La Famille (Moved) New Location

朋友話要慶祝下返新工，所以同咗佢去買蛋糕，當日去到有見到超多款☺️，款款都好吸引，我哋最後買咗奶凍，栗子同白桃試下，睇下邊隻最正。間鋪頭既人仲好好，幫我哋係個盒到寫明係咩味，好有心。呢款係意大利奶凍味，上面係奶凍，然後蛋糕中間有d cream，不過d cream唔漏，亦都唔會太甜，奶凍就會甜啲，配埋蛋糕一齊食好match。不過我更加中意栗子味😍😍，因為有超多栗子蓉。d栗子蓉打得好鬼creamy，好重栗子味，甜度啱啱好。而個蛋糕有淡淡黑糖味，即刻覺得栗子味仲好食。最後仲有個白桃蛋糕，個桃本身簡得好，好香甜軟熟。本身有d驚伏，始終白桃味既蛋糕好少，不過呢個蛋糕個桃味好真，唔似好假嗰隻，比想像中好食，幾驚喜。