Video
4-min walk from Exit B2, Wan Chai MTR Station
continue reading
Introduction
The design of this bar and restaurant is simple, such as the cement walls. It serves Spanish cuisine; some of the meat and seafood items need to be reserved in advance. Besides, order tapas pair with special drinks also is a good choice.
continue reading
Opening Hours
Mon - Sat
11:30 - 22:00
Sun
Closed
Above information is for reference only. Please check details with the restaurant.
Happy Friday同朋友聚吓真係好開心😆約咗去灣仔食西班牙菜🇪🇸真係超掛住一個月之前嘅西班牙之旅😮💨依度好多正宗菜式揀呀，解一解我嘅思念西班牙之情🥹同朋友揀咗一個二人套餐Set dinner($468)，另外再點咗烤乳豬同甜品，仲有Sangria，夠晒飽😆西班牙烤乳豬 $448————————————做依個菜式花好多功夫時間，烤乳豬皮超級薄脆，肉又嫩又夠juicy，脂肪被烤成半融化狀態，入口即化，甘香無比😋伴碟嘅菠蘿亦勁出色🍍每一粒都烤上焦糖面，咬落去爆汁勁juicy又甜，解膩一流🫶🏾Starter————————————Starter都有成三款，超抵食！首先有cold cut，有牛肉同埋肉腸，襯埋個芝士，個人認為店舖嘅cold cut食材揀得唔錯，比較貼近香港人嘅口味，成碟嘢都唔會太鹹，送酒都好正。之後有西班牙風番茄沙律🍅凍盤非常Fresh，蕃茄爆汁，加埋凍湯，有風味。至於是日餐湯係洋蔥湯，洋蔥煮得好腍🧅入晒味。煎焗鱈魚柳————————————Mains揀咗鱈魚，又好食又高營養，豐富蛋白質，兩大件夠厚肉，外皮煎得幾香，肉質仲係滑又juicy，都幾抵食！西班牙海鮮飯————————————Paella係西班牙標誌性嘅美食，用鑊仔上嘅燉飯夠晒香口🍳粒粒飯都好焦香。西班牙油條————————————至於甜品就係Churros，炸得外層香口鬆化，砂糖面雖然邪惡，但食落口感勁正😋另外叫咗個心太軟，舖頭仲送咗雪糕比我哋食🫶🏾Red Sangria (Jug) $278————————————食西班牙菜一定要襯返Sangria🍷紅酒加水果超易入口，一路飲酒一路傾偈真係好開心呀！
continue reading
La Resaca 西餐廳喺灣仔皇后大道東，提供一站式嘅飲食體驗，方便客人喺一個地方就嘆到美食同美酒，慳返好多時間。餐廳雖然細細間，但氣氛親切得嚟，好似係街角嘅小店一樣，畀人一種家庭式嘅舒服感覺。餐廳嘅招牌菜系西班牙蛋餅，$88。佢同普通香港風格嘅蠔仔煎蛋或者菜脯煎蛋截然不同，裏面加咗芝士、煙肉同埋薯仔粒，味道香濃，食落去既鮮味層次分明。炒蘑菇$58，用新鮮蘑菇配上特製醬汁，味道清新自然，健康之選。而西班牙烤乳豬配焦糖菠蘿$398，廚師巧妙咁將甜菠蘿同乳豬結合，菠蘿甜味同乳豬鮮味互相襯托，乳豬皮烤到酥脆，食落去唔會太肥膩。總嚟講，La Resaca 為想嘆西班牙菜嘅食客提供咗一個正嘅地方。喺呢度，你唔單只可以食到傳統同創新相結合嘅美味菜式，仲可以喺繁忙城市生活中搵到一片放鬆嘅空間。
continue reading
年三十晚，平時好多中餐廳都已經滿晒，所以我們一家人訂了灣仔的這間西班牙🇪🇸餐廳本身黎到係想試吓出名嘅豬手，點知店員話冇貨🤯招牌菜都冇貨我們是有啲失望🫠想飲生啤，又係無貨🫠唯有叫其他嘢食~🔺香炸蟹肉丸外層係吉烈，蟹肉丸炸至金黃香脆，內裡釀滿蟹肉絲，咬下去啖啖都係蟹肉😋🔺西班牙蛋餅 好有蛋香，入口鬆軟，內有薯仔粒、煙肉粒同芝士等，鹹鹹香香又幾好食😋🔺蒜片蝦我哋仲嗌咗麵包，點嗰充滿着蒜香嘅油😍蒜香味十足！每隻蝦都大隻彈牙🦐唯一冇預到的是呢個蝦有啲辣🥹(我唔食得辣)🔺豬鞍勁juicy~做到啱啱熟🔺西班牙海鮮飯🥘 食西班牙菜必須要叫的西班牙海鮮飯❤️一上枱就俾原隻魷魚吸引住，仲有大蝦、帶子、青口😋嘢食熱辣辣，特別滋味🤤配上特製sour cream，店員話可以選擇撈飯，味道層次更豐富🤩🔺鴨髀外皮炸到勁脆，鴨肉鬆軟🔺西班牙油條churros 啱啱炸起😌熱辣辣金黃香脆，外面脆，咬落又鬆軟，沾滿肉桂粉配朱古力或吉士醬都得食食落去又唔係好甜😆不知不覺間食咗好多總結嘢食都滿意👍🏻老闆友善同我哋傾偈👍如果下次想試豬手，可能先預訂吧！
continue reading
第一次寫食評因為食到一肚氣，嬲到連相都無心機影。從未食過咁難食既西班牙菜，廚師個味蕾係咪有問題？我究竟食咗啲乜？叫咗 3碟Tapas 第一道炸青椒，調味正常，但青椒炸唔熟嘅。第二碟薯仔蛋餅，廚師唔記得落薯仔。第三碟是炸黑毛豬薯餅，呢兩粒野係全晚最有水準。食到呢刻個心都對依間餐廳巳打折扣，之後碟尤魚paella先係最精彩。一心以為是用正宗的平底鑊上，點知係尤魚筒塞飯。尤魚又係未煮熟，咬住舊橡膠心情唔好，食埋咪飯就更火起，Paella既飯煮起應該是粒粒分明，佢既飯明顯係煮超時，變咗一堆碎飯，本心諗住唔好浪費食物但最後唔想同自己個胃過唔去就放棄咗。我唔明呢碟野憑咩叫自己做西班牙大鑊飯，個飯零調味，連最基本嘅蕃紅花味道都無。問咗餐廳佢俾個匪夷所思嘅答案我，佢話返紅花孕婦唔可以食，有啲孕婦食咗會中毒所以哋冇落蕃紅花，呢個香料既香氣係精華所在，咁不如唔好開西班牙餐廳。見到咁多正評 真係抱住期望去試，但呢間係史上最難食既西班牙菜，唔知道點解可以有咁多人讚好食。
continue reading
位於灣仔皇后大道東既la resaca提供多款西班牙菜式，味道偏濃，必試西班牙海鮮飯。 𖦹 香煎牛舌 $78牛舌非常厚切，表面焦香而肉質軟腍，油香十足。𖦹 炸魷魚鬚 $88魷魚鬚香脆，送酒一流。 𖦹 西班牙海鮮飯 $328建議3-4個人share！有大蝦、帶子、青口、原隻魷魚、富鹹香嘅chorizo香腸、紅椒碎同豆角，配上sour cream及檸檬汁，飯既口感偏濕潤，極為鮮味，層次豐富。𖦹 西班牙油條 $68churros炸至金黃色，沾滿肉桂粉同砂糖，西班牙最經典既甜品。𖦹 estrella damma lemon $88由西班牙進口、以60%啤酒加40%天然地中海檸檬調配而成，酒味唔重，酸酸甜甜似檸檬蜜糖梳打，we love it!!
continue reading