116
8
16
Opening Hours
Today
12:00 - 22:30
Mon - Sun
12:00 - 22:30
*Last seat time(Mon-Fri)Lunch 14:30; Dinner 21:00; Sat-Sun & PH 21:00; Last order 22:00
Above information is for reference only. Please check details with the restaurant.
About Reward Scheme
Offers
幾個朋友聚會 見呢間有得韓燒又有打邊爐所以去試下串燒得4款火鍋配料好少選擇飲品大多數係四洲品牌連罐裝可樂都冇每日85折左420一個人完全唔值呢個價錢小朋友要$238小朋友食左少少都冇嘢好選擇☹️仲要得100分鐘我覺得應該要最少120分鐘趕頭趕命下次吾會再黎☹️
continue reading
一行六人有老有嫩慶祝中秋節🥮揀牛舞因為可以烚下烚下又可以燒肉👍🏻揀左b餐,果然性價比夠高,牛肉靚,油脂分布好,燒出嚟香噴噴!食慾大增!嫌熱氣老人家又可以滾,大家都開心!小朋友又可以食紫菜溫泉蛋飯!仲有好多甜品同雪糕,100分鐘個口完全唔得閒😆真心最好嘅係到我哋order到最後,佢都無比啲低級左既肉我哋👍🏻海鮮又夠多款,蝦同蠔又好食!串燒除左普通嘅雞肉串,雞軟骨串,仲有雞心,又有豚肉包芫荽!芫荽控勁欣賞!炸物有榴連波之外仲有朱古力波!真係食肉食到膩嗰時可以平衡下,之後再食過😆飲品選擇有盒裝罐裝野,有自己沖既酸梅湯洛神花茶,又有即沖咖啡機,有朱古力又有熱牛奶,真係勁多野揀!好多野都未試到!所以下一次食要試個a餐!食我最鍾意嘅甲羅燒😍仲可以多20分鐘食😜職員收碟快,上碟又會幫我哋放好,主動幫我哋換網,加湯。最要讚既係,當我叫左條厚切韓式豬肉嗰時,個女仔好快咁聽到我哋想要交剪,好快就比左我,真心覺得驚喜!係而家周圍食嘢預左受氣既時候,遇到真心為食客既侍應真係好開心!呢餐我哋大家都食得好開心!
continue reading
日式燒肉及火鍋各有千秋實在難以決一高下,而牛舞難得一見地將兩者合二為一,可以同時享用無限時日式燒肉兼火鍋放題。三款套餐由每位$288起,最近更有85折優惠,另加$48可升級任食刺身,再加$48則可任飲Sapporo生啤、CHOYA梅酒、清酒、紅酒及白酒。當晚我倆所選的A餐「日本薩摩和牛放題」每位$568(星期一至四)/$638(星期五至日、公眾假期及其前夕),共有141款食物選擇,涮涮鍋湯底可選黑松露牛骨湯、壽喜燒湯、香辣味噌湯或「壽喜燒體驗」。入座後每枱均會先按套餐級別送上一份燒肉拼盤,A餐奉送的「薩摩和牛拼盤」包括薩摩牛牛肋條、薩摩牛牛肩胛薄切、薩摩牛牛肩胛、薩摩壺漬牛肋條、薩摩牛和牛粒及是日稀少部位。拼盤中各款所有薩摩和牛均可以無限追加,其後質素亦保持一致,油花如大理石紋般細緻均勻,入口鮮嫩而油脂豐腴,更可配搭燒肉汁、椒鹽、韓式辣醬或壽喜燒汁。A餐已經包括B及C餐食材在內,可以享用樂天澳洲和牛肋肉、樂天澳洲和牛肋條、樂天澳洲和牛赤肉、樂天澳洲極上和牛粒、美國封門柳、美國極上牛板腱、日式牛五花等;而牛舌、羊肉串、雞橫隔膜串、雞頸肉串、豚肉芫荽卷串、豬頸肉、厚切豚腩條、豬大腸、雞腿肉等其他肉類都一應俱全。除了蒜香牛油帆立貝、韓國蠔、虎蝦、墨魚仔及鹽燒多春魚外,A餐更有甲羅燒、油甘魚鮫、白鱔、磯煮鮑魚及雞泡魚乾供應,特別推薦甲羅燒蟹膏鹹香濃郁;另外,牛骨髓、日本烏冬、炸響鈴、牛柏葉、煙鴨胸、蒜蓉牛油雜菌、燒菠蘿等配料都包羅萬有。溫泉蛋和牛肉醬飯、脆皮乳鴿、日式炸蝦天婦羅、朱古力流心炸彈、炸水牛芝士條、菠菜芝士薯餅等熱食可於自助區或以QR code下單。自助區除了各式醬料及飲品之外,更有數款熱食以及粟米、南瓜、生菜、芝士腸等其他火鍋配料;不得不提甜品方面不僅有各款迷你蛋糕、泡芙等,更有多款日本雪糕和雪條可以任食。
continue reading
因為朋友生日佢又一直都好想試呢間既燒肉~~坐低果時都有小小興奮既😆因為又有得燒又有得打邊爐 真係買少見少既…出面有熟食區但其實得3款野食 睇個樣都唔吸引所以都無拎黎食,野飲選擇好少唯有飲氣水🥲QR code 落單點肉類 但種類極少,質素麻麻…最好食應該係無質素可言嘅水魷魚同埋牛柏葉🥹咁既價錢食呢d野真係🥶🥶🥶食到咁上下職員有好細心咁提點我地就截單,睇仲有無野加,再叫我地埋單,咁我地都無加野啦因為本身d野未食完,埋完單我先醒起唔記得同佢講要切蛋糕,因為佢呢到收$20切餅費,咁就問職員加否加番錢,職員用對講機問資深既同事,點知就話我地既用餐時間完左 要再加多d錢先切得,跟住佢行左去接待處到再問,點知資深職員行埋黎話我地用餐時間過左 唔切得,但因為我地見到出面根本無人等候,問佢可唔可以俾錢好快咁切一切就走,因為小朋友都想食埋蛋糕先走, 但佢態度仍然強硬咁拒絕.. 再拎番個蛋糕俾我地!其實我地開開心心咁去慶祝生日,但就俾佢搞到最後唔開心咁離場,只可以話終於明白點解d人番哂大陸食野…人性化小小都唔得,出面又無人等位,又未夠鐘關門,我地切個蛋糕其實都唔會佔用你哋好多時間!所以呢間野真係無下次!
continue reading
先講個自助櫃,入面得幾棵菜同埋十款唔夠既配菜,睇落就唔係非常新鮮,除左菜,我地一樣野都無拎過。之後就係QR落單,可能係因為選擇左最便個套餐既關係?可選既種類都係唔多,最癲既係落單所選既1唔係1份 係1件,點1就上1片牛肉,真係好搞笑,第一次上一塊牛肉個下,唔知以為我食緊咩 A5和牛。總之就係食物質素停留係十年前,早知食大赢喜仲好。仲有一樣野好重要,雖然用餐時間過左小小,但枱上面仲有食物未食完,我地唔想浪費食物,想食晒先離開,但期間幾名店員,不斷駛用眼神壓力意圖驅趕我地,我地都唔係咁厚面皮既人,食剩左啲食物,就要急切咁離開。題外話,朋友見我生日,原來買左蛋糕,咁20$切餅費好合理,我地非常願意比,點知話過左用餐時餐,加錢先比切,um,如果門口排晒長龍,我地會選擇唔切,但係出門一枱客都無,都咁唔人性化,堅持要收額外附加費先比切蛋糕,我覺得香港飲食業做唔住,係有絕對既因素,失望既留港消費體驗。
continue reading