Video
1-min walk from Exit N2, Tsim Sha Tsui / East Tsim Sha Tsui MTR Station
continue reading
Telephone
36222239
Introduction
It is a popular Chinese restaurant chain. The signature dish sauerkraut fish is made with the essence parts of sea bass and sauerkraut that marinate with their own recipe. It tastes sour, spicy and quite delicious!
continue reading
Opening Hours
Today
12:00 - 21:00
Mon - Sun
12:00 - 21:00
Above information is for reference only. Please check details with the restaurant.
-
Online Booking Service Not Available
如果喜歡酸菜魚極酸極辣的話，太二酸菜魚就未必是你所愛，因為太二的酸菜魚辣度並非十分強勁，酸度恰好，算是走一個中庸之道。魚肉夠滑，但酸菜卻沒有宣傳說的比魚更好吃，不過不失。勝在整體吃起來不會太油膩，吃完亦不會因為太酸太辣而覺得肚子不舒服。而在過程中最有趣的是，侍應上枱前用京劇腔大叫：「好吃的魚來了！」戲劇性十足。
continue reading
如果鍾意食酸菜魚，呢度一定係首選。叫咗個「招牌鱸魚酸菜魚」，配咗萵筍片、脆豆腐同埋紅薯粉。啲魚多到一個點，喺其他餐廳，通常好快就已經食晒，但係我哋3個人，食到臨尾都仲有得食啲魚！配料當中我覺得紅薯粉最好味，而果啲脆豆腐就好似食緊魚片咁樣。另外仲叫咗芥末蝦仁球，乾煸肉沫四季豆，辣子雞。蝦球煮得好得意，食落去外皮脆卜卜，辣子雞偏麻辣嘅，嗰啲辣椒粒食落都好好味。我想讚吓佢嘅嘢飲，「馬蹄好椰清補涼」好重椰子味，馬蹄粒粒好大粒，真係好好飲，尤其是食緊辣嘢，飲呢個就最爽！最後叫咗個西瓜椰椰冰粉做甜品，食完一碗，好想再即刻叫多一碗😂
continue reading
🐟深圳過江龍人氣酸菜魚🐟近依一兩年殺到落黎香港開分店，愈開愈多間，經過唔同分店都有大量人等候，即管試一試！環境非常闊落，位置好多，就算2個人都會比卡位你坐，點名方面係用QRcode，有圖慢慢睇，另外陳皮洛神花茶免費供應，仲可以自己調配份量，每個座位都有紙巾牙線叉電線等等，幾貼心啵！—老壇子酸菜魚 （3-4人份量） $388+粉絲 $20+金針菇$20+脆豆腐$20酸菜魚準備上枱時，staff會大聲講「好吃的酸菜魚來了」少少驚嚇加好笑，一上枱就傳黎好香既麻椒酸菜味，魚肉份糧當然足夠（因為我地得2個人），我諗真系夠3-4人食既，魚肉嫩滑，大大塊易夾唔會好散，金湯湯底好飲，非常開胃，雖然睇落好多辣椒但唔會話搶哂味，湯頭調配岩岩好，配搭吸味既粉絲同金菇簡直一流，當然唔少得既係撈白飯，簡直係白飯神偷，不過$20一款既配菜份量就真系少啦，幾啖就食哂，有D可惜。酸菜魚既金湯係好飲，不過建議適可而止，因為之後會好口渴。—糊辣口水雞 $68口水雞醬汁唔錯，不過唔係雞件而係雞絲，肉質都唔滑嫩，唔值得食—西瓜椰椰冰粉 $22依個小甜品又幾好食啵！鐘意佢既椰奶椰汁味冰粉，mix埋西瓜好清新仲有少少椰子片加左添左口感，亦唔會話好甜！唯一敗北既小丸子，硬硬地又粉粉既小丸子，完全唔煙韌，唔加好過加。不過D冰粉我就好鐘意，會想再食。
continue reading
今日朋友話想食酸菜魚，佢就揀咗呢間餐廳食，我哋18:30嚟到，唔駛等位，裡面環境寬敞舒適，燈光暗暗，好有情調，呢到係用QR code落單，食物種類唔算多，我哋點咗招牌鱸魚酸菜魚2-3人餐 $298 可以揀兩份配菜，我哋揀咗紅薯粉同萵筍片。招牌鱸魚酸菜魚：大大片嘅無骨鱸魚，鮮甜嫩滑。紅薯粉：煙煙韌韌萵筍片：清脆爽口配埋佢個酸辣湯底：酸辣度適中，酸酸辣辣特別惹味！點完嘢食，我哋就出咗去沖杯陳皮洛神花茶飲，甜甜酸酸好開胃 （免費沖飲）之後就返埋位坐，我哋就玩佢個抽籤筒，我哋抽咗支吉籤，睇到個籤文寫得咁好，我哋食嘢個心情都特別好！
continue reading
太二的酸菜魚在內地一向都是數一數二，而家進攻埋香港，可以唔使返內地都可以享受到美味的酸菜魚，不過要注意嘅係價錢會比內地價格高少少。 今次呢間分店向K11，岩哂向附近上完堂嘅我可以順路進食，地點很就腳，距離地鐵站大概兩三分鐘路程。 店內環境乾淨，侍應都好熱情有禮，枱面有QR CODE可以自行落單，亦都有自助茶水吧，洛神花加陳皮，開胃又解辣。 主菜酸菜魚肉質鮮嫩完全唔腥，酸菜咸香味很重，少少脆身，湯底酸酸辣辣配白飯係一絕。酸菜魚份量夠多，兩個人食岩岩好，純對係我最喜愛嘅酸菜魚之一😍😍😍
continue reading