Video
11-min walk from Exit E2, Tsuen Wan West MTR Station
continue reading
Additional Information
Last order: 22:00
Opening Hours
Mon - Fri
18:00 - 23:00
Sat - Sun
12:00 - 15:00
18:00 - 23:00
Above information is for reference only. Please check details with the restaurant.
26-8-2018 (Sun) 晏晝,同老公行落o黎大壩街搵PHD,諗住o係o度堂食,因為收到佢o地o既宣傳單張,話有堂優惠,點知行到o黎,原來只係一間外賣店,咁就睇其他o野食,呢邊西餐廳多,我o地行到呢間睇,話做到前日(31-8-2018 Fri)就唔做喇,咁試吓啦.坐低後研究menu,老公要$78.00o既炸魚薯條,我要$108.00o既波士頓龍蝦,炒蛋,雜菜沙律,兩個都加$10.00要是日餐湯~番茄湯.等o左一段時間,兩個番茄湯到o黎,份量係半碗,味道就係切切實實o既番茄湯味,冇其他,不過鹹淡適中.冇耐,老公o既炸魚薯條到o黎,睇見炸魚幾大舊,好快,我o既波士頓龍蝦,炒蛋,雜菜沙律都到喇.波士頓龍蝦肉質爽,鹹淡亦適中;炒蛋冇落牛奶,但唔o鞋,幾滑;雜菜沙律o既黑醋落得唔係好多.老公o既炸魚薯條呢?炸魚唔止大件重要幾厚,口感好鬆肉滑;薯條冇炸過火不過外面唔脆,OK.最後兩個餐飲都係要凍檸水,但叫o左好耐至有,呢個正常冇問題.味道係3.5分環境:都幾好,幾舒服,不過我o地坐近門口有啲熱.服務:都OK啦,幾有禮貌不過唔知點解飲完杯水唔會幫我斟,但其他客人飲完就會斟.價錢:有收加一,收$216.00,佢o地收少o左$10.00,睇返張單,係炸魚薯條收o左$68.00.2.5分PS: 隔離枱叫漢堡包,我o地都嗅到香味,包括個包被烘過o既香味,咁呢間o野食都幾有水準.
continue reading
中午飯黎食，同枱牛產品點了三份牛扒，兩件漢堡。全部太硬。七成好似well fone咁，五成每淡要咬超過三十四十下，有待進步。其他就幾好食。未試過牛扒食剩咁多。海鮮意粉幾好食，工作人員好態度，坐得舒服。
continue reading
最近來到荃灣西鐵附近大壩街那邊的一間西餐廳吃晚飯，店家最近以特別的汽球甜品作招徠，無奈造訪當天來到時已沽清，唯有專注品嚐其他的出品了。小店佔地算廣，設計裝潢以簡約舒適為主，白色的落地玻璃門滿有外地田園小店的風味，牆上的塗鴉加上一塊寫着當天菜式的黑板，帶著點點文青的玩味，予人輕鬆高雅之感。細看餐牌這店的食物選擇算不少，由沙律前菜、漢堡主食和甜品皆有供應，黑板上更寫上了每天不同的是日推介，主菜類還可以加錢配上餐湯/前菜和飲品。當天的餐湯為番茄意大利雜菜湯，湯汁鮮紅濃稠，原來是加入了外面湯品較少用的紅菜頭，健康足料，茄味濃香但不會太酸，開胃清新。飲湯當然要配麵包，這裡的麵包外微脆內軟綿，質素不算十分突出，反而是即切的鮮牛油以石板盛著，確保了牛油的軟滑，更顯貼心。凱撒沙律，清爽翠綠的羅馬生菜，配上濃郁的凱撒沙律醬、煙肉碎、麵包粒和巴馬臣芝士碎，用料尚算正宗齊全，唯醬汁只草草擠在沙律菜面上，沒有為客人預先拌勻，麵包粒亦不夠脆香，感覺有點馬虎，跟傳統的凱撒沙律有點出入，但其實味道還算不錯，酸香惹味，加上只是跟餐的沙律，所以也沒有太多的要求了。天多利烤羊架 · 芝士青豆薯蓉 · 薄荷乳酪，有別於一般的西式焗羊架，這店採用了多種香料醃製，一端上來已傳來陣陣香料的獨特香氣，是印度傳統的Tandoori做法。4大件羊架烤得外焦內嫩，份量十足，入口濃香惹味，鬆軟Juicy，配上綠色的薄荷乳酪醬汁，添上清新，亦有助辟羶解膩。伴碟的薯蓉混上青豆，面頭放上一塊半溶芝士，質感綿密中帶咬口，滲著濃郁的車打芝士奶香和微微的香料清香，十分搭配，帶點印度Fusion料理的影子。青口 · 西班牙辣肉腸 · 香蒜辣椒意粉，煮得爽彈的意粉，以蒜蓉、辣椒、辣肉腸碎及香葉以橄欖油輕輕炒過，微辣刺激，鹹香惹味；面頭放上焗香了的青口，添上點點海洋氣息，鮮香Q嫩，兩者配合得恰到好處，令人越吃越過癮。除了熱食外，這店的飲料與甜品亦是另一熱門選擇。芒果乳酪沙冰，芒果香十分濃郁，配上乳酪清甜中帶酸爽，冰凍解渴。熱薑蜜柚子茶，入口帶濃郁薑味，繼而滲出淡淡柚子香，雙重清香縈繞在味蕾之中飛舞，是一杯令人心曠神怡的熱飲。百花蜜伯爵茶奶凍，伯爵茶香濃厚而不會過甜，口感幼滑帶著淡淡蜜糖和玫瑰花香，層次頗為豐富。縱觀整餐的質素不俗，環境氣氛寧靜舒適，招呼亦熱情到位，而且定價尚算合理，是一個適合情人談心知己相聚的好地方。
continue reading
同呀妹行完都一田 想食西餐 但商場都係嗰d 貴價野 於是去後面街睇下有咩食行到最篤篤發現呢間西餐見價錢合理就入左去試下 我地叫左蟹肉咸蛋黃南瓜飯 因為好似好特別再 +38蚊要左個湯加野飲 叫左塊188既熊本西冷扒 ，同一個金沙魷魚想話個湯就覺得好好味 好creamy 加好多南瓜蓉 不過個蒜蓉包就唔多脆/熱另外個牛扒都好好味 有牛味唔韌肥得均勻 唯獨覺得太細塊 唔夠喉唯有食埋佢d 伴碟 因為d 蔬菜都好甜至於個意大利飯就覺得啖左d 可能唔啱我口味 不過幾新穎 但如果蟹肉轉做帶子 可能會豐富dtiramusu 好好食 個汁好濃 仲有d 咖啡味
continue reading
逛完荃灣廣場去食飯，商場內嘅餐廳唔係好啱胃口，知道旁邊嘅海霸街好多食肆，就上網搵下，最後揀咗呢間。認得呢個舖位，好似同之前唔同咗，但依然唔少客人，門口又有大大個餐牌，睇啱就入去。餐牌上嘅飯、意粉、肉類等主菜都可以加錢跟餐，仲可以揀係配餐湯&飲品 / 前菜&飲品 等唔同配搭，我吔都想食前菜，但想食嘅兩款前菜都唔可以跟餐，於是就只係加$38配餐湯同飲品喇。呢晚嘅指定餐湯係椰菜花忌廉湯，好明顯係自家制嘅，唔會太稠，仲加埋煙肉碎同麵包粒，唔錯!其中一個前菜揀咗牛肉他他，朋友嘅至愛，從佢嘅賣相同配料可見有唔少心思，連黑魚籽都有，刺穿蛋黃撈埋啲生牛肉碎，好味!另一個前菜比較少見，紅蝦刺身，配埋啲帶點酸辣嘅沙律菜，以$88有三隻大蝦自算係抵食，菜式新穎之餘又新鮮好味，上菜前已經去殼，肉質好有口感，大蝦頭仲有啲蝦膏，冇苦澀味，正!其中一個主菜揀咗黑版上嘅是日推介，白酒煮青口配印度薄餅，order時店員有提到呢個係前菜嘅分量，果然唔係平時見嘅一大煲，但對於我唔太肚餓嚟講就啱啱好喇。有點訝異係呢個係大青口，而唔係平時常見嘅白酒煮青口嘅細版，相對地呢個就冇咁嫩滑喇，亦只得半煲嘅份量。而啲印度薄餅係一般嘅油酥餅，但配番個汁食就唔錯嘅。另一個主菜就係餐牌上嘅油封鴨脾配鵝肝，賣相精緻，但就比預期嘅分量細，始終係主菜同埋都要近$200，估計會大份啲。但味道嚟講係好味嘅，鴨脾同鵝肝都唔會煮得過乾身，如果平啲或者份量多番啲會好好多。最後，見黑版上有幾款甜品，跟餐可減$12，又咁啱見有客人生日都揀咗呢個Tiramisu，我吔就又叫一個。可能佢吔趕住收舖，拎到嚟完全冇介紹點食，好彩我平時成日食Tiramisu，知大概係點嘅，三樣配料自己拼埋一齊食，做法好特別，通常酒店餐廳先會將啲配料分開(咁當然個賣相會靚過呢度)，只可惜冇人介紹點食即刻要扣扣分。
continue reading