Video
Introduction
It aims at providing high quality meals like imperial level to the public. The handmade dim sum, Guangdong dishes and imperial dishes taste nice. Among them, the healthy royal stew soup is suitable for urbanites to enjoy.
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
About Reward Scheme
Recommended Dishes
去屋企人屋企玩貓，佢之前嚟元朗市中心飲個下午茶先。呢間其實都出邊試過唔同嘅分店都大概知係咩水準。所以都唔會抱太大期望。不過呢度就勝在坐得舒服今次坐咗喺廳房裏面傾偈都冇咁嘈。食物方面基本上係正常表現冇乜特別出色嘅地方，不過佢個及靠粥都還好，煮得綿綿的。其他脆奶、榴槤酥、流心包就好似交貨點心咁冇乜特別。
continue reading
🍽️餐飲： 雖然是晚餐，但還是要喝茶，點了香片，很香，愛茶的人就知道茶香是很吸引人的！前菜是花生，這家的花生有薄薄的外皮，像炸過一樣，但又沒有炸的油味，反而味道偏清淡，吃得到花生味，來的時候一大碟，滿滿的，不一會道吃到見底了🤭🤭兩個人點了兩道菜1. 清蒸海瓜子海瓜子蠻大條的，所以蒸出來有的魚肉比較結實，有的魚肉很滑，整體來說是好吃的，而家上面還有一大堆蔥花，配著魚肉一起吃增加香味👍🏻2. 薑汁炒芥蘭芥蘭炒得爽脆，薑汁可以再濃一點，吃到最後少不免會覺得有點油（酒樓炒菜的通病）🎄環境： 可能位置的原因，門口不太明顯，人流也不多，被安排坐在卡位，蠻安靜的酒樓乾淨程度就…一般般，碗碟還是要洗一下，枱布跟椅子會有老舊的污漬🎎服務：服務是很好的，也很體貼，原本菜還未到，白飯已經送到，經理就把白飯收走，等菜送到，再送白飯來㊗️結論：不錯吃的酒樓，看到別人吃炸蠔（應該是）也炸得不錯，有機會會再去試一試，但不用特別去
continue reading
話說我哋幾個朋友好鍾意飲茶，終於約咗日子可以試吓呢間酒樓👍🏻試過吃晚飯，但未試過飲茶🫖可以用OpenRice訂位，實在太方便！我朋友早咗少少到，侍應都俾佢早少少入座。見到可以坐卡位，都好驚喜，比起坐圓枱，感覺有多啲私密嘅空間😎我哋一行四人都嗌咗好多嘢食🤣我覺得樣樣嘢都好精緻好食😋炸魷魚鬚係大愛😍雖然樓面人手比較緊張，但侍應都常常幫我哋加水，臨尾有一個點心漏單，好像都好細心幫我哋跟進👍🏻想再來👏🏻
continue reading
中學同學新春團拜，揀咗元朗呢間御名園。佢其實都有好幾間分店，今次我哋有九個人，就叫咗八個餸。同學仔話呢檔嘢啲魚鮫好正，所以佢預先通知酒樓留咗。另外再叫咗幾碟小菜，包括有鮮菠蘿咕嚕肉，蜂蜜柚子脆蝦球，姬松茸遼參豆腐煲，金奬蝦醬海山骨等等。炆龍躉撥水翅入邊有冬菇、筍、腐皮等等，都幾入味。女同學補充骨膠原啱晒。菠蘿咕嚕肉水準之作。另外佢嘅燒鵝亦都出名，連埋皮食都得。至於兩個菜，薑汁芥蘭好有薑味；蒜蓉豆苗亦都夠火候。但就略嫌兩碟菜少咗啲。最後仲送埋個紅豆沙，紅豆沙有西米同好重嘅陳皮味值得一讚。另外見到呢間酒樓有幾間梗房，朋友聚會，有時想傾吓偈就最啱。朋友話呢間酒樓有得飲茶，點心都出色，有時間可以入嚟試吓，重點係服務非常之好！
continue reading
第一次喺雞地幫襯酒樓，真係未試過~ 見依間喺open rice算多人讚，雖然唔少人話服務差，但又有老人家，我又大住個肚，唔行得遠，都係膽粗粗試下啦！.點知食落又驚喜喎，服務亦唔錯呀，好彩我有預早book定枱，因為真係全場爆滿、座無虛席，侍應們喺百忙之中都算serve得唔錯喇😊所以想食個食評支持下✊🏻.我哋叫左冬至四人盛A餐，另加一個小菜，無諗過會最後會寫食評，所以唔係每道菜式都有影相，亦無影得menu😝所以菜式名都係我見道餸有咩就寫咩~ 見諒見諒.石斛響螺湯傳菜侍應姐姐無講錯，真係真材實料，湯頭鮮甜，唔會好油，好味道👅.上湯蟲草花浸豆苗又係抵讚菜式！大大碟，食極都仲有，而且豆苗嫩滑，一啲都唔老唔苦，味道咸淡適中，真係食極唔停😋.脆皮文昌雞(半隻)🤔🤔Um… 普普通通，不過不失，本身麻麻地食炸嘅中式雞，個人認為依半邊文昌雞無咩特別.甜豆雙耳炒北寄貝(餐牌並非此名)本身唔太中意食甜豆，但睇套餐完全唔知道係蔬菜類菜式😂點知啲甜豆食落鮮甜，亦無渣，十分有驚喜😋.芝士龍蝦伊麵好耐冇食過好味嘅芝士龍蝦伊麵！！！芝士濃郁，龍蝦新鮮，肉質爽口，伊麵十分入味，索晒啲芝士醬真係超！級！好！食！真心推介😊.黑木耳鮮百合炒勝瓜依道餸係套餐以外另加，原本只係因為有老人家一齊食，想叫啲瓜菜易咬啲，但點知又係好有驚喜🥹勝瓜好爽甜，炒得好入味，食落唔會過生或過熟，老人家亦岩口味👍🏻.原條蒸石斑魚蒸魚好食，肉質夠爽，蒸得好夠火候，魚汁好好送飯😋.五穀糕（四件）(餐牌並非此名)超級有驚喜！起初睇到套餐包埋，覺得唔知咩嚟同好唔好食，點知食落一來唔甜，二來口感煙韌又有少少𡁻頭，老人家亦讚👍🏻.紅豆沙（五碗）套餐冇包，但最後連同糕點比我哋，我哋諗係咪叫晚餐就有😂平時唔中意食紅豆沙嘅我，都覺得好味，甜度適中，紅豆亦有少許咬口，唔會煲到紅豆完全融晒，係我第一次會食晒嘅紅豆沙😋.整體評價餐廳食物整體質素中上，上菜快，套戲送啤酒及兩罐汔水，非常豐富。服務真係唔太差，侍應百忙中serve到已經好好😊我哋食晒所有餸菜後，都爭啲唔記得左甜品，後尾叫佢上返甜品，佢哋都唔好意思前唔好意思後，好快就上晒甜品，整體嘅體驗都係唔錯，長輩們都十分滿意，下次同佢哋應該會試吓飲中午茶☕️🫖😁
continue reading