Video
Opening Hours
Mon - Fri
11:30 - 15:00
17:30 - 20:00
Sat
Closed
Sun
11:30 - 15:00
17:30 - 20:00
Public Holiday
11:30 - 15:00
17:30 - 20:00
Public Holiday Eve
11:30 - 15:00
17:30 - 20:00
Above information is for reference only. Please check details with the restaurant.
Signature Dishes
好少喺毓華街食lunch經過有泰國嘢就膽粗粗試吓本身佢係有lunch set炒雞肉金邊粉嘅，但係我想試吓個鮮蝦就叫咗晚餐價錢$68，加$10叫埋杯泰式凍奶茶（少甜），但都非常甜，唔建議冇飲開甜嘢嘅朋友試😂個金邊粉份量適中，酸甜好開胃，幾好食，個蝦就冇咩特別，不過主角係金邊粉就冇咁多要求，下次應該會叫返lunch set$54包嘢飲比較抵總括來說是推薦的😎
continue reading
💪🏻 泰式雞肉炒金邊粉 （$49跟餐）呢間餐廳係泰國人家庭式經營，人情味滿滿，係慈雲山都做左10幾年，大件抵食🤪！金邊粉炒得偏濕，醬汁較多，但金邊粉都炒得夠鑊氣，食落都夠煙靭😋！金邊粉內有少量豆腐乾、椰菜、韮菜、花生碎，令到口感更多層次！但金邊粉調味偏酸，未必個個人都鍾意，但整體都食得出地道嘅泰式風味！雞肉用雞髀肉，都夠滑，唔鞋口。味道：6.5/10性價比：8/10 食住瘦指數：💪🏻💪🏻/5
continue reading
好好味，喺OpenRice買，仲可以用積分換購，減咗$17 ，買咗炭燒豬頸肉同埋燒雞半隻，非常惹味香口，最搞笑係，喺OpenRice訂購嘅時候唔記得調校時間，三點幾已經煮好，我晚上先至拎，但係仍然很美味！
continue reading
第一篇食評！今日食泰國嘢，寫下食評先環境係一般茶餐廳感覺 佈置簡陋左右兩間同一個老闆坐咗喺左邊間鋪 鋪入面坐到20人左右位置鬆動 清潔度好一般坐低叫咗個海南雞飯同pad Thai (走芽菜)味道未去到食到泰國嘢個種快感，得三隻蝦，仲食到有蝦殼，唔係好油但係好一般，食食下見到隻細飛飛係碟嘢到都係一般，油飯唔油，雞有少少骨，味道還好，得一隻醬汁點，食到一半，食晒啲雞無再食飯。總括同價錢都算同嘢食成正比，廚房入面有泰廚，平民飯嚟講還可以😌
continue reading
呼 🚬 有個朋友話：「喂！我屋企附近有間好正嘅泰菜！啲嘢好好食，啲串燒比你之前介紹個間仲好食！😆」咁啦我就本住探險家精神決定窺探呢間泰菜嘅廬山真面目🦭！🍴泰式雜菜煲 $78 🌟普通到唔再普通嘅雜菜粉絲煲......食得出廚師盡咗力放好多心機落去，但呢個心機真係太普通同太鹹呢🤧🍴泰式春卷湯金邊粉 $58 🌟🌟我真係好鍾意食金邊粉🤤呢個金邊粉麵身正正係我最愛嘅腍身😆清湯底唔太鹹唔太淡，又唔太特出。但份春卷非常一般，只係普通嘅蔬菜夾雜些小肉絲，食落唔太油膩同酥脆。再加上廚師將泰式雞汁同春卷放埋一齊，搞到個春卷皮腍晒，扣分！**可能有人怕清湯太寡，唔緊要！記得善用泰菜館啲醬料吧，加入泰式魚露、辣椒粉，同砂糖令成個湯底昇華到可辣可唔辣嘅層次！🍴招牌串燒（雞/豬）$88 🌟🌟🌟我個朋友極力推薦嘅招牌串燒，唔難食但唔算太特別......雞肉串燒食落嫩滑鮮甜，搭上綿質惹味沙嗲醬 ，絕對適合用嚟送啤酒或白飯/湯河；豬肉串燒肉質鮮嫩，咬落有陣濃濃香甜豬肉味，肉汁同脂肪喺口內爆開，齒頰留香🤤 由於串燒真係好難整到難食，除非佢成串燒燶咗，否則難食極都有個譜...... 呼 🚬 食完成餐，我決定嚟緊一個月都唔想同呢位朋友見面😃 街坊們要過吓口癮食泰國菜，近近地落樓下附近食完全無問題；但好似我呢種泰菜老饕，真的先！不！要！
continue reading