翡翠拉麵小籠包 (Closed)

午餐嚟到翡翠拉麵小籠包，因為同事話呢度最近做緊半價優惠，去到發覺原來半價優惠，係指定餐點，而且每台只可以點一樣食物。三至四人可以點兩款。點左個金銀蛋時蔬、雞火炒飯和小籠包，兩個人食份量剛好。雞火炒飯其實就是雞肉炒飯，入面有雞蛋絲和雞肉粒，配料不算很多，略嫌飯炒得有點乾。同事更話覺得味精味好重，所以食咗一碗，其他就留俾我食！金銀蛋時蔬食落冇乜味，好正常的水準，但沒有特別！最好食係個小籠包，每粒都皮薄餡靚，而且一咬爆汁，所以做得十分不錯。埋單可以揀一樣半價，我哋揀咗雞火炒飯，最後每人$83，不算貴，如果冇半價，就唔太抵食了！