繼光香香雞 (Closed)

一向都唔鍾意炸野，但朋友極力推介繼光炸雞，所以決定一試。去左旺角店，離遠已經一陣炸雞香味傳黎。店前大約有5、6人排緊隊，俾錢買非再等野食。用$28蚊買左份細炸雞粒，拎上手好熱，簡直燙手，而且好大陣五香粉味，好香。袋入面有竹簽，因為雞件份量切得剛剛好，所以好易拮。食一口，哇，好香。外皮炸得金黃，但入面雞肉好嫩滑，而且醃得好入味，真係好好食。估唔到街邊野咁有水準，唔怪得之咁多捧場客。