Video
Opening Hours
Today
07:00 - 22:45
Mon - Sun
07:00 - 22:45
Above information is for reference only. Please check details with the restaurant.
第一次來到這間「半島漁港 / 阿翁火鍋館」分店吃晚飯，這晚天氣寒冷，所以不吃小菜，改食火鍋。原來這間灣仔分店地方極大，而且還有卡位，侍應又招呼周到，坐得舒服，吃得也舒服。今次兩夫妻吃的是這裡的「無限時任飲任食海鮮火鍋」（星期一至四成人每位 $298，星期五至日、公眾假期和假期前夕成人每位$328），價錢不貴，已可任飲任食，還奉送「刺身拼盤」、「蠔皇鮑魚扣玉掌」、「阿翁極級牛頸脊」和「至尊水餃皇」，在吃火鍋前，又可先嚐「重慶辣雞鍋」，十分抵食。先吃「重慶辣雞鍋」，這雞鍋份量十足，香辣開胃，正！吃過雞鍋，「刺身拼盤」與「蠔皇鮑魚扣玉掌」已先後送到。這夜的「刺身拼盤」我最喜歡的是肥美油潤的三文魚腩，其他刺身就有帶子、蝦和希靈魚。「蠔皇鮑魚扣玉掌」的鮑魚經蠔汁煨過後，軟腍入味，鵝掌亦大隻厚肉。「阿翁極級牛頸脊」份量不少，肉質軟滑而有肉味，質素極高。「至尊水餃皇」就大大一粒，餡料豐富。火鍋點了把「皮蛋芫茜鍋」與「沙嗲鍋」共冶一爐的「招牌鴛鴦鍋」，把包括海蝦、蟶子、生蠔、青口、帶子和墨魚仔等新鮮海鮮在內的「環球海鮮盤」，加上自行拿取的「美國雪花肥牛」、「鱔片」、「脆鯇片」、「響鈴」、「炸魚皮」和大量蔬菜，隨意放進「皮蛋芫茜鍋」或「沙嗲鍋」內，不需多時，兩夫妻已經吃得飽飽的，快快埋單結帳後，便回家追劇去了。
continue reading
今日朋友帶我來灣仔「半島漁港/阿翁火鍋館」吃晚飯，一入門口就見到酒樓的典型大水缸，入面有好多新鮮海鮮🦞🦀🦐🐟 我們在晚上約6點許入座時，全間酒樓幾乎坐滿，很熱鬧🤗入座後睇到餐牌做緊多款優惠及晚市套餐，我們2人點了［$1至尊燒鵝］及［晚市優惠三寶］，夠晒經濟實惠👍🏻而且侍應們的服務很到位😊 至尊燒鵝 (2-4位 1/4隻) $1鵝皮散發酥香🪿，食落富油香脆口，鹹香適中，而鵝肉嫩滑而不乾，正‼️ 晚市優惠三寶 $398白汁明蝦球明蝦即是對蝦🦐，明蝦較大蝦更嫰，甜甜的沙律醬汁拌在中式口味的蝦球上，蝦肉很香口，很美味🤩 欖角骨欖角骨使用一字骨🐷，外層香脆可口，肉質飽滿而且軟腍鮮嫩，醃得入味，配搭惹味的欖角味道，味道豐富而濃郁。清蒸富貴斑 (約1斤)富貴斑魚肉質感細嫰🐟，一點腥味都沒有😊簡單蘸上蒸魚豉油，就帶出魚的清澈鮮味，很好下飯😍 前菜 $15/碟 | 茶位 $15/位
continue reading
今晚朋友約左去灣仔半島漁港食晚餐，入到去坐好先整個壽味飲住先，同埋食花生真係食炒花生。大家都一致諗好叫優惠一蚊極品BB豬同個優惠四寶，再整個粉葛鯪魚煲唐排湯飲下潤一潤，補多隻紅燒脆皮乳鴿。粉葛鯪魚煲唐排：足料老火湯，魚鮮味好濃味骨湯，好好飲。優惠四寶就係以下四樣-蒜子陳皮蒸頭腩：魚鮮味再加上蒜子陳皮去蒸會更加帶出魚鮮味。油泡龍躉球：厚厚龍躉肉，有口感之外仲口口魚肉鮮味。龍躉要厚肉先可以做到這個口感。連帶配菜木耳，蜜糖豆，紅黃椒加上蒜蓉炒真香口。雙冬羊腩煲：滾住羊腩煲加埋生菜煲。羊腩肉質好，唔會羶，馬蹄枝竹竹筍入晒羊腩煲味道。重點係個腐乳，配合羊腩煲係一流 。頭抽皇焗海蝦：海蝦一食就知，肉質係比較實同時味道比較鮮甜。頭抽爆洋蔥令到蝦味道更鮮甜。$1極品BB豬：BB豬最驚得肥膏，佢唔使太肥。皮脆肉同肥比例適中，咬下來有不同層次香味。紅燒脆皮乳鴿：外脆內熱，肉質好。皮脆得來又鎖住肉汁。守尾門梗係整碗紅豆沙先叫完美。紅豆沙甜度適中，紅豆完全夠淋，有口感又美味。
continue reading
今日同朋友去左灣仔半島漁港食晚飯，去到叫左粉葛鯪魚煲唐排，極品BB豬，家鄉小炒皇，椒鹽三味（椒鹽骨/鮮魷/豆腐）,優惠三寶（原個菠蘿咕嚕肉，白汁明蝦球，清蒸富貴斑1條）。粉葛鯪魚煲唐排-老火湯夠濃味之外仲要唔會好肥，非常足料。極品BB豬-見到大量燒鵝同BB豬即燒真係好難選擇$1要邊樣，最後選擇左BB豬。皮脆肉嫩仲要份量絕對唔係$1，大大碟。家鄉小炒皇-韭菜花夠鮮，配合大量配料，青紅椒腰果魚乾仔蝦仁令到口感味道更多層次。椒鹽三味（椒鹽骨/鮮魷/豆腐）-唔會好油，冇太多多餘油份。炸得岩岩好。原個菠蘿咕嚕肉-酸酸甜甜配起咕嚕肉菠蘿三色椒，配起白飯食一流。白汁明蝦球-蝦肉夠爽口，份量都算幾多。清蒸富貴斑1條-魚肉鮮甜嫩口，蒸既時候岩岩好。仲有紅豆沙送，紅豆夠淋。
continue reading
去咗灣仔一間酒家，佢而家推出無限時任食火鍋放題，任飲任食加海量精選菜式，絕對係火鍋控嘅天堂！🍣 *刺身拼盤* ：三文魚脂香濃郁，入口即化；北寄貝爽口彈牙，鮮甜十足；日本魷魚煙韌細膩；希靈魚滑嫩鮮味，刺身新鮮度高。🐚 *蠔皇鮑魚扣肉掌* ：蠔皇汁香濃入味，鮑魚軟滑細膩，扣肉油而不膩，味道層次豐富，令人回味。🦐 *環球海鮮盤* ：墨魚爽口彈牙，蟶子鮮甜多汁；青口肉質滑嫩，海味濃郁；大蝦肉質qq,帶子鮮嫩細膩，每一款都帶有濃濃海洋氣息。🌶 *重慶雞煲* ：麻辣湯底香氣四溢，辣味濃郁又帶陣陣花椒香，雞肉滑嫩多汁，是麻辣愛好者不可錯過嘅一味。🍲 *冬瓜瑤柱火鍋湯底* ：湯底清甜潤口，冬瓜吸收瑤柱鮮味，湯水鮮美自然 🥟 *至尊水餃王* ：水餃皮薄馅靚，餡料鮮美多汁，每一口都充滿鮮味🥩 *手切牛頸脊* ：牛肉油花分佈均勻，滑嫩多汁，肉香濃郁🥬 *蔬菜及丸類* ：種類繁多，包括翠玉瓜、冬菇、台灣瑞香菇貢丸等，每款配料都鮮嫩爽口，為火鍋增添多樣化選擇。
continue reading