Bien Bistro (Closed)

是日去荃灣買完野，係荃天地撞到鄰居，大家都係一袋二袋。見咁啱撞到，坐低食下野下計。 去左Bien Bistro，貪佢靜靜地。因為大家都唔太餓，所以都係點左幾個小食。麵包先上，質感尚算軟熟，亦不太乾。 叫左個三文魚沙律，份量唔多，有沙律菜、青瓜等，但就好hea底下，同茶記跟餐送的貨色差不多。 個野菌薯皮比較好食，薯皮焗得外皮幾乾身，入面啲野菌係切粒釀入去，以咖喱汁焗，算係幾夾，兩者配搭都食得下。 最後的烤雞，雞係放係一個類似酥皮包上面，雞下面伴啲蔬菜，件雞幾嫩滑，有黑椒味，酥皮亦做得幾好食。輕輕鬆鬆食左個下午茶，人少少，幾舒舒，吹左陣水便一齊搭車返屋企。