La Rosabelle Restaurant & Bar (Closed)

趁住地鐵有半價優惠，搭遠一點來將軍澳一日遊，順道睇下有什麼好東西可以食。行到海邊近藍塘傲附近看遇到La Rosabelle Bar & Grill，裝修設計好有異國風情，尤其開放式的設計好chill，唔少人帶埋寵物或者一家大少去食野。餐牌選擇不少，而且有Weekend brunch提供。最後揀了一個brunch set和散點。單點的法式青口鍋先來，配炸薯條，青口份量不少，白酒汁好creamy，好香酒味，用黎點薯條都!!青口唔算大隻但好肥美，份量夠止癮。配白酒適合不過。餐湯是蔬菜湯伴蒜蓉多士，清清地中和熱氣感。美國安格斯肉眼扒有10安士，切開份量都算多，上面有網紋，所以滲著炭火香，三成熟做得不錯，牛扒保持肉嫩，伴菜都不少。跟餐甜品係朱古力Mousse，小小一杯竟然好出色！Mousse唔甜，但打得好幼滑，而且不走輕身路線，較杰身，但每啖都香軟幼滑，而且好濃朱古力味！似食緊一粒朱古力。呢間餐廳夠大又夠開揚，價錢不貴，又近海邊，放假一家大小來或帶埋寵物來聚會十分不錯。