空海 (Closed)

晏起的星期六，和老弟去了旺角睇背包，時近2點半，又無乜頭緒想食什麼，到處逛逛找些靈感。猶疑食西餐時，無意中發現了空海。十分有趣的一家店。開頭入去以為入錯，因為店面好細，裝修得8個位。一眼望得晒，正如它的名字，空海，空空如也。 全店侍應、廚師包辦在一人身上。真的很有特色，未見過。餐牌是以刺身飯為主，還有不同小食。 小食吸引所以點了2款，另加2 個刺身和2個丼飯。松葉蟹葱花玉子燒好食，好多沙律醬加上滿滿的蟹子放係玉子上，下面鋪左蟹肉，4者夾住一齊食，口感豐富又美味，不可錯過。 蒜香一口和牛粒有黑椒味，咬落JUICY有牛味。火炙帆立貝刺身夠肥美，入口鮮甜。 重點推介海膽墨魚刺身，墨魚煙韌帶爽，撈左帶甜的海膽，成件事好Match，而且仲要大大杯，抵食份量又足，食到咁上下，再用紫菜包黎食，係另一種食法。 2個飯配小食胡麻豆腐和蟹肉叶噌湯，個湯有成大隻蟹蚶，豆腐滑得黎帶芝麻香，加上小撮櫻花蝦作點綴，小小一份不起眼，但甚得我心。 三色丼飯擺碟精美，小小的一碗可別睇小它，因為每款 好足料。亖文魚子橙紅色亮晶晶，天然的咸味配珍珠飯食，味道剛好。海膽滿瀉，夠晒肥美