Video
9-min walk from Exit A, Admiralty MTR Station
continue reading
Opening Hours
Mon
Closed
Tue - Sun
12:00 - 15:00
18:00 - 22:30
Above information is for reference only. Please check details with the restaurant.
Recommended Dishes
分域碼頭原本就放風話舊年年尾清拆而入面只淨低一間意大利菜佢地既sunday brunch就幾出名見唔少人拍片介紹更何況見到連登仔都大力推就想去試一次不過因為時間關係只可以book到夜晚時段但係後來清拆日期又改到二月結果又book到個新年既brunch碼頭只招待會員不過入到去只要簡單填幾樣野就可以成為會員gia係屬於gianni caprioli名下意大利餐廳giando集團既其中一間而集團旗下既giando亦都係米芝蓮推介既餐廳價錢比gia再貴d但呢個集團既立場就有爭議既一邊話佢地老闆撐警另一邊官方就澄清話係假新聞係支持年輕人商場門口左手面部lift上一層就係gia官方寫話brunch分開兩個時段第一個時段係1130-1330而第二個時段係無寫實個時間既所以我揀左最早十一點半過黎但結果現實係有寫第二輪係1345-1545就可以唔洗咁早起身而每節就只得兩小時去開酒店既brunch閒閒地都三四個鐘都差得幾遠下早左少少去左餐廳仲未開門都幾多人企係門口位置唔多所以又落番去行左陣先番上去gia門口用酒樽砌既聖誕樹幾有心思職員大部份都要用英文溝通編左我地坐窗邊四人檯坐得幾舒服有檯布擺盤就幾普通只得刀叉同埋油醋地理關係經過填海之後已經唔再係海邊附近所以大部份都係空地地盤景海景只係得番少少就好似酒店果d呃9人既半海景咁十一點半入到黎就唔算好多人不過後尾都full既裝修只可以話一般般天花更加係完全無遮無掩檯同檯之間有少少迫不過走廊位都幾寬唔驚拎野食會撞到人既餐牌全英文周末brunch就368每位主菜只可以揀一款甜品任食前菜可以揀任食或者單點一款我估無咩人會揀單點掛餐包望落普通但食落都幾軟熟我鍾意sunday brunch可能係因為有個主菜出面自助區既人會比較少唔會出現餓狗搶屎既情況感覺就比較舒服而且時間仲早可以影下完整既buffet區餐廳仲有幾個bar檯位大概係比遲book位既客掛 唔算話係好多選擇無海鮮不過相對地係比較高質醃漬食物唔錯蜜瓜又甜又多汁ham都係即場cut芝士有成十盤雖然就無乜興我覺得前菜真係幾唔錯第二盤麵包仲大份左不過呢間餐廳有d虎頭蛇尾前菜好好食但主菜同甜品都只係一般個肉醬千層麵都仲叫唔錯有口感幾靚但係個雲吞真係喊出黎完全估唔到係湯雲吞咁上又話意大利人見到湯意粉會好嬲既真係笑左出聲其實舊雲吞都唔差但成個賣相真係好好好差甜品到後段先推出只有五六款連埋西瓜同前菜比真係都失色幾多件tiramisu仲要出晒水認真麻麻最後一樣真係要記得check單成日都覺得意大利餐廳有d古惑無那那計左份千層麵要額外加錢同個外國職員反映仲要無晒影夠鐘想叫我地走仲要我自己催單仲要見到張單先醒起野飲係要加錢廿八蚊杯女朋友仲要淨係飲自帶水唔飲其他野要我硬啪兩杯早知唔要好過總數就871平均每人435.5呢個價對比酒店就唔算貴既不過服務普通去到尾段仲因為有下一輪想催人走場內環境一般場外景色都無乜而食物就只有前菜出色都真係明白點解有人建議淨係食buffet就夠今次就算係黎感受一下分域碼頭睇過中環有間ciao chow都一樣有做半自助果間pizza話有拿玻里認證仲有海鮮任食同期都只係需要348感覺係抵過呢一間gia既但係武肺第五波之後已經加左一百蚊而且仲係盛智文旗下就真係要考慮下
continue reading
「Gia Trattoria」 < 灣仔> 灣仔分域碼頭⛵️已於上星期正式關閉我哋係last day趁熱鬧打個卡 同試吓入面嘅意大利餐廳分域碼頭商場其實唔大看上去亦無咩維修過，所以仍保留住些許60、70年代既痕跡因為屬於會員制，又限聚，又last day，所以當日排了長長的人龍，只是入去參觀，已需排半個鐘前面有個長輩話：如果唔係執笠，平時邊有人黎呢到丫岩既，但好多野都係失去咗先會嘗試尋回當初既價值意義香港 就是這樣的一個地方🍝Italian Brunch $338 Buffet Corner + 1 Main course + Dessert Buffet🔹Buffet Corner有好多冷盤選擇 沙律🥗 火腿 醃漬食品等火腿有好幾款亦唔錯，茄子好味，refill 快有起碼6、7款唔同芝士🧀可惜我食開小朋友卡芙芝士🐮 唔係好識品嚐其他芝士口味🔸Spaghetti / Beef Cheek (Main)年紀大，唔多咬到野👴🏼個意粉口感比較硬，所以鐘意個牛多D，夠淋🔹Dessert 主力食tiramisu (食左3件🙈）apple crumble 都ok但甜品refill 速度較慢🔸Cappuccino/ Latte +$28意大利餐廳點，都要飲番杯咖啡☕️餐廳將會跟隨碼頭一同清折網上有看到他們或會另覓地方繼續營業#GiaTrattoria📍灣仔分域碼頭海軍商場一樓#灣仔 #灣仔美食 #分域碼頭#hongkong #hkfoodie #hkig #hkfood #foodstagram #instagood #hkrestaurant #wanchai #foodblogger #hkfoodblogger #相機食先 #意大利菜
continue reading
寫依篇食評，只係想記錄一下，因為依間餐廳會隨分域碼頭既拆遷而消失，希望將來會再見。今日來到gia，set得一個tea set，388兩個人，有酒，麵包，前菜，主菜，可加28蚊添一個tiramisu (抵到爛），仲有咖啡或茶。酒的質素當然不要期望太高，略酸。贈送的麵包反而幾好，煙韌，外皮有小小酥化，加埋開胃的黑醋和橄欖油。望住出面既海景，有外國人既服務員，係依個冇得旅行既時候，反而有啲旅行既感覺。前菜叫左cold cuts, 正常質素，咬得耐左會有帶煙燻既肉味，如果酒既味道好啲，咁送酒一定一流。主菜想當然一定係pizza。一個pizza兩個人食一定夠，唔夠可以再加野食或者refill麵包。以前我唔鐘意食pizza，覺得同麵包差唔多。大個發現原來我唔鐘意食既係pizza hut既pizza。薄餅當然要薄，餅香而尾部脆口。餅薄但芝士就好厚，上面加上香草，熱辣辣食既時候，真係會懷疑點解pizza會咁唔同。食完pizza，無論食得幾飽，都仲有位置食甜品，尤其係tiramisu。入口好creamy，賣相都好靚，不過略嫌咖啡味不足，但係食完都係好滿足。最後配上一杯Cappuccino，補上啱啱不足既咖啡味。而苦味都令我清醒，諗起依個地方將會消失。係香港同中國融為一體既時候，分域真係冇乜義意。
continue reading
終於有枱，去食一餐在這餐廳關門大吉之前，太好。午餐呢間餐廳嘅客人呢多數都係點set lunch，但我們沒有，因為想試個pizza.我一向都好少在香港食意大利餐，香港嘅朋友如食pizza，多數喜歡意食厚批，而我便一定要食薄嘅皮，但係呢樣嘢，一就比較考功夫啦! 我哋叫咗一個pizza，只係有自家制番茄醬同埋蒜頭。pizza個皮做得非常之薄，好好，可惜佢就係個皮邊，有少少燶。整體來說，就做得非常好，食到意大利風味嘅pizza。要讚！除咗pizza，我哋仲叫咗這餐自家製手造扭曲意粉，內裏有意大利火腿，也有黑松露。意粉煙韌好有口感，做得剛剛好。好好味。最後便叫了兩杯咖啡。一頓近完美的意大利餐。可惜整座建築都要拆卸，冇得保留，可.惜，可惜！
continue reading
政府收地，海軍商場2月中後就停止運作。呢度有間歷史悠久的意大利餐廳，聽聞Brunch性價比高，所以一早卜位！雖然未知餐廳是否繼續營運，但食材供應商Mercato by Giando 就有分店，小妹對呢度既芝士好滿意，會去分店入貨！ 🍴Selection of 🧀: 試左7、8款芝士，Buffalo mozzarella 比我深刻印象，佢味道好清淡，口感軟綿綿，淨食都唔膩。芝士拼盤隔離有🍇果醬、🍯蜜糖、🍑乾果、合桃等，配埋芝士味道就更有趣了！味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）
continue reading