Video
Above information is for reference only. Please check details with the restaurant.
Offers
鯉魚門以海鮮聞名，附近鯉魚門燈塔更加是拍攝日落的好地方，今日雖然天陰陰，坐在「蟹仙海鮮蒸氣石碢」店裡面，仍然可以欣賞到靚絕的海景🌊店家經營海鮮進口超過40年，所以海鮮質量有保證，除了食材新鮮之外，餐廳採用了石鍋，由專業店員即場蒸煮，火候剛好，不加調味，原汁原味 更健康美味👍餐牌有多款套餐可供選擇，豐儉由人。我和朋友點了尊貴海鮮套餐$449/位，已經包括了10款時令海鮮/蔬菜1.罕有大黃奄蟹，肉質鮮味多膏，仲要係重皮蟹，實在太幸運🥳2.野生琵琶龍蝦，屬於龍蝦科的一種， 肉質鮮嫩，比龍蝦還要甜。3.韓國釜山鰻魚，將原汁原味的味道發揮到極致☺️，我喜歡不加任何醬汁，朋友就或喜歡點wasabi撈鼓油，兩種食法都好正。4.台灣九孔鮑魚，唔算大隻，但口感彈牙，味道鮮甜。5.大西洋野生青口，最環保的海產😆，充滿海洋的味道6.加拿大野生海虎蝦，蒸煮時擺成心形圖案❤味道爽甜7.韓國釜山珍珠蠔，非常飽滿，脹卜卜 肥嘟嘟，蠔味十足8.黃金翡翠螺，彈牙有嚼勁，螺味濃9.蟹黃大元貝，本身已經好鮮味，再加大量蟹膏，超正～10.有機蔬菜籃，新鮮又清甜除了海鮮/蔬菜，套餐還包括了粥和椰汁燉雪燕。 溫馨提示：粥底正是所有海鮮嘅精華所在，再飽也不能錯過🤣
continue reading
喺香港食海鮮有好多地方可以選擇，但如果想食靚料同埋價錢超值真係唔多。今次特登走入鯉魚門食海鮮，梗係因為有又平又靚又正既餐廳，我先去啦。鯉魚門港鐵站一直行落去行十幾分鐘去到海邊，見到餐廳光猛嘅招牌，仲喺係海邊真係別有一番風味。呢間餐廳主打套餐形式，咁你就每款海鮮都食到其實好方便。店員好細心會介紹邊一款海鮮係今日新鮮運到佢哋對海鮮熟悉嘅程度係你問佢乜嘢佢地都識答架。我哋兩個都算係大食嘅人，見到有個二人餐都擔心唔夠食仲想加啲海鮮，但係千祈唔好咁樣做，你哋黎食過就知㗎啦。我食海鮮通常最鐘意清蒸，咁先食到佢既鮮甜好味。二人套餐有10款海鮮，而且仲會有肉同埋丸最尾食到尾聲嘅時候其實海鮮嘅精華已經靜靜地滲到落去蒸鍋下便嘅粥底入邊，加埋菜脯同埋蔥花，簡直係一流，試問咁多嘢食，點會唔夠飽？講返今晚食過啲咩海鮮先蟹粉大元貝元貝上面嘅蟹粉醬係由師傅親手拆蟹膏蟹肉炒過和調味再放到大元貝上邊蒸紐西蘭刀貝蚌刀貝好大隻彈牙軟熟野生虎蝦野生虎蝦其實好大隻，清蒸完之後食得出啲肉好結實彈牙九孔鮑魚鮑魚好厚肉，起碼要分三啖先食得晒野生青口和珍珠蠔野生青口最怕就係污糟邋遢，但師傅清潔得好乾淨，食唔到有苦澀味，只有鮮甜可口。重頭戲琵琶蝦都比較少食琵琶蝦，除非係自助餐嘅地方，但係自助餐嘅通常都係冰鮮，通常都冇乜味。而今次食嘅係新鮮琵琶蝦，肉質介乎大蝦和龍蝦中間佢會俾大蝦清淡。龍蝦龍蝦味道如何，取決於新鮮程度。餐廳嘅龍蝦喺養魚缸度拎上嚟即刻清潔即刻蒸非常鮮味。而且店員係會預計時間，所以絕對唔會有過老嘅情況發生。饅頭蟹饅頭蟹細細隻其實好可愛但肉容量唔多，但係食得出係鮮甜而且饅頭蟹非常罕有今次試到真係好開心。重中之重，估唔到最好食嘅竟然係奄仔蟹，切開嘅時候已經見到好多膏，金黃色都有啲期待。蒸完之後出嚟簡直係不得之了，蟹膏香甜可口，又鮮又甜。唔好睇佢細細隻其實裏面好多肉，淨係食隻奄仔蟹我都已經食半個鐘。每一啖都唔想浪費。就連蟹鉗都係啖啖肉，香甜彈牙，不在話下，強烈建議不要落任何調味料，否則會影響鮮味。其實食到呢度已經好飽，店員仲會蒸肉同埋包心丸，其實都食唔落。不過我哋都堅持食埋每一款海鮮流出嚟嘅精華所煲嘅粥，份量好多，起碼每人有兩碗，入面會有粟米芋頭等等材料加埋海鮮的鮮味好夾。最後只要你用八達通或者現金付款就會有甜品送呀。所以帶定現金過嚟啦。今晚真係好滿足好耐冇試過食咁多款嘅海鮮，而且鮮甜好味。
continue reading
有專人服侍，配靚靚海景，適中加埋10種新鮮海鮮，送埋甜品的习鑽海鮮套餐每人$769🤩1龍蝦半隻 (刺身)第一次食龍蝦刺身，食落冇乜味，有別於其他蝦嘅刺身，沒有黏性，非常爽口，加埋壽司豉油食幾正2罕有野生琶龍蝦雖然佢外型唔討好，但係食落有龍蝦味兼帶鮮甜，比一般龍蝦更加好味，店員話琵琶龍蝦殼上面的絨絨質地是它在優質水域生活的證明，因此非常罕有3野生瀨尿蝦瀨尿蝦非常大條，食落非常鮮甜，而且已經剝殼起肉，食落非常鮮甜4罕有黃膏肉蟹聽店員講呢隻蟹好罕有，係蟹界ge皇后👸，因此非常多蟹膏，滿滿橙黃色嘅蟹膏配上鮮甜嘅蟹肉，一流5八頭南非鮑魚好細心咁已經去除咗內臟，鮑魚蒸得啱啱好，唔使拆殼，所以最鍾意嘅海鮮就係鮑魚😍蒸龍蝦蟹皇海哲蘇格蘭大蟶子韓國大元貝韓國珍珠蠔大西洋活青口有機蔬菜籃加拿大海虎冷泡茶+ $ 68/壺椰汁燉雪燕
continue reading
近排想同朋友望住個海食啲嘢減吓壓，就近近哋去咗鯉魚門三家村食飯。我哋入到餐廳啱啱好係日落時分，店員話Outside area 個景好靚，我哋menu 都未睇就去咗望海景，個view 真係好舒服好正。欣賞完日落，就要醫吓肚。我哋聽到店家介紹嘅南非紅寶石孔雀鮑魚，就決定叫呢個勁豐富嘅海鮮餐。前菜香辣魚片好惹味彈牙，唔怕辦嘅朋友一定唔可以錯過！最無得輸嘅一定係個鮑魚，賣相好靚之餘，點清酒嚟食真係好鮮甜，我哋開咗枝Sake, 一邊食靚海鮮，飲酒加埋個靚海景，真係人生一大樂事。最後食晒蒸海鮮，再食埋最底嘅海鮮粥，真係好飽，飲飽食醉，再整個糖水，真係好完美😍
continue reading
一直都好想試吓油塘，近鯉魚門，碼頭旁邊嘅蒸氣海鮮。之前終於忍唔住試咗，超正，超新鮮!餐牌好多選擇，全部明碼實價!我地揀咗個2人餐，勁豐富，全部海鮮都非常新鮮，全程有餐廳同事幫手蒸，食完海鮮，再食埋個粥底，再食埋送嘅糖水，真係飽到上心口呀，大滿足呀🤤🤤🤤特別係個青蟹!勁勁勁爆膏，勁鮮甜，勁回甘，流哂油呀!d蟹肉係一疏疏的，只有新鮮蟹嘅肉先可以㗎😋😋除咗靚海鮮，d肉肉配料，小丸子，蔬菜籃，蒸完都好好食，原汁原味，唔使點醬料，都已經好好味!個豬骨粥底，吸收哂所有海鮮同配料嘅精華，加上菜甫和蔥花，簡簡單單，但味絕不簡單，好食!椰汁雪燕糖水都係自家制㗎😋餐廳嘅May姐，超級好人，又熱情，又專業，會主動幫忙處理海鮮，仲會分享海鮮科普小知識，好正呀😗😗😗掛住食，仲有好多嘢，真係影唔切呀😆😆
continue reading