Via Tokyo (Closed)

食完綠茶雪糕念念不忘，所以今日放工，同同事近近地去左尖沙咀Via　Ｔｏｋｙｏ食返杯解心癮。原來同事唔知尖咀有分店，所以好驚喜，我地點左個抹茶雪糕白玉餡蜜及焙茶沙冰。 餡蜜一如既往好足料，雪糕抹茶味香濃，不過甜，配上香蕉、奇異果、士多啤梨，又有棉花糖白玉以及紅豆蓉，堆得滿滿ｄｅ～見到都開心呀！！！當然啦，食落仲開心，因為比起其他抹茶店，這裏的餡蜜，算是大作夾抵食。 見門口水牌推介焙茶新出口，所以我地點左個沙冰，上枱一刻，有啲失望，因為個樣唔特別討好，成ｐａｔ焙茶醬放係面，有啲似以前人地成日講嗰啲“蛋撻頭”。 沙冰質地算細緻，因為焙茶味道不算濃烈，加上沙冰份量頗大，顯得冰感太重，有啲點唔到醬就只能齋食冰，而且附送的小丸子無味，無糖漿點，食起黎就有啲寡。比起其他店出品的沙冰，呢度的沙冰被比下去了。沙冰可以一試，但都係抹茶雪糕最好。