Video
Read full review
2024-07-15
1355 views
。O小姐。滋滋吉列牛vs忌廉烏冬。日常。朋友特登走堂，為咗嘅係要一齊傾偈食個飯😳再搵又搵，梗係搵一間未食過而又好多好評嘅餐廳啦。最後就去咗銅鑼灣百樂中心呢一間食吉列牛嘅餐廳。侍應喺我哋嚟嘅時候已經同我哋講話個冰機壞咗，只有熱嘢飲，嚇死寶寶，以為真係只可以飲熱水，原來仲有汽水！！我哋睇咗好耐，最後決定叫一個套餐二，吉列牛定食再加咖喱忌廉烏冬配雞肉，另外仲叫咗個蛋捲以及芝士單骨雞翼。先講個吉列牛先，呢一個套餐佢入面有好多配料，估唔到醬料方面仲有松露😬吉列牛係要自己擺上板度燒嘅，即係話你鍾意食熟啲又得，鍾意食生的又得再配埋啲汁，好味喎，配埋啲菜、豆腐、Wasabi、湯仲有個飯，加埋都唔係太油膩。味道都唔錯，佢個皮係脆嘅，燒起上嚟嘅時候要小心有啲油會彈到自己個身上面啊。另外一個主食係忌廉咖喱烏冬，完全估唔到呢一碗白雪雪嘅烏冬原來又唔係甜個喎，佢配埋烏冬配埋好多好多雞肉，估唔到又夾喎！同埋個cream係好smooth既，望落去好頂癮，打卡一流🤣蛋捲方面就正常發揮，但係一定要讚嘅就係芝士單骨雞翼！每一隻雞翼都充滿芝士，對於芝士控嚟講，簡直係好似專門而設咁！！配埋冰凍嘅忌廉（下次等佢個冰櫃好返嘅時候
朋友特登走堂，為咗嘅係要一齊傾偈食個飯😳
再搵又搵，梗係搵一間未食過而又好多好評嘅餐廳啦。最後就去咗銅鑼灣百樂中心呢一間食吉列牛嘅餐廳。
侍應喺我哋嚟嘅時候已經同我哋講話個冰機壞咗，只有熱嘢飲，嚇死寶寶，以為真係只可以飲熱水，原來仲有汽水！！
我哋睇咗好耐，最後決定叫一個套餐二，吉列牛定食再加咖喱忌廉烏冬配雞肉，另外仲叫咗個蛋捲以及芝士單骨雞翼。
先講個吉列牛先，呢一個套餐佢入面有好多配料，估唔到醬料方面仲有松露😬
吉列牛定食
53 views
0 likes
0 comments
吉列牛係要自己擺上板度燒嘅，即係話你鍾意食熟啲又得，鍾意食生的又得再配埋啲汁，好味喎，配埋啲菜、豆腐、Wasabi、湯仲有個飯，加埋都唔係太油膩。味道都唔錯，佢個皮係脆嘅，燒起上嚟嘅時候要小心有啲油會彈到自己個身上面啊。
吉列牛定食
17 views
0 likes
0 comments
另外一個主食係忌廉咖喱烏冬，完全估唔到呢一碗白雪雪嘅烏冬原來又唔係甜個喎，佢配埋烏冬配埋好多好多雞肉，估唔到又夾喎！同埋個cream係好smooth既，望落去好頂癮，打卡一流🤣
忌廉咖喱雞肉烏冬
347 views
0 likes
0 comments
蛋捲方面就正常發揮，但係一定要讚嘅就係芝士單骨雞翼！每一隻雞翼都充滿芝士，對於芝士控嚟講，簡直係好似專門而設咁！！
蛋捲
15 views
0 likes
0 comments
芝士單骨雞翼
31 views
0 likes
0 comments
配埋冰凍嘅忌廉（下次等佢個冰櫃好返嘅時候再試吓凍飲），一路傾偈一路食嘢，食食吓就食到佢哋打烊了。💁🏻♀️
整體嚟講嘢食係值得推介嘅，要打卡嘅話忌廉烏冬一定要點，鍾意食牛嘅話呢，吉列牛都要食，我覺得係可以嗌佢個套餐嘅，夾埋都係二百幾蚊，唔夠嘅話仲可以嗌啲小食，我見佢仲有蟹蓋飯、南瓜餅等等。
重點係服務唔錯，見我哋傾偈傾咁耐都冇催我哋走，今次咁樣嘅服務態度已經好難得👍🏻要支持一下。
Post
