Video
Introduction
It is not easy to find this restaurant, but its hot-pot and sashimi are really surprising. The bell shape pork is fried immediately when ordered.
continue reading
Opening Hours
Mon - Sun
06:30 - 16:00
17:30 - 00:00
Above information is for reference only. Please check details with the restaurant.
爺爺招牌雞煲 平時食雞煲 通常係 一隻半隻咁落order， 呢到好特別 ，斤半2斤半咁樣 落單的 ，我地叫左 斤半上到枱都算多分量， 不過隻雞就細隻啲， 望落無乜肉。 由於有朋友唔係好食得辣， 點左小辣 ， 雖然唔係咁夠辣 唔夠過癮， 不過都好夠味。雞件完全吸收哂醬汁既味道， 滾左一陣，洋蔥的香甜味道慢慢滲出， 如果鍾意食洋蔥的朋友 會覺得 更加惹味。一般都會建議 先食曬雞件， 後再加湯食其他食物， 咁樣就唔會溝淡左醬汁 ，影響雞件原先既味道。雪花肥牛估唔到咁出色，油脂分佈均勻，而且充滿牛味，又非常新鮮，讚！讚！👍👍不過就是細碟左小小…😜白切牛坑腩出面打邊爐食雞煲 好少會有牛坑腩食到。 難得有，咁緊係一定要點返碟泥食下啦 。牛坑腩本身係熟的， 不用滾太耐， 呢個最好要一開始就放落煲到等佢吸收濃濃既醬汁先夠惹味。鮮肥鵝腸鵝腸唔肥就唔好食，成日話 要減肥既我， 都忍唔住 見到都要食 ，勁肥，正正！就咁睇都覺得好新鮮， 放左落d 湯度 碌左一陣 ，鵝腸嘅肥膏會溶曬係d湯到 ， 再點小小辣椒豉油， 已非常好味，而且十分爽口。讚！讚！👍👍新鮮 脆鯇腩脆鯇腩 夠曬大件厚切 ，望落 色澤油脂 均勻分佈， 如果可以當刺身食 ，真想咬一啖試下係咩味道， 通常滾5分鐘到 就可以食得， 不能太耐如果唔係d肉會變得好實唔夠爽脆。鮮腐竹 亦係我打邊爐至愛的配料之一， 當佢吸收哂醬汁既味道 ，十分野味。炸響鈴 亦是必選之一 ,簡單滾兩下就可以食得。 不過 呢間個炸響鈴， 比較遜色 ，唔夠新鮮即炸好味。皇帝菜唔係間間有得食， 茼蒿 同佢兩者比較， 我只會揀皇帝菜 ，因為鮮嫩好多。呢到菜又係用來索湯汁食一流。後記: 環境同味道可以， 配料新鮮 ，不過係價錢高了點。
continue reading
叫左個大雞煲，個煲既裝飾及氣味都唔錯，面頭有很多洋蔥及芫茜，睇落好似好好食咁。不過一開動時，食食下大家發現成煲都得雞頸同雞腳，大概一煲有四五對腳啦味唔算差既，但我未食過雞腳雞煲。當我地問侍應：你地既雞煲係得頭頭尾尾，佢話斬得碎姐。然後我地上網睇睇番人地d相，先發現人地個煲都好多雞腳架。d肥牛除左個樣幾吸引之外，但太細塊，烚完好容易唔見左，同埋會無晒牛味。爺爺雞腳煲，可一不可再。
continue reading
見到咁多like，朋友話去試下，結果係我寧願去食百零蚊飲食果d！雞煲係香既，味道都ok，但係d雞九成都係好大舊肥雞皮，咬開雞皮後竟然得返舊骨，無肉！！好誇張！我夾左3舊都係雞頸，$178細雞煲好唔老實呀比煲雞骨人！！一向對食都唔太講究，好少覺得唔好食，但係佢d墨魚滑係腥架，食過咁多間都未試過會腥-_-。個木耳豬肉需呑既皮厚到一舊粉咁好難食-_-又唔係平，又唔好味，好懷疑d like點黎-_-
continue reading
今晚想試新野就上openrice搵下有乜好推介 就搵左哩間老爺爺雞煲 同埋見D食評寫得都幾好 禁就試下啦 點知中哂伏 自問我都係個雞煲狂 哩間都係我食過數一數二難食 雞煲個汁完全無特色 D雞完全索唔到D味 再試埋個手切肥牛 切得又薄又無牛味 細細碟 再試佢主打既冰豆腐成$48架 諗住好特別 點知只不過係普通的一個豆腐 今晚食左細雞煲 細手切牛 豆腐 菜 埋單5百幾 又貴又唔好食 唔驚哂錢哂時間大家可以一試 不過我一定無下次
continue reading
又貴又唔好食!!!! 完全中伏!!!! 以後都唔會再黎!!!!! 雞煲得好少雞肉, 骨多於一切........價錢好貴!! 碟手切肥牛要成差唔多$200, 但份量好少, 又唔係特別好味....... 啲丸有雪味.........埋單每人差唔多$200, 但都唔知食左啲乜野要咁貴......好失望, 以後都唔會黎!!!!!!!!!
continue reading