牛舞日本燒肉‧涮涮鍋放題

Open Now

Now Closed

同"龜物"慶祝生日兼提早食聖誕飯，見呢度有得無限時食到4點仲要有85折，一於試吓佢，揀咗最top嗰個餐，日本和牛冇得輸。。。呢度個頭盤有棵巧趣緻嘅聖誕樹，龜物生日仲有個好盞鬼嘅牛肉蛋糕送，happy死佢，仲要有我哋至愛嘅甲羅燒同燒鱔😋飽到個肚想爆咁款

天寒地凍想食燒肉同打邊爐嘅餐廳唯一一間牛舞我哋叫咗個B餐入座坐得好鬆動我朋友唔鍾意食牛嘅，都幾多選擇鍾意食芫荽嘅朋友 特別推介豚肉芫荽卷打邊爐或者燒都好原汁原味😊仲有爆醬榴槤波澳洲和牛 肉質鬆軟 油脂分布均勻甜品區 選擇 有雪糕 生果 甜品

難得放假去食牛舞，以前黎食啲野都可以，但今日食，啲肉極差。無論係牛肉豬肉定係雞肉一律都係又柴又硬比狗都唔食。咁啲肉已經唔好食，我唯有試吓叫碗飯食啦，點知連碗飯都係又凍又酸嘅🤦🏻‍♂️今日送隻濕9冰麵包蟹啲毛插到成手都係🤦🏻‍♂️更重要既係唔好食。又梅又臭燒極都唔熱真係唔送好過送啦🤦🏻‍♂️呢間野真係好成功地冇任何優點，甜品種類少，飲品種類更少。3百幾蚊位，冇樣野好食😡 永遠唔會再幫襯！各位唔好中伏！

我哋叫最平果個餐，300幾有85折，諗住試試佢。但每款肉肉質都超差，又乾又硬….諗住唔燒，火鍋喇，一樣都好柴……雖然是最平的餐，但都要300幾呀….有良心啲俾啲正常嘅人食呀….絕對冇下次。

幾個朋友聚會 見呢間有得韓燒又有打邊爐所以去試下串燒得4款火鍋配料好少選擇飲品大多數係四洲品牌連罐裝可樂都冇每日85折左420一個人完全唔值呢個價錢小朋友要$238小朋友食左少少都冇嘢好選擇☹️仲要得100分鐘我覺得應該要最少120分鐘趕頭趕命下次吾會再黎☹️

一行六人有老有嫩慶祝中秋節🥮揀牛舞因為可以烚下烚下又可以燒肉👍🏻揀左b餐，果然性價比夠高，牛肉靚，油脂分布好，燒出嚟香噴噴！食慾大增！嫌熱氣老人家又可以滾，大家都開心！小朋友又可以食紫菜溫泉蛋飯！仲有好多甜品同雪糕，100分鐘個口完全唔得閒😆真心最好嘅係到我哋order到最後，佢都無比啲低級左既肉我哋👍🏻海鮮又夠多款，蝦同蠔又好食！串燒除左普通嘅雞肉串，雞軟骨串，仲有雞心，又有豚肉包芫荽！芫荽控勁欣賞！炸物有榴連波之外仲有朱古力波！真係食肉食到膩嗰時可以平衡下，之後再食過😆飲品選擇有盒裝罐裝野，有自己沖既酸梅湯洛神花茶，又有即沖咖啡機，有朱古力又有熱牛奶，真係勁多野揀！好多野都未試到！所以下一次食要試個a餐！食我最鍾意嘅甲羅燒😍仲可以多20分鐘食😜職員收碟快，上碟又會幫我哋放好，主動幫我哋換網，加湯。最要讚既係，當我叫左條厚切韓式豬肉嗰時，個女仔好快咁聽到我哋想要交剪，好快就比左我，真心覺得驚喜！係而家周圍食嘢預左受氣既時候，遇到真心為食客既侍應真係好開心！呢餐我哋大家都食得好開心！

日式燒肉及火鍋各有千秋實在難以決一高下，而牛舞難得一見地將兩者合二為一，可以同時享用無限時日式燒肉兼火鍋放題。三款套餐由每位$288起，最近更有85折優惠，另加$48可升級任食刺身，再加$48則可任飲Sapporo生啤、CHOYA梅酒、清酒、紅酒及白酒。當晚我倆所選的A餐「日本薩摩和牛放題」每位$568（星期一至四）／$638（星期五至日、公眾假期及其前夕），共有141款食物選擇，涮涮鍋湯底可選黑松露牛骨湯、壽喜燒湯、香辣味噌湯或「壽喜燒體驗」。入座後每枱均會先按套餐級別送上一份燒肉拼盤，A餐奉送的「薩摩和牛拼盤」包括薩摩牛牛肋條、薩摩牛牛肩胛薄切、薩摩牛牛肩胛、薩摩壺漬牛肋條、薩摩牛和牛粒及是日稀少部位。拼盤中各款所有薩摩和牛均可以無限追加，其後質素亦保持一致，油花如大理石紋般細緻均勻，入口鮮嫩而油脂豐腴，更可配搭燒肉汁、椒鹽、韓式辣醬或壽喜燒汁。A餐已經包括B及C餐食材在內，可以享用樂天澳洲和牛肋肉、樂天澳洲和牛肋條、樂天澳洲和牛赤肉、樂天澳洲極上和牛粒、美國封門柳、美國極上牛板腱、日式牛五花等；而牛舌、羊肉串、雞橫隔膜串、雞頸肉串、豚肉芫荽卷串、豬頸肉、厚切豚腩條、豬大腸、雞腿肉

因為朋友生日佢又一直都好想試呢間既燒肉~~坐低果時都有小小興奮既😆因為又有得燒又有得打邊爐 真係買少見少既…出面有熟食區但其實得3款野食 睇個樣都唔吸引所以都無拎黎食，野飲選擇好少唯有飲氣水🥲QR code 落單點肉類 但種類極少，質素麻麻…最好食應該係無質素可言嘅水魷魚同埋牛柏葉🥹咁既價錢食呢d野真係🥶🥶🥶食到咁上下職員有好細心咁提點我地就截單，睇仲有無野加，再叫我地埋單，咁我地都無加野啦因為本身d野未食完，埋完單我先醒起唔記得同佢講要切蛋糕，因為佢呢到收$20切餅費，咁就問職員加否加番錢，職員用對講機問資深既同事，點知就話我地既用餐時間完左 要再加多d錢先切得，跟住佢行左去接待處到再問，點知資深職員行埋黎話我地用餐時間過左 唔切得，但因為我地見到出面根本無人等候，問佢可唔可以俾錢好快咁切一切就走，因為小朋友都想食埋蛋糕先走， 但佢態度仍然強硬咁拒絕.. 再拎番個蛋糕俾我地！其實我地開開心心咁去慶祝生日，但就俾佢搞到最後唔開心咁離場，只可以話終於明白點解d人番哂大陸食野…人性化小小都唔得，出面又無人等位，又未夠鐘關門，我地切個蛋糕其實都唔會佔用你哋好多時間！所以呢間野真係無下次！

先講個自助櫃，入面得幾棵菜同埋十款唔夠既配菜，睇落就唔係非常新鮮，除左菜，我地一樣野都無拎過。之後就係QR落單，可能係因為選擇左最便個套餐既關係？可選既種類都係唔多，最癲既係落單所選既1唔係1份 係1件，點1就上1片牛肉，真係好搞笑，第一次上一塊牛肉個下，唔知以為我食緊咩 A5和牛。總之就係食物質素停留係十年前，早知食大赢喜仲好。仲有一樣野好重要，雖然用餐時間過左小小，但枱上面仲有食物未食完，我地唔想浪費食物，想食晒先離開，但期間幾名店員，不斷駛用眼神壓力意圖驅趕我地，我地都唔係咁厚面皮既人，食剩左啲食物，就要急切咁離開。題外話，朋友見我生日，原來買左蛋糕，咁20$切餅費好合理，我地非常願意比，點知話過左用餐時餐，加錢先比切，um，如果門口排晒長龍，我地會選擇唔切，但係出門一枱客都無，都咁唔人性化，堅持要收額外附加費先比切蛋糕，我覺得香港飲食業做唔住，係有絕對既因素，失望既留港消費體驗。

中午12點開門既牛舞，當時我地係第一批客人，無其他客人等候，期間進場前10人要求分2張單，短髮女職員做第一單客已經好唔耐煩，比左一張6-8人枱比我地塞10個人，明明隔離個張睇落鬆動d就比左一張2人再搭其他人坐，分配座位極差，臨坐底仲走過黎啤左我地一眼，如果餐廳係繁忙兼且後面有客人等位我地塞住都可諒解佢唔耐煩，但係一開鋪已經咁既態度番工真係唔要得，仲好似係經理黎，同埋該店員無名牌 我十分想記低佢名 免誤投訴其他人，食物質素正常，但就因為個女店員 唔會再黎食

想一次過滿足晒食燒肉+涮涮鍋😚我哋揀咗最高級的A餐-日本薩摩和牛 120 分鐘和牛放題，有全141 款食物可以任食。裝修日式木系風格，環境寬敞座位舒適。坐低後店員就會送上 A餐的 「薩摩和牛拼盤」，有6 款不同部位的和牛，每款和牛質素都好高，油脂分布好靚， 我自己最鍾意✨薩摩牛牛肩胛✨，油花分佈豐富，牛脂味濃食落好香入口即溶。涮涮鍋有3 款湯底揀（壽喜燒、黑松露牛骨、香辣味噌），我哋揀了壽喜燒湯，湯底味道鹹甜得宜，唔使點醬料已經好夠味，✨薩摩牛牛肩胛薄切✨ 用來shabu shabu 真的很適合。用QR Code 下單點食物，除了薩摩牛肉、豬肉雞肉，仲有海鮮、炸物/ 串燒、飯/ 烏冬等。另外自助區可以取蔬菜🥬、丸類、前菜、小食、飲品、甜品等。除了和牛超正，還有一些食物值得推薦的：🔶甲羅燒：配生蛋汁，食落蟹膏超香濃🔶磯煮鮑魚：肉質鮮嫩彈牙，醬汁鮮甜🔶虎蝦：肉厚鮮甜爽彈🔶冷柚子烏冬： 烏冬質地好Q彈，柚子味清新這裏食物質素很高，服務員態度親切友善，上菜速度又快，非常推薦！

平時帶狗狗黎Yoho玩留意到有間開左無耐既日式放題「牛舞」，可以一次過食齊火鍋+燒肉。店內座位幾多又濶落，每枱中間有燒烤爐亦有火鍋爐，枱面寬濶仲有好多空間擺放食物。而我哋就點左日本薩摩和牛放題，120分鐘任食，星期一至四成人$568，星期五六日、假期及前夕$638，小童$368，6-8pm仲有85折抵好多。放題有141品，包括薩摩和牛、海鮮、涮涮鍋配料、前菜、炸物、甜品等。而涮涮鍋湯底我哋選了黑松露牛骨湯，菇菌香味濃郁，味道清醇。先送上薩摩和牛拼盤，有牛肋條、牛肩胛、稀少部位牛腹肉、壼漬牛肋條、和牛粒。牛肩胛的雪花好澎湃，入口即溶油香四溢；牛腹肉油花均勻，肉質嫩滑；牛肋條、和牛粒口感實在，味道濃郁。壼漬牛肋條最有嚼勁，本身加調味醃了，所以特別惹味。另外再追加了任食的牛肩甲、牛腹肉、牛肋肉等，分別以燒肉汁、壽喜燒汁、韓式辣醬、椒鹽等醃制，各有特色。還有其他肉類如豬頸肉、豚腩肉、薩摩雞腿肉等都值得一試。海鮮最推介原隻鮑魚、白鱔、虎蝦、墨魚仔。全部都好新鮮，鮑魚煙韌，白鱔加鰻魚汁變自制蒲燒鰻魚，肉厚肥美，大蝦和墨魚爽彈鮮味。還有甲羅燒，滿滿的蟹膏加上雞蛋，入口充滿蟹的鮮味，齒頰留香。雞泡魚乾

鍾意食燒肉？定鍾意打邊爐先？𝚆𝚑𝚢 𝚗𝚘𝚝 𝚋𝚘𝚝𝚑?!正所謂一分錢一分貨，CP 值絕對高嘅日式放題 燒肉店，佢唔單止有得任食鹿兒島薩摩和牛嘅燒肉🥓，仲可以涮涮鍋🍲 一個價錢有兩種享受，想點食都得😌極力推介「牛舞」🥳𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ我哋平日晚上時段，點咗最豐富嘅「薩摩和牛放題」HK$568, 可以任食120分鐘🤩仲送咗個薩摩和牛拼盤添😋：薩摩牛牛肋條，薩摩牛牛肩胛薄切，薩摩牛牛肩胛，薩摩壺漬牛肋條， 薩摩牛和牛粒呢個餐仲有141款肉類，而且質素都好高❣️小妹最愛 薩摩牛牛肩胛，無論燒肉定係涮涮鍋都好美味，充滿油花，入口即溶，真係食多多都唔怕🤭另外任食海鮮種類都好多，有🦀甲羅燒，🦐虎蝦，蒜香牛油帆立貝，韓國嘅蠔🦪，雞泡魚乾仲有磯燒鮑魚添啊🤩而打邊爐唔止要不停落薩摩牛，記得要點花膠芝麻軟綿綿，又好入味👍🏻餐廳除咗有火鍋配料自助區，仲有多款甜品同埋飲品任飲！日本放題可以一個價錢，任食鹿兒島A4薩摩和牛 , 仲可以燒肉+涮涮鍋兩種食法，啱晒我地鍾意食和牛嘅人啦🤭

又想吃燒肉，又想吃火鍋，這次去到「牛舞」燒肉涮涮鍋，一次過就可以滿足到兩個願望「牛舞」有3個Set，有日本薩摩和牛、樂天澳洲和牛和特級燒肉放題，我地選擇了最貴的日本薩摩和牛$638，除咗可以吃到日本薩摩和牛，更可以吃到樂天澳洲和牛和美國極上牛，吃足120分鐘✨燒肉店員會先送上一盤日本薩摩和牛拼盤，薩摩和牛來自日本九州最南端的鹿兒島，拼盤有齊多個不同薩摩和牛的部位，脂肪分佈較為均勻，油花豐富，肉質軟嫩，好適合用來燒肉，全部我都好滿意✨涮涮鍋有黑松露牛骨湯、壽喜燒湯，香辣味噌湯等3個選擇，我們選擇壽喜燒湯，味道香甜濃郁，涮涮牛肉、蔬菜和其他火鍋配料非常美味特別喜歡薩摩蝸牛牛肩胛薄切，大大片涮火鍋，油花比例均勻，吃得非常滿足✨海鮮除了吃和牛之外，海鮮同樣吸引，有甲羅燒、白鱔、油甘魚鮫、雞泡魚乾、帆立貝、海蝦、磯煮鮑魚、生蠔等特別喜歡甲羅燒和雞泡魚乾✨其他乳鴿、日式煙燻豬肝、田雞腿、花膠、串燒、芝士條，咖喱烏冬麵、溫泉蛋牛肉飯等，食物選擇多樣化作為一個芝士控，特別喜歡芝士條，長長的拉絲，外脆內軟的口感非常棒✨自助區有前菜、蛋糕甜品、幾款熟食、白飯、牛肉清湯、日本雪糕等飲品方面有樽裝、盒裝、罐裝

週未約埋朋友去元朗牛舞食燒肉火鍋放題，就係貪佢可以兩個爐同時一邊燒一邊涮。除咗肉類亦食到蔬菜，感覺都健康啲。佢哋嘅放題分3個價位，我哋就揀咗食日式薩摩和牛放題，原價$638@可以食足120分鐘，但依家餐廳做緊優惠有85折，早鳥(19:30前離座)仲有額外9折添。個日式薩摩和牛放題有成141品，當中包括咗6款鹿兒島薩摩和牛、5款樂天澳洲和牛、多款海鮮同其他肉類，仲有蔬菜、丸類、前菜、炸物、串燒、甜品任食同飲品任飲。餐廳會先上一份薩摩和牛拼盤，入面有齊咁多款薩摩和牛，款款賣相都好吸引，油花分佈平均，其中有5款可以用嚟燒，1款就用嚟做shabu shabu 。薩摩牛牛肩胛肉同油脂嘅比例最平均，食落最腍。薩摩牛牛腹肉，油脂比較多，所以油香比較重。而薩摩牛牛肋條肉味就最濃郁。仲有一口size嘅薩摩牛和牛粒同非常入味嘅薩摩壺漬牛肋條。涮涮鍋我哋揀咗黑松露牛骨湯做鍋底，入面有唔少菇菌做配料。涮涮鍋主打當然係食薩摩牛牛肩胛薄切，比起燒肉，食落冇咁油膩，肉質更加腍身，仲可以點溫泉蛋蛋汁一齊食，肉味更加濃郁。海鮮類都係以燒烤為主，亦有唔少貴價食材，好似有白鱔、甲羅燒、磯煮鮑魚、蒜香牛油帆立貝、香草芝士燒生