屋子生活 (Closed)

比樓底高既環境﹐和諧的裝修吸引左。所以特別黎試下 「 屋子生活 」! ( 其實係烏溪沙一日遊既開端 )平日既一點半﹐已經滿位。我地坐係裹面既大木枱﹐本來滿心期待想坐地下‥‥‥由於太肚餓﹐立即點左 鯖魚定食 及 明太子薑飯糰定食 。望下個餐牌價錢偏貴﹐但見裝修既份上會覺得抵番少少。每樣餐具都好別緻及配合﹐特別係梳乎厘既小鍋 :-D綜合黎講﹐我地點既定食係清淡系列冇話特唔特別﹐唔會係難食。而伯爵紅茶梳乎厘就挺特別﹐濃茶味、新鮮熱辣辣、外硬內軟﹐配上雪糕會更好食 !環境好舒適﹐閒聊一下子坐了三個鐘。樓底高係優勝﹐因為我覺得壓迫感減少左﹐感覺自在。可能就係"佢"想帶比大家有一種大家嚮往既屋企帶朋友番屋企傾計輕鬆下既生活:-)