Video
Read full review
2016-11-28
1353 views
次次喺尖沙咀經天文臺道去食韓國野都會經過呢間「八居酒屋」，見佢有別於一般居酒屋，樓底好高、地方寬敞，成日都想一試，於是今日晏晝去開尖沙咀就呢度食lunch! 光度充足，令人舒服，睇睇餐牌點菜先！Set lunch其實同餐牌中既燒物份量&價錢一樣，唔同既係跟set有飯、湯同前菜～甘當然食set抵d啦！於是我點左一個lunch set:《蒲燒鰻魚定食 $138》- 首先襯熱飲麵士湯；然後食柚子汁製既菜沙律，我超愛柚子既甜酸味道，十分開胃；日本白飯上有黑芝麻，食落香口及增加咬感；飯同鰻魚分開試，鰻魚一睇就知燒得入味香口，食落肉厚而嫩，配上鰻魚汁真係無得頂。（我係鰻魚怪）。我平時喜歡將鰻魚肉連同鰻魚汁放上白飯上然後一併入口，正!朋友唔想食飯所以散叫左3個燒物&同一個湯烏冬～《仙台牛舌厚燒 （塩味/味噌）$128》- 呢款應該係呢間居酒屋既signature,因為有大大張牛舌poster貼左喺牆度～呢款有2種口味選擇，所以我2款都點左。右邊係塩味，中間係味噌，右邊係菜嘖，辣味味噌唔辣偏酸好好味，同牛舌味道好夾而且更能帶出牛舌肉汁同味道！《日本產雞胸肉三味燒（3串）$88》- 店員推介我地呢款串燒
次次喺尖沙咀經天文臺道去食韓國野都會經過呢間「八居酒屋」，見佢有別於一般居酒屋，樓底好高、地方寬敞，成日都想一試，於是今日晏晝去開尖沙咀就呢度食lunch! 光度充足，令人舒服，睇睇餐牌點菜先！
Set lunch其實同餐牌中既燒物份量&價錢一樣，唔同既係跟set有飯、湯同前菜～甘當然食set抵d啦！
於是我點左一個lunch set:《蒲燒鰻魚定食 $138》- 首先襯熱飲麵士湯；然後食柚子汁製既菜沙律，我超愛柚子既甜酸味道，十分開胃；日本白飯上有黑芝麻，食落香口及增加咬感；
飯同鰻魚分開試，鰻魚一睇就知燒得入味香口，食落肉厚而嫩，配上鰻魚汁真係無得頂。（我係鰻魚怪）。我平時喜歡將鰻魚肉連同鰻魚汁放上白飯上然後一併入口，正!
朋友唔想食飯所以散叫左3個燒物&同一個湯烏冬～
《仙台牛舌厚燒 （塩味/味噌）$128》- 呢款應該係呢間居酒屋既signature,因為有大大張牛舌poster貼左喺牆度～呢款有2種口味選擇，所以我2款都點左。右邊係塩味，中間係味噌，右邊係菜嘖，辣味味噌唔辣偏酸好好味，同牛舌味道好夾而且更能帶出牛舌肉汁同味道！
《日本產雞胸肉三味燒（3串）$88》- 店員推介我地呢款串燒，話好受客人歡迎,當然要試試！三舊雞上各有唔同味道既醬汁淋於頂。左起分別有"明太子、梅子、芥末醬", 明太子帶少咸、梅子帶微酸、芥末帶微辣，一次過滿足你三個願望～
《巨型/大啡菇 $48》- 同樣係店員推介，開頭以為係西式嗰款癬啡菇，點知賣相完全唔同～！大啡菇已切好一片片燒好，燒得完全唔乾保持到附汁！我嚐到有用海鹽既味道，更加惹味！呢款有驚喜～
《野菜湯稻庭烏冬 $78》- 中規中矩，烏冬扁身可口彈牙～湯底亦好清無味精～
每人叫2杯梳打飲下、傾下偈，餐廳比人感覺幾relax~《巨峰乳酸梳打 $38》
《白桃梳打 $38》
Post
