真鮨 (Closed)

放工同事興沖沖來約我食飯，因為話公司條街開了一家新店，正好媽不在家，也沒有大志，只好跟他去吃了。   店子不大，但要上一條小樓梯，風格簡潔，牆上掛了當日時令食材的牌子，就是日式小店的味道。 坐下先來了一客前陣子食過的北寄貝壽司。雖然顏色是灰灰黑黑的，但係質感鮮爽彈牙，好好食。  小小的刺身拼盤有金目鯛、池魚和帆立貝。兩個人來說份量剛好。金目鯛顏色鮮紅，外皮閃亮，是新鮮貨色。池魚銀亮亮的外表下是肥美帶爽的魚肉。凡立貝也不用說是滿口的鮮甜味道。    松葉蟹腳壽司很得意，蟹腳連殻放在壽司上面，蟹腳帶膠質口感，甜甜地，點些豉油味道剛好。   火炙A4和牛壽司上有姜蓉，入口牛味濃郁，而且肥美非常。夾少許紫蘇葉，有畫龍點睛之效，食完滿口油香。 燒南非鮑魚簡簡單單的，上枱一刻已經調好味，所以只需點上青葱就可入口。    焗釀松葉蟹蓋第一次食，外型吸引，蟹蓋上是滿滿的焗芝士沙律醬。挖起蟹蓋，芝士下又是滿滿的蟹肉！芝士、蟹肉和白飯，是完美的結合，滋味得令人食唔停口。我認為是必食之選！飽肚又好食！    所以最後點了條燒日本花魚作結。條魚燒得好香，魚皮帶韌，但肉質結實，雖然骨亦頗多，但慢慢食又幾惹味。