王子廚房

Open Now

Now Closed

之前去屯門搵朋友路經呢間餐廳，睇名差啲以為係茶記黎。好奇望過下menu，原來係食西餐加印度fusion菜，睇相好似都唔錯，於是最近再約朋友就試下呢間😂。入到去望到環境好闊落，坐得好舒服已經加分。Staff都幾nice，晚市無咩人都任我地揀位坐😂。🔅墨魚汁意粉 ($115)平時約人就唔會食墨魚汁，不過呢次約舊朋友就無所謂啦🤣。墨魚汁好有鮮味，加埋香蒜撈勻意粉好正。大蝦都彈牙，有蝦味👍🏻，無比墨魚汁既味蓋晒。意粉唔會太腍，份量都唔小👍🏻。🔅印度烤雞肉卷 ($72)個人都幾鐘意食kebab，不過成日怕啲醬唔啱食(食咩都走醬人士)，同埋怕有好多蕃茄/青瓜(挑食人士)。不過呢個kebab個醬同其他料好夾，唔會好酸，蕃茄切細細粒又唔錯喎。最鐘意係雞肉好滑，份量多得黎又有菜去平衡番口感，幾爽口。女仔其實食半碌都夠😂。💬聽朋友講呢間平時都唔算多人食，但我覺得食物質素唔錯，上菜都算快，最重要係坐得舒服，因為約朋友聚會都會傾下計先走。下次會想試印度烤餅同paella 🤤。