明道

Open Now

Now Closed

一直想試牛腸鍋，因為朋友去日本食過，返黎話好好食。終於係銅鑼灣的明道試到呢道菜！好開心～餐廳新開無耐，主打日式串燒、料理。我當然要試一下日本和牛腸小鍋，雖說小鍋，但份量一啲都唔小。坐低先飲杯冰凍啤酒~牛腸鍋大大一盤$398！侍應話牛腸用上九州牛腸，而且將肥膏剪走，煮過再上枱。好貼心的做法，啱晒唔食肥膏或怕肥膩嘅我！湯底用白麵豉調較而成，蒜辣椒有香味，但唔會辣。未食腸都可以飲啖濃湯！牛腸煮得好腍又滑嘟嘟，一啲都唔肥，煙韌有咬口。加上日本高野豆腐，索汁一流。我地加左個山形牛A4西冷和烏冬去煮，實在太正！再點了個蟹膏龍蝦，新鮮即撈澳洲龍蝦，配海膽醬蛋黃，粒粒肉都鮮甜，彈牙又爽口，雖然唔算平，但食得好滿足。自家製綠茶奶凍，好幼滑的質感，抹茶味濃郁。再食埋杯雪糕，滿足而歸！