #香港必食 #尖沙咀 #尖沙咀美食 #tsimshatsui #日本 #日本菜 #刺身 #海鮮 #shashimi #丼 #鰻魚飯 #鰻丼 #串燒 #燒鳥 #焼き鳥 #yakitori #丼飯 #tst #tsimshatsuifood
continue reading
《新開日式居酒屋🏮》———————————————-#丸一 🇯🇵-呢間新開嘅丸一質素意外咁高，居酒屋好有日式感覺，好啱放工後嚟chill下～-🎣 原魚三文魚丼擺盤好靚，魚生鮮嫩滑口，味道鮮甜，搭配香濃嘅蛋香同三文魚籽，層次豐富🧡滿滿嘅三文魚鋪滿成個丼，差唔多有成十片，口感肥美😊米飯都做得唔錯，每粒都好圓滑🍚-🍜 特製蟹拉麵拉麵湯底濃郁，配合爽口彈牙嘅幼身拉麵，非常唔錯🤤仲有隻蟹鉗都幾正🦀-🍳 明太子煎蛋好厚好大份，蛋香濃郁，每層蛋卷上面幾舊明太子，令蛋卷味道更有層次～-另外仲嗌咗牛舌同免治雞肉串都好唔錯，最後甜品嘅小熊雪糕非常之cute🍧-⭐ 參考價錢︰油甘三文魚丼：$138特製蟹拉麵：$128明太子煎蛋：$78串燒牛舌：$38免治雞肉：$42小熊雪糕：$28🍌 抵deal 指數：7/10
continue reading