Video
5-min walk from Exit B2, Sai Ying Pun MTR Station
continue reading
Telephone
25489880
Opening Hours
Today
18:00 - 01:00
Mon - Sun
18:00 - 01:00
*每月兩天不定期休息日
Above information is for reference only. Please check details with the restaurant.
西營盤親民價好味串燒 😋 唔怪得之滿座 朋友住附近帶我黎呢間食燒海鮮同串燒 又真係幾好食 街坊推薦真係冇伏首先鮑魚好淋 加埋個d蔥汁食好正 😋🤩唔知佢海鮮係唔係都係同一個調味呢 都好夾 帶子唔會燒到乾曬 仲好juicy 👍白鱔超級厚 係成塊扒嘅 燒到個邊脆脆地好好食👍牛舌係厚身彈牙 燒得剛剛好👍呢個係我個朋友最愛 天婦羅粟米🌽 粟米好甜 但我嫌佢個炸粉唔脆 🫢食左咁多嘢都係$200幾一個人 真係好抵食 一定會再幫襯 💪💪
continue reading
本人一家老幼本打算去該店慶祝父親節,但由落單,上菜,追單,到埋單,我們都食到一肚氣! 1. 食材不足, 海鮮價 - 我們晚上7時入座, 本想叫鮑魚, 扇貝等海鮮, 可惜大部份海鮮唔係賣哂, 就係要叫大隻D既海鮮,但售價係貴近50-70%, 也沒有寫上當日的餐版上. 2. 落單混亂 - 由落單到第一串雞翼 (1串3隻,)足足等了30 分鐘, 我一共同時叫了3串, 到我埋單 (近9時),都未見其他兩串雞翼. 雖然我們已不斷追單, 但員工也懶理! 另外, 員工經常拎D煮好但冇人叫或客人已經走左的串燒去問我地要唔要! 其實你地不如快D去煮我張單仲好啦!3. 服務差, 員工黑面 - 我地叫了一碗粥,隔離食客比我遲來, 又遲order, 但佢碗粥先到! 我去追單,員工互相推諉, 話我冇落單. 後來, 看到幾位員工同隔離食客吹水! 這證明如果你唔係佢地熟客, 你要預左被歧視! 當然員工對我地全程黑面, 笑容只係留俾熟客啦!4. 餐杯都唔夠 - 這家餐廳不提供任何茶水。除了汽水及酒，只有菊花茶(每支售$32)未賣哂。我們叫了幾支菊花茶及要幾隻杯去share，員工話餐廳冇咁多杯，最後糾纏一番, 佢地先肯俾幾隻啤酒膠杯! 5. 埋單 – 我們都等到累了, 也知道追單都冇用, 埋單算了. 三催四請後, 員工拿來一疊單, 上面只有一個手寫總數! 一如以往, 電子化帳單欠奉,付款也只收現金! 我只可用落後去形容此店!開業多年, 我偶有光顧,可惜服務及體驗每況愈下. 其實, 老闆們想賺盡是可以理解, 但今晚的經歷實在太難忘,食物也不算出色,價格也不合理,CP值不高! 呢次肯定係我最後一次!今日的香港,好店結業,劣店橫行. 哀哉!
continue reading
以前久唔久都會嚟依間串燒舖望吓餐廳牆上面嘅報道呢間餐廳已經有廿幾年歷史，真係陪住唔少人成長😆琴晚去到啲員工都仲係原班人馬舖頭雖然多人但係唔使等太耐就有得食啦🥰基本地叫一枝Sake 先點餐紙照舊，如果想食海鮮記得問服務員報價😆有時都會賣晒或者冇入貨㗎正所謂慢功出細貨，好食嘅嘢係要等一陣嘅有啦！必食鵝肝多士😍 怕太滯兩個人分一件食都得鵝肝燒得啱唔好，配埋脆卜卜啱啱烤好嘅牛油多士🥰真係要嚟呢度先食到🤤當然仲有必叫嘅海鮮，我哋揀咗生蠔同埋鮑魚，兩樣都好掂😍🤤燒得熱辣辣，配料都好足，啲蠔底仲有芝士，好入味😍！除咗海鮮，都仲有好多其他美食，我哋今次揀咗牛仔骨、雞心喉、雞軟骨等🥰最後送上呢個努力整嘢食嘅叔叔😆後記：同唔少人覺得一樣，串燒嗌咗係真係需要等，不過反而咁樣其實可以坐耐啲，夠晒地道，喺約埋三五知己一齊飲酒食串燒嘅好地方🤤
continue reading
我食過幾次，見好耐無食想黎食下，我住大西北都專程過黎食滿心期奇待，點知今日比個好hard feeling 我，我超級失望。第一當我到達左，有位帶眼鏡高高瘦瘦既姐姐叫我坐bar 枱，但我表示唔想，想坐座枱，而且我見到有2枱都差不多食完，就我前一面一枱客同我講佢地走啦咁我米諗住等下。但係個姐姐多番強調示意我去坐bar 枱超過3次，同我講下次book既話下次要講要枱，根住又同我講入面有張但係好細好迫(心諗我唔介意，我係想放低D袋，因為我拎住好多野）。佢仲要好大聲無咩禮貌同我講：咁你等下啦！我都跟返佢既態度同佢講好呀。然後姐姐黑我面望住我，咁唯有我都黑面對望。好啦，最出面張枱客已走，姐姐都未有示意安排我住，叫左入面幾個客換枱搬左出黎坐，者係話我聽D座枱係淨放比熟客坐而生客既一定要坐bar枱？仲要係佢地同熟客同生客2個態度黎，然後安排我坐座枱。第二當我滿心期待已久黎呢到一定要叫既海鮮（帶子、蟶子個D)，我問佢今日有咩海鮮既時候，佢就話今日咩都無哂，得返鮑魚同蝦。令我好失望我其實已經唔想食想走，但我都照食簡左鮑魚同其他串燒小食。(心諗我打電話book既時候點解你唔講定話無哂D咩海鮮？如果我知我一定唔會咁遠走過黎食）第三我食完第1 round想再加野食，咁佢已經得鮑魚比我簡，咁我再叫多份，點知姐姐同我講已經無，我都無奈地笑了，咁唯有我叫飯同花膠填飽個肚。但重點黎啦姐姐同我講帶子無哂，但佢又好大聲比我聽到佢同格離D熟客講有帶子喎，咁我唔知係米要book既時候講要留？定佢針對我專登同我講無啦？但我以往book既時候係唔需要話要留淨知龍蝦要留。總括而言，今餐我食得好嬲好失望，我覺得佢地好過分，如果唔係佢地熟客既都唔好黎食啦～我都唔會再想黎食。
continue reading
晚上來到都幾旺場，8成滿，因為坐吧枱，坐得比較迫同唔自在。不過又唔算話坐得太辛苦。坐嘅位置是可以望住廚師喺入邊做嘢，發覺佢哋分工好仔細，有一個專人負責整海鮮，有好多海鮮類別嘅選擇。嗰日食咗鮑魚，蝦，扇貝….海鮮樣樣都好有質素。肉類方面都試咗好多，豬頸肉唔係一串，是一碟的。菜芯比較特別，第一次食燒菜心。蔬菜類，除咗菜芯，仲食咗雞髀菇，同埋茄子，正正常常，冇咩特別。不過茄子唔係一整條燒，我自己覺得原條燒好食啲。食物嘅質素都幾滿意，不過環境就比較一般，價錢亦都唔算平。兩個人食七百幾蚊，其實可以有好多選擇，都可以坐得好舒服。所以食物方面係 但係overall 只能夠比OK。
continue reading