Video
Read full review
2016-09-18
12606 views
是日同屋企人去食buffet，因為聽同事講帝苑的雅苑座好似不錯，有好多野食選擇，所以一早book好位，6:30準時到場。之前同事講到好好好多野食，但到左現場有啲失望，因為取食物的counter只有一圈，其實唔大，而且有啲迫，刺身和沙律吧另外係一邊，就係咁樣，成個格局就完啦。餐廳中庭係比較開揚有歌聽的地方，有人唱live,幾好氣氛，但侍應安排左我地坐入面，就無咁開揚，不過拎野食就方便啲。一開始，當然係去睇下有咩海鮮食，好失望，無龍蝦又無生蠔，只有青口，蝦，長腳蟹、翡翠螺等大路野，隨便拎左啲就返埋位。之後循左一圈，熟食選擇約有10款，有車仔面檔，有bbq區，串燒幾好食，有雞軟骨、鵝肝，牛舌以及一啲蔬菜類。熟食都幾好，我幾鍾意咖哩炒蟹，好惹味，烤三文魚，條魚好滑嫩，不錯，其他的就無咩特別了。燒味區啲叉燒、豬耳都十分不錯，食左好多下。但沙律區選擇就唔太多，得2款沙律菜，煙三文魚、巴馬火腿選擇都唔多，得2、3款，芝士仲要都係得2、3款揀，好失望。刺身就大約有5款揀，但壽司又係得2、3款。最後就係甜品啦，滿心期待帝苑啲甜品，但比我想像中少好多，而且啲款式味道好差不多，有啲仲要偏甜。個cheese
之前同事講到好好好多野食，但到左現場有啲失望，因為取食物的counter只有一圈，其實唔大，而且有啲迫，刺身和沙律吧另外係一邊，就係咁樣，成個格局就完啦。
餐廳中庭係比較開揚有歌聽的地方，有人唱live,幾好氣氛，但侍應安排左我地坐入面，就無咁開揚，不過拎野食就方便啲。
一開始，當然係去睇下有咩海鮮食，好失望，無龍蝦又無生蠔，只有青口，蝦，長腳蟹、翡翠螺等大路野，隨便拎左啲就返埋位。
之後循左一圈，熟食選擇約有10款，有車仔面檔，有bbq區，串燒幾好食，有雞軟骨、鵝肝，牛舌以及一啲蔬菜類。熟食都幾好，我幾鍾意咖哩炒蟹，好惹味，烤三文魚，條魚好滑嫩，不錯，其他的就無咩特別了。
燒味區啲叉燒、豬耳都十分不錯，食左好多下。但沙律區選擇就唔太多，得2款沙律菜，煙三文魚、巴馬火腿選擇都唔多，得2、3款，芝士仲要都係得2、3款揀，好失望。刺身就大約有5款揀，但壽司又係得2、3款。
最後就係甜品啦，滿心期待帝苑啲甜品，但比我想像中少好多，而且啲款式味道好差不多，有啲仲要偏甜。個cheese cake 幾好食，但其他嗰啲蛋糕、啫喱都好普通，又無最好食嗰隻忌廉蛋糕，都咪話唔失望，好在有個拿破崙食下，如果唔係就傷心死。
生果bar選擇算頗多，西瓜蜜瓜士多啤朵紅毛丹，雪糕又係得4、5款，中式糖水都係得一款，雪耳紅棗糖水。
呢度食物其實味道不錯，但奈何選擇不是十分多，以每位$600蚊的價錢，絕對唔值，幸好恒生卡有8折，不然原價食的話真係好唔抵，連生蠔龍蝦都無，得每人一隻焗響螺補數！!
甜品又不見得十分出色，的確令人十分十分失望。這間試過便算了，差不多價錢的話，比它好的大有人在。
Post
