Video
Read full review
2018-02-14
8639 views
好耐無食自助餐，碰巧老弟在中大附近返工，所以就提議同埋老馬子去附近的凱悅食一餐，順道當食個團年飯。 餐廳檈底夠高，所以感覺開揚，開放式廚房及食物吧枱都集中係一邊好方便。入座時侍應温馨提示我地要留意敲鐘提示，因為自助冕餐時段會輪流供應4款不同的限定食物予客人享用。 係未等到限定食物前，老弟和媽子已經急不及待巡視了一轉，搬了座小山回來。都未開始食，已經响第一個鐘，見大家紛紛走去排隊，好有秩序，我地都跟住排。每人手上都捧住一碗丼返黎。 丼飯賣相好靚，大大塊海膽鋪面，仲有滿滿的三文魚子，入口卜卜脆，海膽又夠鮮甜，仲有粒粒刺身，份量雖然唔大，但因為新鮮，所以過足口癮!! 因為天氣凍，所以我主攻熟食多。即切的烤牛肉，粉紅色大大一塊肉厚又多汁，好好食~仲有羊架，唔羶之餘又多汁。仲有自家製PIZZA，餅身較薄，即場送入烤壚焗，熱辣辣。 烤三文魚微辣，上面有滿滿麵包糠，泡菜炒蜆，蜆肉肥美，仲有2款意粉可供選擇。 食完熱食就開始食海鮮，海鮮有5款，蟹腳、帶子、青口、大蝦同埋剝殼大蝦，蟹腳海水味濃，其他都啖啖肉，阿媽都過足海鮮癮。 第二款限定食物係芝士磨菇焗龍蝦配美國肉眼，
餐廳檈底夠高，所以感覺開揚，開放式廚房及食物吧枱都集中係一邊好方便。入座時侍應温馨提示我地要留意敲鐘提示，因為自助冕餐時段會輪流供應4款不同的限定食物予客人享用。
58 views
0 likes
0 comments
係未等到限定食物前，老弟和媽子已經急不及待巡視了一轉，搬了座小山回來。都未開始食，已經响第一個鐘，見大家紛紛走去排隊，好有秩序，我地都跟住排。每人手上都捧住一碗丼返黎。
88 views
0 likes
0 comments
丼飯賣相好靚，大大塊海膽鋪面，仲有滿滿的三文魚子，入口卜卜脆，海膽又夠鮮甜，仲有粒粒刺身，份量雖然唔大，但因為新鮮，所以過足口癮!!
51 views
0 likes
0 comments
因為天氣凍，所以我主攻熟食多。即切的烤牛肉，粉紅色大大一塊肉厚又多汁，好好食~仲有羊架，唔羶之餘又多汁。仲有自家製PIZZA，餅身較薄，即場送入烤壚焗，熱辣辣。
28 views
0 likes
0 comments
28 views
0 likes
0 comments
烤三文魚微辣，上面有滿滿麵包糠，泡菜炒蜆，蜆肉肥美，仲有2款意粉可供選擇。
37 views
0 likes
0 comments
29 views
0 likes
0 comments
食完熱食就開始食海鮮，海鮮有5款，蟹腳、帶子、青口、大蝦同埋剝殼大蝦，蟹腳海水味濃，其他都啖啖肉，阿媽都過足海鮮癮。
23 views
0 likes
0 comments
第二款限定食物係芝士磨菇焗龍蝦配美國肉眼，龍蝦開邊，上面係滿滿的芝士，啲肉一拆即開，最心係將蝦蚶啲內起左放埋係龍蝦入面，啖啖爽口彈牙。肉眼厚切係無得輸。
35 views
0 likes
0 comments
差不多件件都有2cm厚，切開就見到油亮亮的牛脂掛在肉上，牛味夠濃肉又夠豐腴，食唔停口。
30 views
0 likes
0 comments
比較欣賞呢度的小炒，有咖哩豬扒、炒芥蘭、蒜子浸芥菜膽、炆羊腩、牛仔骨、蝦仁雞片及麻辣煮蜆。樣樣都炒得惹味，尤其個羊腩，十分入味，深得阿媽心。
33 views
0 likes
0 comments
蠔皇鮑魚扣花膠伴脆米係第三款限定食物，花膠煮得好稔好入味，膠質好重，鮑魚雖然唔算大隻，但每碗都有成2隻，仲有個入味的大花菇，好好食。
24 views
0 likes
0 comments
20 views
0 likes
0 comments
原本仲想食個叉燒河粉或者刺身壽司，但天氣咁凍啲熟食太吸引，所以放棄左，留返啲胃納飲個蟲草花燉雞湯同埋食甜品。不過係食甜品前都encore左個轉羊架同埋烤牛肉，因為真係好鍾意食肉。
20 views
0 likes
0 comments
20 views
0 likes
0 comments
甜品選擇好多，一入門口就見,到，而且排列好整齊而且精緻，侍應經常refill。有即場製作的PANCAKE及格仔餅。蛋糕有6款，買相幾靚。個人認為個粟子蓉蛋糕好出色。栗子蓉夠細緻，而且唔太甜，好啱我口味。
16 views
0 likes
0 comments
15 views
0 likes
0 comments
仲有白朱古力忌廉蛋糕，好鬆軟，檸檬芝士撻，朱支力蛋糕等。
17 views
0 likes
0 comments
16 views
0 likes
0 comments
仲有小杯裝的香芒布甸、焦糖燉蛋、朱古力撻、葡撻及桂花糕同埋七彩的糖果，感覺繽紛甜蜜。不能錯過Tiramisu，因為酒味香濃又creamy!!!
36 views
0 likes
0 comments
食埋最後的火焰雪山，廚師即席係食各面前點火，冰火交融的雪山外面係輕柔的蛋白，入面是滿佈冧酒和白蘭地酒香的蛋糕,同雪糕，食完個口仲係酒香彌漫~
34 views
0 likes
0 comments
30 views
0 likes
0 comments
最後見雪糕咁多種味道，所以點都要食多2球先罷手，雖然係好飽，但其實仲想繼續食(>..<)
32 views
0 likes
0 comments
23 views
0 likes
0 comments
唔係無食過出面的自助餐，但總是覺得價錢貴得黎環境又嘈吵，但呢度食得舒服之餘，每樣食物都可保持水準，令人有滿載而歸的感覺。夜晩最緊要挑剔的媽子都食得好滿意!!!如果唔想同人迫，不妨舒舒服服黎呢度食返餐!!!下次揾個機會黎encore先得。
Post
