Video
Read full review
2022-04-11
223 views
9 0 後 的 味 蕾.消費卷出爐，梗係要補償下個肚仔。鮨本提供既lunch Omakase，非常抵食，6貫壽司Set只需$488，10 貫壽司都係$788。.Omakase當然係食埋環境同服務，員工服務態度專業，整齊嘅西裝，殷勤嘅款待，同埋親切嘅笑容😊，令你覺得全程食嘢都好體貼，值得一讚。至於環境方面呢度就係典型嘅omakase餐廳設計，一條長L字型嘅吧枱睇住師傅整壽司🍣。.🪄頭盤係三小碟小菜一碗章魚粒配西蘭花，醬汁甜甜地，另外一碟海帶卷住紅蘿蔔，健康有營，再有一塊啫喱，似日本清湯味道，幾fresh。.🪄魷魚蒸蛋蛋蒸得好滑、兩條細魷魚鹹鮮味出位、增加左食慾。🪄三款刺身 甘鯛膠質重、鮫魚、象拔蚌爽軟鮮甜，三款入邊最好味😋.🪄日本兵庫縣生蠔 🦪 肥美飽滿又大隻，生蠔偏奶香口味，再加上自家製甜酸jelly，僻走重海水同鐵味，令人印象深刻。.🪄 魷魚🦑天婦羅，好驚喜，外層粉薄，魷魚好軟，但又保持到彈性，同膠質都好重。.🪄拖羅刺身配紫菜 肥美爆油拖羅，夾一塊紫蘇葉，選用高級紫菜，非常爽脆，又唔會油膩。.🪄10貫壽司：食材新鮮、無需太多配搭、食到魚生原汁原味。最印象深刻係赤貝，爽口，滑身，加咗少
.
消費卷出爐，梗係要補償下個肚仔。鮨本提供既lunch Omakase，非常抵食，6貫壽司Set只需$488，10 貫壽司都係$788。
.
Omakase當然係食埋環境同服務，員工服務態度專業，整齊嘅西裝，殷勤嘅款待，同埋親切嘅笑容😊，令你覺得全程食嘢都好體貼，值得一讚。至於環境方面呢度就係典型嘅omakase餐廳設計，一條長L字型嘅吧枱睇住師傅整壽司🍣。
.
🪄頭盤係三小碟小菜
一碗章魚粒配西蘭花，醬汁甜甜地，另外一碟海帶卷住紅蘿蔔，健康有營，再有一塊啫喱，似日本清湯味道，幾fresh。
.
🪄魷魚蒸蛋
蛋蒸得好滑、兩條細魷魚鹹鮮味出位、增加左食慾。
🪄三款刺身
甘鯛膠質重、鮫魚、象拔蚌爽軟鮮甜，三款入邊最好味😋
.
🪄日本兵庫縣生蠔 🦪
肥美飽滿又大隻，生蠔偏奶香口味，再加上自家製甜酸jelly，僻走重海水同鐵味，令人印象深刻。
.
🪄 魷魚🦑天婦羅，好驚喜，外層粉薄，魷魚好軟，但又保持到彈性，同膠質都好重。
.
🪄拖羅刺身配紫菜
肥美爆油拖羅，夾一塊紫蘇葉，選用高級紫菜，非常爽脆，又唔會油膩。
.
🪄10貫壽司：食材新鮮、無需太多配搭、食到魚生原汁原味。
最印象深刻係赤貝，爽口，滑身，加咗少少醬汁，充分揮發海鮮嘅甜味，另外仲有膠質口感幾既深海池魚，右口魚背同右口魚邊，經炙燒後，逼出魚油香，一口肥美拖羅，用 昆布醃製過既關西錆魚，連薑蓉提升味道層次。
.
🪄海膽手卷份量多，好清甜，完全唔腥，啱晒唔鍾意濃郁嘅朋友仔，好鮮好正。
.
🪄鮑魚切片配搭蟹膏，作為最後味道較濃郁嘅菜式，蟹膏徘徊喺口腔既味道難以忘懷。
.
🪄最後有一碗蜆肉清湯、一件日式蛋糕、一小碟博多士多啤梨🍓作為美好嘅完結。
⭕️總結：價錢公道、菜式繁多、分量充足、食材新鮮、服務態度好。
Post
