Labels Cafe + Bar (Closed)

是日來到南豐紗廠打卡，想不到人真多。遊走一輪，最後選咗喺Labels Cafe食個lunch。  點解揀佢？因為佢嘅裝修以雲石紋為主，簡單富時代感，而且露天位置有好多座位，可以比食客帶埋佢哋嘅寵物一齊嚟。  餐湯是我愛的南瓜湯，入口幼滑而帶南瓜甜香。    黑松露竹炭忌廉芝士漢堡雖然望上去烏卒卒，但係牛肉做得十分不錯。牛肉多汁亦嫩滑，可能係因為牛肉餅混入了脂肪去打。所以加上忌廉芝士醬，兩者是絕配！     意大利飯也creamy，顏色在日光下好靚，最欣賞係每啖都食到蝦仁和魷魚，足料令這飯口感生色不少。    Ginger Punch 和Ocean Blue上枱同圖片一樣，用生果雪成的冰粒，五頻六色，啱晒打卡，味道亦不俗。    甜品揀了最可愛的棉花糖雲，上枱時大大一嚿，圓轆轆好有趣，淋上鮮奶，棉花糖便溶了露出入面的Brownie。有點似撥開雲霧見青天的感覺。Brownie不太甜，不錯。至於另外的檸檬撻酸酸甜甜好開胃。      這裏很休閒，食物可口，賣相又精美。下午黎最合適不過，可以帶埋寵物曬曬太陽，食下野，然後再行下周圍的店。