Video
Opening Hours
Mon - Sun
11:00 - 23:00
Above information is for reference only. Please check details with the restaurant.
今日朋友仔同我慶祝生日話要食好d,去左屯門宜間鐵板燒,平民價但絕對高質素,日本帆立貝牛柳二人套票 ($998/2人, 另加一服務費）個茶碗蒸好滑， 個D黑松露勁多仲要勁香 而個帆立貝擺盤又靚好juicy個廣島蠔唔會過火,個鮮味仲配合埋個煙肉碎,絕,加上睇住師傅表演再食真係好享受,美國安格斯牛柳🥩,五成熟，師傅煎得好好,仲好淋身，食落牛味好出加埋蒜片食一流個飯先係高潮位,飯炒到粒粒分明好乾身之餘調味好好唔會過咸,正宗黃金炒飯係好考師傅手勢工架,再配合埋個醃菜，好滿意
continue reading
和豬先生拍拖👫，總會偏好揀日式餐廳，而鐵板燒最聲色味俱全。坐在鐵板吧枱前，看著廚師舞動鐵鏟，叮叮噹噹的節奏樂聲，顯示著烹調美食的功架，豬先生最愛😏店舖環境可以坐到10－14位食客，中間就是師傅烹調鐵板燒的位置，寛闊乾淨企理，餐牌價錢相當貼地。我地點左兩個套餐，8道菜分別是$168 🔸鮮三文魚牛柳套餐及$198🔸比目魚西冷套餐 (另加一) 相當抵食，性價比極高，食材相當豐富，海鮮類有鮮三文魚、鮮帶子、比目魚、龍脷柳等，肉食方面有美國安格斯牛柳，安格斯西冷。帶子，鮮味軟熟，配以在鐵板上場調煮的醬汁，單純又美味~ 三文魚柳、比目魚柳、龍脷柳也是好味的。非但沒有煮過火，鮮嫩很juicy牛肉叫左五成熟，廚師的火喉控制得岩岩好。肉味濃郁，富有彈性，配上蒜片同食，一絕。甜品豬先生超鍾意，係日式的杏仁豆腐，口感及味道都同日本有相近既味道。套餐仲有沙律、面豉湯、炒什菜、黃金炒飯。吃得飽飽大滿足，希望下次豬先生好快再同我去食👍🏻
continue reading
好多年無食過鐵板燒，因為朋友住附近，佢推薦食呢間，就去試下，地點有啲偏遠。鯛魚二人套餐 $888一坐低就會有個沙律🥗，普普通通之後師傅就拎今日嘅食材出嚟煮，一路望住師傅喺度燒，係幾好享受的😎😎帶子好大隻鮮甜，加埋牛油去煎，香氣滿寫😋😋鯛魚好滑，魚油好香，簡直秒清。美國安格斯西冷，師傅好細心會問我哋想幾多成熟，我哋要求7成，啱啱好，肉質靚，塊扒有厚度，唯一唔好係有啲根，會唔係幾咬得開，整體都唔錯。季節什菜係芽菜，無特別黃金炒飯，炒到粒粒分明，每一粒飯嘅顏色都好均勻👍🏻👍🏻份量都唔少！最後有麵豉湯同甜品麵豉湯實屬一般，甜品反而有驚喜，不過上菜個時無介紹，我估係豆腐甜品，唔錯👍🏻
continue reading
📍 泓 （屯門）邊睇住廚師煮，邊享受食飯既樂趣🤭人氣鐵板燒🥩店家位於屯門置樂附近 近期更換了新菜單 餐點與以往不盡相同現在主打精緻豪華取向 店内裝潢氣氛簡單很適合生日或慶祝節日的時候來食🥢🔸 鮮三文魚牛柳套裝 ｛兩人餐｝🥗季節沙律作為前菜係不錯，會比較開胃～🐟鮮三文魚三文魚魚味香濃又唔腥，魚油夠多唔怕老，再用鐵板煎，落少少鹽作調味，更入味～🐟龍脷柳龍利柳煎得幾香唔會煎得過窿🍳肉質好juicy。🐮美國安格斯西冷我地嗌左7成熟，師傅好細心地切粒，剛好唔會有血水，肉質粉嫩，每啖一口，不知不覺一口接一口🐮🍚黄金炒飯粒粒分明嘅炒飯，落足雞蛋🥚每粒飯都沾上黃金顏色。無論視覺定味覺👅都係一種享受😋🥬炒什菜有芽菜，韭菜，紅蘿蔔絲，炒得唔會太油膩～麵豉湯足料麵豉湯👍唔會太鹹，亦都唔係粉狀溝出嚟嘅湯，用真材實料～食埋日本布甸甜品🍮劃上完美句號。
continue reading
千估萬估都估唔到屯門居然有鐵板燒，身為屯門人有咩理由唔黎試下！🇯🇵鯛魚二人套餐 (星期一至五 $888 免加一)🍴先付超新鮮沙律！啲菜好爽脆，配上面頭的魚籽好新鮮，成個搭配清新得黎又開胃~🥗🍴鮮魷魚鮮魷魚配上烤蒜上碟，人均份量都幾多下~肉質爽口彈牙！每一口都散發出海鮮的鮮甜味呢🦑💦🍴鯛魚柳嫩滑鯛魚柳配上適度調味，鎖住左本身鯛魚的原汁原味（超鮮甜！），而且肉質彈牙，一啲都唔腥！燒嘅後段師傅仲加左啲牛油落去，超香口～🍴美國安格斯西冷師傅先燒曬脂肪個面嘅油出黎，再用個啲油去煎比較瘦嘅部份，有好好將肉汁鎖住之餘而外層亦恰到好處，仲做到入口即溶嘅感覺～師傅好高招！拌碟仲有番薯仔同蒜片，兩樣同牛一齊食都好正🥩🍴黃金炒飯粒粒分明嘅珍珠米，形態超靚呢！蛋香好濃～好特別嘅係師傅加入左啲酸菜入去，令到成個炒飯有重中日合壁嘅感覺之餘，亦無違和感呢🍴季節什菜有芽菜、椰菜、紅蘿蔔、蔥等等，食完炒飯再食菜可以解下膩，先再繼續食甜品🙌🍴麵豉湯都算幾多料呢～湯底濃郁，鮮味十足，配上蔬菜，口感濃厚而滋味豐富🍲🍴甜品甜品係椰汁糕！香甜而口感軟綿， 椰香味超濃！食落去慢慢咁溶化係口入面，好幸福的感覺呢~( ´▽｀)
continue reading