Video
Read full review
2016-09-29
1932 views
一星期又走到中段，為了讓時間過得充實點，都一定要放工出下街，行下買下野。咁啱旺角開左Forever21，所以目標明確，放工就去。食完野先有力行街，所以就係隔離百寶利商業中心揾食。見樓下有姐姐派街招食烤魚，咁就直接上去試下，反正想食返啲熱野。汀汀唔算大，但幾闊落，木枱木凳幾有feel。8點入到去，人唔算好多，餐廳都係半滿，我地坐低，原來除左魚都仲有好多鍋選擇。不過因為大家都鍾意食魚，所以最後點左個桂花魚鍋。伙記話可以一魚兩食，可以試下。因為我地都唔好辣，所以揀左野菌湯底。再點左幾款火鍋料。上菜速度好有效率，原本話要等成3個字，但轉頭個魚鍋就送到，抵讚!而且忽然之間，好多人入黎，成間店滿左人，好熱鬧。啲火鍋料都好快上枱。大大一盤烤魚，見到都開心，桂花魚成條預先煎好，所以等啲湯滾起，其實就食得。條魚都幾足秤，而且新鮮。個鍋好足料。有金菇，雞脾菇、秀珍姑、冬菇、粟米、豆卜係入面。我地慶幸無點菇，如果唔係就食唔晒啦。桂花魚的魚片另上，魚片起得幾好，避開晒啲骨，所以食咁多塊，連小小骨都食唔到。條魚好滑，骨唔算多，而且無腥味同泥味，好食。啲粟米好都清甜。我地點嘅油麥菜好嫩，差不多我成盤食晒。海鮮墨魚
食完野先有力行街，所以就係隔離百寶利商業中心揾食。見樓下有姐姐派街招食烤魚，咁就直接上去試下，反正想食返啲熱野。
汀汀唔算大，但幾闊落，木枱木凳幾有feel。8點入到去，人唔算好多，餐廳都係半滿，我地坐低，原來除左魚都仲有好多鍋選擇。不過因為大家都鍾意食魚，所以最後點左個桂花魚鍋。伙記話可以一魚兩食，可以試下。
因為我地都唔好辣，所以揀左野菌湯底。再點左幾款火鍋料。上菜速度好有效率，原本話要等成3個字，但轉頭個魚鍋就送到，抵讚!
而且忽然之間，好多人入黎，成間店滿左人，好熱鬧。啲火鍋料都好快上枱。大大一盤烤魚，見到都開心，桂花魚成條預先煎好，所以等啲湯滾起，其實就食得。
條魚都幾足秤，而且新鮮。個鍋好足料。有金菇，雞脾菇、秀珍姑、冬菇、粟米、豆卜係入面。我地慶幸無點菇，如果唔係就食唔晒啦。桂花魚的魚片另上，魚片起得幾好，避開晒啲骨，所以食咁多塊，連小小骨都食唔到。
條魚好滑，骨唔算多，而且無腥味同泥味，好食。啲粟米好都清甜。我地點嘅油麥菜好嫩，差不多我成盤食晒。
海鮮墨魚球，預先炸過，但入面好彈牙，食到一粒粒墨魚。水餃係我打邊爐必點的，呢度啲水餃推介，因為唔似出面嗰啲餃皮咁厚，好似食粉咁，佢係好薄，入面有木耳同豬肉，餡料比例好好。
個黑豚肉都好好食，脂肪同肉嘅比例好平均，而且切得有闊度，淥完之後唔會變左"一條肉"，而仲係成大塊，幾滿意。我地都幾鍾意個湯，因為清得黎唔係淡，而係好惹味嗰種，但又唔覺得特別口渴。成程服務都幾好，伙記唔使叫都主動執碟、加湯。
埋單連加一每人約300蚊，又可以清清淡淡打邊爐食魚，都幾滿意。同埋呢度火鍋配料選擇都唔少，應有的都有。雖然同樣價錢可以去韓燒或放題，但有時唔想咁暴食，簡簡單單食個魚鍋已十分不錯。
另外，要一讚其洗手間，估唔到咁乾淨，因為一般樓上餐廳個洗手間都幾污糟，但呢度嗰個，好乾淨企理，地方連洗手水都無，又無乜異味，對於我呢啲食野對洗手間有要求的人黎講，呢度真係10個讚。
Post
