Video
Read full review
2017-01-15
3851 views
閒日放工，約了朋友到尖沙咀食晚飯，朋友挑食，又嫌要排隊，所以上OPENRICE揾左一輪，鎖定左Cafe Hillywood，貪佢夠靜而且地方又夠大。 我地約左7:30係佐敦地鐵站等，係b出口沿住柯士甸道行落到大概5分鐘就到，唔算特別難揾，但我地都揾唔到，因為原來間餐廳係地牢位置，好特別。 我地行落樓梯，發現原來地庫別有洞天。而且晚市好熱鬧，差不多都坐滿人，幸好有book枱，否則可能要等位。 先講裝修，一入門口，就有幅天鵝壁畫吸引，鮮藍色白色的，好搶眼！右邊的係一排過的廚房，然後一張大枱放滿餐具及餐牌，唔似一般西餐廳咁迫，呢度空間感較強。 我地點左個肉眼扒，一份沙律及一份刺身。因為晚市都真係好多人，所以上菜速度可接受。 炭燒澳洲草飼肉眼扒好大塊$198，7成熟，所以切開仍見到嫩粉紅色。肉質保持嫩滑多汁，薯角炸得好脆，伴碟的蒜頭切得好有心思，值得一讚。朋友平時挑剔，但今次都食晒成塊扒，所以有啲意外。 帶子刺身$128好肥大肉厚，醬汁好巧妙地以份子料理的製法，化成一粒粒似黑珍珠的顆粒，放到刺身上。刺身下墊住薯蓉，成個配搭好新鮮。帶子鮮甜可口，推介的一道菜。 巴馬
我地約左7:30係佐敦地鐵站等，係b出口沿住柯士甸道行落到大概5分鐘就到，唔算特別難揾，但我地都揾唔到，因為原來間餐廳係地牢位置，好特別。
我地行落樓梯，發現原來地庫別有洞天。而且晚市好熱鬧，差不多都坐滿人，幸好有book枱，否則可能要等位。
先講裝修，一入門口，就有幅天鵝壁畫吸引，鮮藍色白色的，好搶眼！右邊的係一排過的廚房，然後一張大枱放滿餐具及餐牌，唔似一般西餐廳咁迫，呢度空間感較強。
我地點左個肉眼扒，一份沙律及一份刺身。因為晚市都真係好多人，所以上菜速度可接受。
炭燒澳洲草飼肉眼扒好大塊$198，7成熟，所以切開仍見到嫩粉紅色。肉質保持嫩滑多汁，薯角炸得好脆，伴碟的蒜頭切得好有心思，值得一讚。朋友平時挑剔，但今次都食晒成塊扒，所以有啲意外。
帶子刺身$128好肥大肉厚，醬汁好巧妙地以份子料理的製法，化成一粒粒似黑珍珠的顆粒，放到刺身上。刺身下墊住薯蓉，成個配搭好新鮮。帶子鮮甜可口，推介的一道菜。
巴馬火腿沙律$98，有4大卷，每卷都包住哈密瓜及青瓜，食起黎又脆又甜，不錯。
我最鍾意杯白日夢奶昔$58，入口好creamy，雲呢嗱雪糕，豆腐及鍊奶打成，奶味好夠，而且甜度唔過份，啱啱好。大大杯，好襟飲。
朋友點左個Maogo Nojito$45，淡黃色的外表下浮著青綠色的薄荷葉，酸酸甜甜，好清新。
呢度環境我好鍾意，食物唔貴，係地庫中的一片小天地，可以望住上面人來人往的馬路，感覺好特別。下次會試下下午黎飲杯咖啡，發返個白日夢，感覺應該別有一番風味。
Post
