鍾菜館

Open Now

Now Closed

我食嘢好麻煩好腌尖？唔算；要樣靚身材正(即係環境)？唔拘，但無特別要求；性價比要高？食落肚的我又唔會吓吓計住算住；一定要有特色？創新和踏實要取得平衡；地點要就腳？有路到的我都ok。其實，我都應該唔難服待，我講我啫。但如果你有齊上述的所有要求，我會提議你去鍾菜館試試。「鍾」字頭的餐廳試過好幾次，實在、老實、傳統優質，簡單幾句便形容了。今次第一次來這一間「鍾」字頭，上樓梯已經被其宏偉門面設計嘩一嘩：樓底高，古色古香有氣派，威！餐廳佈局貫徹古色古香的設計但又不失親和感，長方形樓面單邊是包房，大堂擺枱不算密密麻麻，感覺是開揚的。第一次來朋友包房請食午飯，房間寬敞還夠位擺放泡茶枱，合晒和我同行愛茶的朋友合尺。而我，當然專注食物啦！一煲老火例湯，已經飲得我心滿意足。再來一隻燒鵝，水準不遜於市場上馳名燒鵝的餐廳。驚喜的反而是那味咸豬手，炸得剛剛好，皮脆肉嫩，吃過燒鵝再吃豬手都不覺肥膩，好！點心來了蝦餃燒賣，一人一籠獨立上，這種自成一格的感覺真係好適合我這種獨家村性格😬另外一鍋酸菜魚帶著他們自己獨特的味道，跟慣常食開的有點不同，也很不錯。大芥菜煲的芥菜很鮮甜，美中不足的是排骨過瘦，否則也是完美。落戶在