Video
Opening Hours
Today
11:30 - 21:30
Mon - Sun
11:30 - 21:30
*Last order: 20:45
Above information is for reference only. Please check details with the restaurant.
E For Egg係大圍真係出晒名🤣 係大圍都唔知食左幾多次都係咁愛 依家開到西環都有喇 香港嘅朋友仔非常之有口福啦 佢地啲嘢食真係無得輸 西環分店仲要大左好多 坐得好舒服 最緊要係有Pet Friendly區 毛小孩想一齊用餐都無問題🌈🔖黃金鳳梨韓式炸雞滑蛋盒子吐司88好豐富澎湃嘅toast，配料超多。充滿滑蛋、菠蘿同芝士嘅吐司上放咗三舊甜甜辣辣、非常惹味嘅炸雞。炸雞香脆嘢味；盒子吐司層次豐富，炒蛋香滑，配上菠蘿非常Refreshing，而且吐司本身亦好香牛油味，好正🔖蒲燒鰻魚定食80好抵食，80蚊有沙律、麵豉湯、鰻魚、泡菜及飯。鰻魚肉質結實、厚身，味道濃郁，性價比高。而且跟蛋絲，以及灑有飯素的米飯，同鰻魚非常搭配🔖小食拼盤(日式芝士年糕&酥炸雞軟骨)58芝士年糕好正，煙煙韌韌，而且芝士好軟滑好濃郁。雞軟骨好香，帶少少辣，更加惹味🔖抹茶鮮奶43抹茶鮮奶嘅拉花好靚，而且茶味非常濃郁，唔會畀奶味蓋過，非常好飲嘅一杯抹茶鮮奶🔖開心果特調56好特別嘅嘢飲，底層係香濃嘅開心果奶，而面係一層豆腐。齋飲開心果奶超級香濃，鍾意開心果嘅朋友絕對要試。面層嘅豆腐帶淡淡豆味，攪勻後，味道更有層次，開心果味同豆腐味並存，非常特別🔖雪之巴斯克軟心芝士蛋糕62其實佢係麻糬芝士蛋糕，有一層薄薄嘅麻糬包住芝士蛋糕。麻糬本身有淡淡的甜味，非常煙韌，而芝士蛋糕非常香濃，帶鹹香，一齊食勁正
continue reading
之前朋友係大圍食過一間咖啡店非常推介我去食，但路途有少少遠原來餐廳係港島區開左分店，放工搭地鐵到西營盤就食到，相當方便住港島區嘅朋友仔分店空間非常之大，除左平時嘅座位，仲有榻榻米茶座風格卡位，充滿日本風另外店內仲設有寵物友善專區，大家仲可以帶埋自己心愛嘅毛孩一齊開心用餐餐廳提供多款人氣滑蛋盒子吐司、定食、烏冬、拉麵、小食及甜品，仲有必試嘅蒙布朗窩夫，千祈唔好錯過食物方面 :金沙軟殼蟹三文魚籽海鮮沙律盒子吐司 : 軟殼蟹炸得香脆，吐司軟硬適中又帶少少脆口，入便係滿滿嘅滑蛋，再加埋沙律醬及三文魚籽，口感夠曬豐富雞翼拼盤 : 雞翼拼盤有餃子雞翼及芝麻雞翼，芝麻雞翼炸得皮脆肉嫩，餃子雞翼起骨後釀入雞肉及香蔥碎，咬落啖啖肉，又夠曬 juicy小食拼盤 : 小食拼盤有日式芝士年糕及酥炸雞軟骨，芝士年糕充滿奶香芝士和嚼勁十足，雞軟骨炸得乾身，口感酥脆開心果特調 : 特飲開心果味非常香濃，配搭鮮奶、嫩滑豆腐及杯邊嘅開心果碎，口感豐富，味道有驚喜番石榴靑檸氣泡水 : 氣泡水加入番石榴粒及靑檸，味道清新開胃，一杯小清新飲品黑椒牛舌定食配溫泉蛋 : 將溫泉蛋撈到薄切黑椒牛舌，口感嫩滑又惹味，惹味到可以食多碗飯原條蒲燒星鰻茶漬丼 : 用上原條蒲燒星鰻做主角，味道香甜軟淋，丼飯加上栗米、蘑菇、味素、香蔥、芝麻及脆米，再加入熱茶做茶漬飯，食落暖笠笠栗子蒙布朗窩夫 : 蒙布朗外層係滿滿嘅栗子蓉，內餡係外脆內軟嘅窩夫配上煙韌冰涼的雪米糍，再配上栗子粒，味道及口感都十分豐富竹炭黑芝麻巴斯克芝士蛋糕 : 就快到萬聖節，餐廳推出一個期間限定巴斯克芝士蛋糕，賣相加上棉花糖鬼，非常可愛，芝士蛋糕入便係軟滑嘅竹炭黑芝麻忌廉，味道相當不錯
continue reading
一直都想去大圍嗰間總店，但係我知道係人氣Cafe排勁耐，所以我冇耐性去排，今日特登過嚟香港大學站附近嘅分店碰吓運氣，我嚟到大概2:30真係有位yeah！🦀 金沙軟殼蟹三文魚籽海鮮沙律盒子吐司$108 新鮮軟殼蟹搭配香脆的沙律，味道非常清新。三文魚籽的鹹香與蟹肉的鮮味相得益彰，食落令人回味無窮。吐司底部吸收了沙律汁，口感豐富，整體非常好味！🩷🧀 香蒜雜菌黑松露拉絲芝士盒子吐司$65 濃郁的香蒜味與黑松露的獨特香氣，令這道菜充滿層次感。而且價錢非常之抵。🍜 地獄豬軟骨湯拉麵（轉烏冬）$78 這碗拉麵的湯底非常濃郁，帶有一絲辣味，豬軟骨煮得非常入味，肉質嫩滑，與烏冬的Q彈口感相得益彰，連嗰半隻嘅糖心蛋都係非常之入味，真係一絲不苟！🐟原條蒲燒星鰻茶漬丼$88 蒲燒星鰻的味道非常鮮美，鰻魚的肉質嫩滑，搭配茶漬飯，清新又不膩。係驚喜嘅意外選擇。🩷🍰 是日-開心果巴斯克芝士蛋糕$62 這個巴斯克芝士蛋糕外脆內滑，開心果的香味令蛋糕更加特別。甜度適中，配合香濃的芝士味，簡直係一個完美的結尾，值得一試！🤎🧊開心果鮮奶咖啡（凍）$52 咖啡的開心果味非常突出，奶香與咖啡的苦味平衡得恰到好處，是一個清新的選擇✨🥛竹炭黑芝麻鮮奶（凍）$42 黑芝麻味道濃郁，竹炭的加入令口感更為獨特，色澤也非常吸引！✨這間餐廳的菜式無論在味道或創意上都非常出色，環境中非常之寬敞舒適，值得再次光顧！
continue reading
- 西環｜E FOR EGG -▪️雙重三文魚芝士滑蛋盒子吐司🐟🧀🥚🍞盒子吐司烘到酥脆，充滿牛油香。中間有滿滿嘅芝士同滑蛋，再喺面頭放上煙三文魚同三文魚籽，好有層次▪️蒲燒鰻魚定食🐟🍱鰻魚肉質細嫩，冇骨，大大啖食都唔怕。定食仲配埋泡菜、蛋絲🥚、沙律🥗、白飯🍚同湯🥣，夠晒豐富▪️七味唐揚炸雞湯拉麵🐔🍜炸雞都幾大件，炸得香脆，又有肉汁。拉麵幼身，食落彈牙，面頭仲有鳴門卷、昆布、蛋絲等▪️甜蝦三文魚籽茶漬丼🦐🍵🍚甜蝦份量都唔少，加埋三文魚籽，鮮味十足。飯面有蛋絲🥚、紫菜絲、飯素、脆米，淋上熱茶，帶有淡淡嘅茶香▪️千島醬紫蘇雞肉丸串🐔雞肉丸有3串，幾有咬口，配上千島醬更加惹味，而紫蘇就增添咗香氣▪️E FOR EGG芝士奶蓋招牌窩夫🧀🥛🧇造型非常可愛😍窩夫鬆脆，俾超級多芝士奶蓋包圍住，味道鹹鹹甜甜，中間仲有粒煙煙韌韌嘅雪米糍，多重口感▪️栗子蒙布朗窩夫🌰🧇Mont Blanc配上窩夫，幾特別。外層圍滿咗幼滑綿密嘅栗子蓉，入面仲有啲栗子粒，幾香甜，又唔會膩▪️桂花香梨茶🍵味道清香，有滋潤嘅感覺▪️招牌奶蓋咖啡🥛☕️咖啡加咗Baileys，咖啡味同酒味平衡▪️竹炭黑芝麻咖啡☕️黑芝麻味夠出，每啖都充滿黑芝麻香▪️開心果特調 (開心果 + 鮮奶🥛 + 豆腐)開心果味道濃郁，杯邊仲圍咗啲開心果碎。另外有啲滑捋捋豆腐喺個底，增添口感E FOR EGG📍西環西營盤皇后大道西428-440號真善美大廈地下D, E及F號舖📍大圍城河道19-25號城河樓地舖
continue reading
今日黎到香港大學站，試下依間小清新風嘅打卡Cafe🥰 內裡以純白作主色調，配搭帶點日本特色嘅擺設裝橫作點綴，感覺淡雅又舒適❤️ 餐廳內特設寵物友善區，客人可帶同毛孩一齊光顧🐶🐱 🐧🐧 們㨂咗一份吐司、兩份小食同埋兩份窩夫甜品😋 盒子吐司㨂咗配黃金鳳梨吉列大蝦😚 再加埋邪惡度十足嘅芝士😈 整係賣相已經超級華麗🤩 炸蝦超大隻，炸得又香又脆，食落爽口嚼感一流🫶 吐司內填滿惹味開胃嘅沙律醬、炒蛋同埋黃香鳳梨🤤 一齊食滋味勁豐富❤️ 小食㨂咗千島醬紫蘇肉丸串同埋日韓炸雞拼盤😋 🐧 勁鐘意佢地個肉丸串，外層焦香，內餡軟嫩肉汁滿溢😋 啖啖肉勁滿足🤤 甜品㨂咗兩款打卡勁靚嘅窩夫🌟🌟🌟 E For Egg 芝士奶蓋招牌窩夫&栗子蒙布朗窩夫❤️ 無論賣相還是味道都非常出色🤭 特別喜歡佢嘅雞蛋造型奶蓋😍 又可愛又滋味😘 㨂咗兩杯特飲🥴 招牌奶蓋咖啡同樣有小奶蓋蛋做裝飾😘 飲落帶有淡淡嘅酒香😋 別具韻味😆 西西里檸檬岩鹽氣泡水入口清爽解膩，伴甜品一齊享用好夾👍
continue reading
You may be interested in