Video
Read full review
2022-10-23
212 views
😋《たまご園Tamago-EN》 @tamagoen萬聖節🎃就到喇，見到たまご園推出咗新主題menu - 「沖繩祭系列」& 「萬聖節限定系列」。等我去感受一下、試吓先🥰今次我叫晒「萬聖節限定系列」所有食物+一款「沖繩祭系列」食物。大阪燒風八爪魚捲 $78味道好似食緊章魚丸燒，但以一間以食蛋為主題嘅店舖當然唔會咁簡單喇。厚厚嘅玉子燒包住八爪魚粒、生薑等等食材。外面加上濃濃的美乃滋、大阪燒醬汁、堅魚碎。軟綿綿嘅口感、濃郁蛋香😋😋超級滋味藍青口三文魚子墨汁意粉 $128呢款係萬聖節限定系列之一，賣相黑蚊蚊烏卒卒咁嘅意粉，意粉面尚有三文魚子及蔥粒，旁邊亦有五隻青口，呢個意粉好適合萬聖節主題。意粉充滿海鮮鮮味，食完個嘴都變咗烏卒卒了，可以扮👻喇。藍青口味道亦唔錯。朱古力梳乎厘班戟配焦糖香蕉 $98呢款都係萬聖節限定系列之一，係咪睇相已經覺得好靚呢，當然除咗有外表梗係有內涵喇。鬆鬆軟軟嘅梳乎厘班戟🥞係幸福嘅味道吖。而呢款仲要係我最鍾意嘅朱古力🍫味，加上我最愛嘅焦糖香蕉🍌。幸福實在太短暫啦，轉眼間就清晒了。而飲品方面，一杯點了萬聖節限定系列-爆炸糖西柚梳打 $38 ，一上餐道已經被爆炸糖爆炸嘅聲音吸
@tamagoen
萬聖節🎃就到喇，見到たまご園推出咗新主題menu - 「沖繩祭系列」& 「萬聖節限定系列」。等我去感受一下、試吓先🥰
今次我叫晒「萬聖節限定系列」所有食物+一款「沖繩祭系列」食物。
大阪燒風八爪魚捲 $78
味道好似食緊章魚丸燒，但以一間以食蛋為主題嘅店舖當然唔會咁簡單喇。厚厚嘅玉子燒包住八爪魚粒、生薑等等食材。外面加上濃濃的美乃滋、大阪燒醬汁、堅魚碎。軟綿綿嘅口感、濃郁蛋香😋😋超級滋味
藍青口三文魚子墨汁意粉 $128
呢款係萬聖節限定系列之一，賣相黑蚊蚊烏卒卒咁嘅意粉，意粉面尚有三文魚子及蔥粒，旁邊亦有五隻青口，呢個意粉好適合萬聖節主題。意粉充滿海鮮鮮味，食完個嘴都變咗烏卒卒了，可以扮👻喇。藍青口味道亦唔錯。
朱古力梳乎厘班戟配焦糖香蕉 $98
呢款都係萬聖節限定系列之一，係咪睇相已經覺得好靚呢，當然除咗有外表梗係有內涵喇。鬆鬆軟軟嘅梳乎厘班戟🥞係幸福嘅味道吖。而呢款仲要係我最鍾意嘅朱古力🍫味，加上我最愛嘅焦糖香蕉🍌。幸福實在太短暫啦，轉眼間就清晒了。
而飲品方面，一杯點了萬聖節限定系列-爆炸糖西柚梳打 $38 ，一上餐道已經被爆炸糖爆炸嘅聲音吸引住😂清爽嘅西柚味，超級解渴。另一杯係草莓雪糕特飲 $48，上面有一球雪糕，草莓味亦都香濃，甜甜的。
Post
