慧食貓

Open Now

Now Closed

葵廣咁多小食但次次黎一定要去食慧食貓既手抓餅！一來良心小店💛，二來真係好香好好食！講低食乜老細就會叫你隔幾耐番黎😂，通常都要等最少15分鐘，隔左15分鐘同老細講多次叫左咩佢就會即整。講完自己叫乜再擺低錢就OK，呢啲老細邊到搵😱。千祈唔好搏大霧走去講之前叫定，佢會認得人😂😂。得閒老細會吹兩句水，幾搞笑。火腿雞蛋煙肉手抓餅($25)手抓餅唔會好厚，好脆好香。煙肉都煎到好香，蛋都好滑，加埋大大塊生菜夠爽口。$30有找真係抵到爆！曾經試過自己喺屋企整，但都整唔到佢嗰種咁香又脆既口感，所以都係不停encore 🤣。