ND42 Bar & Lounge (Closed)

又到了開心的星期六，在尖沙咀做完Spa後，便打算到漢堡小店吃個包，奈何人太多，轉戰到了旁邊的ND42來個午後 happy hour ！這家應是新開的酒吧，面積不大，的的式式很雅致，播着輕快的英文歌，增添週六的悠閒。坐低先剝幾粒花生，再揀嘢食！最後點了個Pizza、意粉和沙律。價錢不貴，但份量頗多。煙三文魚沙律紅橙綠相間，顏色繽紛又健康。辣肉腸Pizza 新鮮即焗，上枱一刻熱辣辣，輕輕拎起已經有滿滿的芝士拉絲。因為係薄身餅底，所以食多幾塊都唔會膩。龍蝦汁大蝦意粉估唔到份量咁多，大蝦彈牙，麵條軟硬適中，龍蝦汁夠濃厚，也不錯。Forbidden one 有接骨木花、葡萄柚、青檸和梳打等混合而成，入口帶酸但酸神。十分Refresh!這家誠意小店，不妨一訪。