Video
Telephone
63096362
Opening Hours
Today
08:00 - 18:00
Mon - Sat
08:00 - 18:00
Sun
09:00 - 18:00
Public Holiday
09:00 - 18:00
Above information is for reference only. Please check details with the restaurant.
Recommended Dishes
朋友好鐘意飲咖啡，係網上面見到荃灣有間咖啡店拎過好多獎項，所以Lunch去左試下。入面既裝修幾靚，放左好多有關咖啡既證書，仲有咖啡豆可以買。🟠芝士日本和牛竹炭漢堡配薯角網上面見到好多人都推介佢地既漢堡，果然幾好食。薯角配有茄汁同黑松露醬，而個burger好大個好抵食😱一個女仔食既話都好飽。漢堡入面有有蕃茄、芝士、和牛、蔬菜同埋雞蛋，個醬甜甜地幾好食，而個包皮都好鬆化。🟤明太子大蝦意大利粉意大利粉份量好多好足料，入面有好多菇，而蝦亦都好大隻好彈牙。🟢雜莓配自家製藍莓醬牛角窩夫甜品方面就揀左近年好興既牛角窩夫，窩夫好煙韌彈牙，配上酸酸地既果醬一齊食就唔會好漏🟡Heavy Dirty呢杯dirty同平時既唔一樣，因為入面加左Cream，所以味道會比較甜，好易入口🔴Hand Drip朋友就揀左手沖咖啡，你可以自己揀咖啡豆或者由店員根據你既喜好推介俾你，佢地會即時磨豆手沖。朋友就鍾意Fruity既咖啡，店員推介Kenya Nyeri Githiru FCS AA TOP，成份入面有檸檬同蜜餞，朋友覺得呢杯好好飲，有興趣既朋友可以過黎試下呀。
continue reading
今日陪朋友喺附近睇醫生，之後行經呢間咖啡店。朋友話之前嚟飲過咖啡幾好飲就決定入去順便食個休閒午餐。鋪面唔大但木系裝修都幾舒服，牆身擺咗唔少客人嘅畫作，幾有親切感。講返食物方面佢嘅假日餐牌都有好多種類除咗all day breakfast，多士系列，仲有意粉同漢堡，而最吸引我嘅就係牛角窩夫！我哋分別點咗兩客意粉同2個牛角窩夫。等食物之前就飲住咖啡同蜜糖柚子梳打。咖啡好香，朋友好欣賞，話好好飲。轉頭食物都好快準備好，份量好多而且賣相好吸引。明太子大蝦意粉同卡邦尼意粉，兩款嘅意粉都煮得啱啱好火喉，唔會太淋，煙韌又咬口！明太子醬食起嚟鹹香味濃啲，加埋爽口大蝦，好夾！至於卡邦尼醬汁食起嚟比起好多西餐廳更為出色，意粉掛晒醬汁，濃濃芝士味，配搭火腿同蘑菇片，好食！轉頭我哋就點埋甜品食，開頭以為佢呢個價錢個牛角窩夫份量應該好細，點知原來一客都有兩件，重要好味道。我哋分別揀咗兩個口味，一個係抹茶麻糬紅豆；另一個就係自家製藍莓醬配雪糕。牛角窩夫烤得香酥，食落有少少脆口，牛油香味十足。兩種口味各有特色，藍莓醬同雪糕就香甜啲；抹茶麻糬紅豆就口感豐富，兩款我都鐘意！店員話閒日仲有weekday menu，可以以更優惠價錢加配咖啡或其他飲品，我下次要再嚟呀！
continue reading
呢間嘅咖啡師攞過好多獎，實在太耐冇飲過好飲嘅咖啡啦，試完真係覺得好好好出色🥺會再encore~除咗咖啡，佢地嘅嘢食都整得好精緻，味道都唔錯，不過地點唔算就腳，放假不妨同朋友過黎chill下😆1. 芝士日本和牛竹炭漢堡配薯角（$125）漢堡超蓬鬆、超足料，成座山咁好震撼⛰️女仔一隻手攞都幾有難度😂和牛漢堡扒肥瘦適中、牛味重，半溶芝士🧀配上爽脆羅馬生菜，入口邪惡又滿足😸不過薯角就偏硬同細舊🫣2. 卡邦尼意粉（$75）是日意粉係卡邦尼，下午茶時段好抵食😛雖然係下午茶，但份量同普通lunch無分別～煙肉同蘑菇份量好多，忌廉味好濃郁，但食到後期就略嫌乾咗少少🤌🏻如果多啲汁就更好！3. 煙三文魚沙律（$65）呢個都係下午茶餐🥹又係勁抵，完全估唔到份量會咁多！有成4-5塊煙三文魚，全部都勁大塊加厚切😳沙律菜新鮮爽口，醬汁份量恰到好處👍🏻4. 迷你法式西多士（$75）雖然寫住迷你，但其實一啲都唔迷你😂香蕉特登用焦糖包住🍌藍莓全部大大粒🫐士多啤梨都好紅潤🍓全部水果都好新鮮好清甜🥰西多士香甜可口，完全唔油膩，好食過茶記西多10倍！！！5. 雜莓配藍莓醬牛角窩夫（$65）店家超用心❤️連藍莓醬都係自家製🫐牛角窝夫酥脆可口，作為飯後甜品兩個人share啱啱好😋6. 藍莓梳打全部都係用自家製藍莓醬，冇額外添加糖，飲落就係水果嘅清甜mix梳打水，非常清爽🥰7. Heavy Dirty點解叫heavy呢？係因為落咗忌廉😍所以比起平時飲嘅dirty口感更加醇厚、奶味更加重🥛連平時唔太飲咖啡嘅朋友，試完都大讚，呢杯真係無得頂🥹
continue reading
今天我去咗荃灣，特意上網搵咗下邊度有全天供應嘅早餐。發現咗一間隱世寶地，雖然位置唔算方便，離地鐵站有啲遠，喺天橋底下，但呢度嘅食物同咖啡絕對有驚喜。Mini 全天早餐，呢個早餐套餐有豬肉腸、炒蛋、沙律同竹炭多士。豬肉腸味道濃郁，加上嫩滑嘅炒蛋，令人食指大動。炒蛋嘅口感細膩，真係幾驚艷。而竹炭多士就係另一個亮點，烤得非常脆，外焦內軟，特別好味，配其他食材一流。另外，你可以加錢嚟杯飲品，例如拿鐵，咖啡香醇順滑，為成個早餐增添享受，絕對係完美嘅配搭。
continue reading
琴日送完小朋友返學，終於有時間同老公拍下拖，我知道老公對咖啡都有要求😆所以網上搵咗呢間位於荃灣獲獎無數嘅咖啡室試吓☕️入到去充滿藝術作品同埋咖啡豆嘅香味，成埲牆都係獎狀😽座位闊落舒適，落地大玻璃對住繁忙嘅街道🩵別有風味，店員服務態度好好👍🏻細心介紹每隻咖啡豆香味和原產地等等!美食⭐️⭐️⭐️⭐️🩵黑松露忌廉煙鴨胸意大利飯hkd115黑松露超級濃郁🤤鴨胸咬落去油脂出晒嚟非常惹味👍🏻意大利飯大大粒煙靭有咬口，黑松露迷大推！！！🩵芝士日本和牛竹炭漢堡配薯角Hkd125漢堡包有芝士、和牛扒、蕃茄、蔬菜、流心雞蛋，超級多層次和牛扒咬落去牛香味好重，超Juicy!竹炭漢堡超軟身～🤤薯角炸到外脆內軟，有少少辣非常惹味！🩵煙三文魚班尼迪蛋hkd138竹炭麵包上面有煙三文魚班尼迪蛋，配新鮮菜沙律加上沙律醋超級開胃，另外還有炒雜菇，完美早餐組合😆營養均衡啊😚🩵Costa Rica hkd80咖啡飲落去第一浸飲到玫瑰水味之後熱情果、雜莓、甜紅酒嘅味道🍷喜歡果香味咖啡嘅朋友可以試吓😚
continue reading