Video
Read full review
2017-07-24
1589 views
上水，平時除左返大陸會經過之外都好少踏足。今日內地友人剛好由深圳到港就順道食埋晚飯先返屋企。上網見呢間日本料理ＣＰ值好似唔錯就揀左佢黎醫肚，一盡地主之宜。雖然門口唔算顯眼，但內裡裝潢都唔錯滿滿居酒屋?風味。睇左陣餐牌，就點左以下食物。首先係前菜芒果飛魚子沙律。芒果非常香甜，配上微酸沙律醬中和得剛好。加上略咸嘅飛魚子令平來平平無奇嘅青瓜絲味道變得無咁單調，食左一大半都唔夠喉。之後係幾款壽司，包括大拖羅，中拖羅，赤身，海膽及帆立貝。拖羅鮮度十足同埋好肥美，入口即溶嘅口感真係無得彈。海膽都唔錯，質感幼滑鮮度足。而帆立貝除左巨型，就係甘甜完全無貝類海產嘅腥味，一口食唔晒要分成兩口，體積之大可想而知。因為知道呢度定期會係日本築地直送新鮮漁獲返港，而今日又到貨左幾款咁我地知道後當然要嚐鮮一番啦！而店長推薦左呢條金目鯛，據講係日本有吉祥魚嘅稱號。啊媽教落，睇魚新唔新鮮一定要睇對眼，眼睛晶瑩剔透有光澤為之靚，今晚呢條絕對合格有餘加上師傅特別用霜造方法處理，汆燙魚皮激發出甘味，仲略為炙燒表面帶黎些許焦香。食落覺得魚肉油脂含量適中，入口綿實。沾上特製醬汁，令肉質細膩嘅魚肉味道更豐富。每一口都係舌頭味覺嘅享
雖然門口唔算顯眼，但內裡裝潢都唔錯滿滿居酒屋?風味。睇左陣餐牌，就點左以下食物。
首先係前菜芒果飛魚子沙律。芒果非常香甜，配上微酸沙律醬中和得剛好。加上略咸嘅飛魚子令平來平平無奇嘅青瓜絲味道變得無咁單調，食左一大半都唔夠喉。
之後係幾款壽司，包括大拖羅，中拖羅，赤身，海膽及帆立貝。拖羅鮮度十足同埋好肥美，入口即溶嘅口感真係無得彈。
海膽都唔錯，質感幼滑鮮度足。而帆立貝除左巨型，就係甘甜完全無貝類海產嘅腥味，一口食唔晒要分成兩口，體積之大可想而知。
因為知道呢度定期會係日本築地直送新鮮漁獲返港，而今日又到貨左幾款咁我地知道後當然要嚐鮮一番啦！而店長推薦左呢條金目鯛，據講係日本有吉祥魚嘅稱號。啊媽教落，睇魚新唔新鮮一定要睇對眼，眼睛晶瑩剔透有光澤為之靚，今晚呢條絕對合格有餘加上師傅特別用霜造方法處理，汆燙魚皮激發出甘味，仲略為炙燒表面帶黎些許焦香。食落覺得魚肉油脂含量適中，入口綿實。
沾上特製醬汁，令肉質細膩嘅魚肉味道更豐富。每一口都係舌頭味覺嘅享受。
之後點左兩樣小食，燒雞泡魚乾同埋南瓜天婦羅。南瓜切得厚薄適中，加上外衣香脆內裡軟綿，炸得一啲油羶味都無，真係食唔停口。
而魚乾雖然燒得香口，但就被天婦羅比下去了唔算突出。
但我地都仲係有啲意猶未盡，見有新推出嘅清酒蒸海鮮就點埋黎填肚。海鮮共有四款，連殼帆立貝，大蜆，日本蠔同埋海蝦。
熟嘅帆立貝同刺身真係好唔同，食落彈牙鮮甜更多左一分熟成貝類嘅香味。
成個海鮮盤最鐘意嘅就係日本蠔了，因為每隻入口都有唔同感覺，海水味嘅咸香配上清酒嘅甘，令蠔肉風味更佳。
最後點埋呢度嘅招牌甜品，蜜瓜紅豆芭菲。大半個温室蜜瓜入面填滿雲呢嗱雪糕以及紅豆，每一口都係甜蜜蜜的。因為雪糕同蜜瓜嘅關係，所以紅豆煮得唔太甜，三者一齊食甜度啱啱好，可見店家對細微嘅地方都無放鬆，抵讚。
連兒童餐都準備埋，真周到。
Post
