Video
Read full review
2023-02-25
359 views
呼 🚬 有個朋友話：「喂！我屋企附近有間好正嘅泰菜！啲嘢好好食，啲串燒比你之前介紹個間仲好食！😆」咁啦我就本住探險家精神決定窺探呢間泰菜嘅廬山真面目🦭！🍴泰式雜菜煲 $78 🌟普通到唔再普通嘅雜菜粉絲煲......食得出廚師盡咗力放好多心機落去，但呢個心機真係太普通同太鹹呢🤧🍴泰式春卷湯金邊粉 $58 🌟🌟我真係好鍾意食金邊粉🤤呢個金邊粉麵身正正係我最愛嘅腍身😆清湯底唔太鹹唔太淡，又唔太特出。但份春卷非常一般，只係普通嘅蔬菜夾雜些小肉絲，食落唔太油膩同酥脆。再加上廚師將泰式雞汁同春卷放埋一齊，搞到個春卷皮腍晒，扣分！**可能有人怕清湯太寡，唔緊要！記得善用泰菜館啲醬料吧，加入泰式魚露、辣椒粉，同砂糖令成個湯底昇華到可辣可唔辣嘅層次！🍴招牌串燒（雞/豬）$88 🌟🌟🌟我個朋友極力推薦嘅招牌串燒，唔難食但唔算太特別......雞肉串燒食落嫩滑鮮甜，搭上綿質惹味沙嗲醬 ，絕對適合用嚟送啤酒或白飯/湯河；豬肉串燒肉質鮮嫩，咬落有陣濃濃香甜豬肉味，肉汁同脂肪喺口內爆開，齒頰留香🤤 由於串燒真係好難整到難食，除非佢成串燒燶咗，否則難食極都有個譜...... 呼 🚬 食完成餐，我決定嚟緊一個月都唔想
🍴泰式雜菜煲 $78 🌟
普通到唔再普通嘅雜菜粉絲煲......食得出廚師盡咗力放好多心機落去，但呢個心機真係太普通同太鹹呢🤧
泰式粉絲雜菜煲
$78
28 views
0 likes
0 comments
🍴泰式春卷湯金邊粉 $58 🌟🌟
我真係好鍾意食金邊粉🤤呢個金邊粉麵身正正係我最愛嘅腍身😆清湯底唔太鹹唔太淡，又唔太特出。但份春卷非常一般，只係普通嘅蔬菜夾雜些小肉絲，食落唔太油膩同酥脆。再加上廚師將泰式雞汁同春卷放埋一齊，搞到個春卷皮腍晒，扣分！
**可能有人怕清湯太寡，唔緊要！記得善用泰菜館啲醬料吧，加入泰式魚露、辣椒粉，同砂糖令成個湯底昇華到可辣可唔辣嘅層次！
泰式春卷湯金邊粉
22 views
0 likes
0 comments
🍴招牌串燒（雞/豬）$88 🌟🌟🌟
我個朋友極力推薦嘅招牌串燒，唔難食但唔算太特別......雞肉串燒食落嫩滑鮮甜，搭上綿質惹味沙嗲醬 ，絕對適合用嚟送啤酒或白飯/湯河；豬肉串燒肉質鮮嫩，咬落有陣濃濃香甜豬肉味，肉汁同脂肪喺口內爆開，齒頰留香🤤 由於串燒真係好難整到難食，除非佢成串燒燶咗，否則難食極都有個譜......
串燒雞豬
$88
33 views
0 likes
0 comments
呼 🚬 食完成餐，我決定嚟緊一個月都唔想同呢位朋友見面😃 街坊們要過吓口癮食泰國菜，近近地落樓下附近食完全無問題；但好似我呢種泰菜老饕，真的先！不！要！
Post
