Plato Cafe & Bistro (彌敦道) (Closed)

呢間西餐廳位於油麻地站，C出口直行好近就到🖖🏻。裝修以黃色為主調，有唔少玩味濃既畫，最緊要係環境好舒適，座位之間唔會好近，好適合同朋友聚會。Menu選擇都頗多，dinner set價錢相宜，服務都唔錯。🔅餐湯 & 餐包Dinner set有跟餐湯、餐包同埋野飲，都幾抵。粟米湯🌽幾香，包就熱熱地幾軟熟唔錯😋。🔅加拿大保濕豬鞍架 ($228)平時怕豬扒會乾柴柴所以少叫，呢次抱住中伏既心態試下估唔到有驚喜🥺！睇落雖然乾，但煎得幾靚，食落幾juicy，唔會鞋口，點埋個汁啱啱好👍🏻。🔅美國安格斯肉眼牛扒 ($238)牛扒叫左五成熟，夠厚身，煎得幾香，食落唔會好韌，牛味頗濃🐮。配菜有粟米芯、煎茄子同翠肉瓜，好juicy😋，薯蓉都好滑，奶味唔會好濃。🔅檸檬茶🔅伯爵茶💬呢間位置夠晒方便，旺中帶靜，環境同食物都唔錯，會encore 😚。