Video
Read full review
2015-05-10
2587 views
時間過得真快，記得去年五月才出席過 OpenRice 舉辦的優秀開飯熱店大賞頒獎典禮，眨吓眼又來到新一年度的《優秀開飯熱店大賞 2015》，而今次的頒獎典禮，又再次於尖沙咀的 Hotel ICON 舉行。所以這天筆者也特意拿了半天假，和好友一齊出席，感受一吓現場的熱鬧氣氛。和去年一樣，今次的頒獎典禮都是假座於 Hotel ICON 一樓的 Silverbox Ballroom 宴會廳舉行。原來有好多嘉賓，比我更加心急，一早就已經到咗，場面非常熱鬧。連指定通訊媒體 Line 都派咗兩位 ‘LINE FRIENDS’ 做代表出席，吸引咗唔少粉絲爭相拍照。八卦的我，已經急不及待，第一時間進入了會場，發現今年同去年最大的分別，就是竟然連酒會的場地都安排咗喺頒獎典禮的 Ballroom 入面，實在太好了。唔知今年 OpenRice 係咪又請咗森美做大會的司儀呢？ 因為過去兩年都是啊！哈哈，原來今年竟然加碼，除咗森美之外，仲請來小儀坐陣，兩位司儀一紅一黑，襯到絕頂。又同大家分享一吓今年的 rundown，一如以往，是次獎項是根據 2014 年各食店在 OpenRice 網站上的食評，從而統計出各優
時間過得真快，記得去年五月才出席過 OpenRice 舉辦的優秀開飯熱店大賞頒獎典禮，眨吓眼又來到新一年度的《優秀開飯熱店大賞 2015》，而今次的頒獎典禮，又再次於尖沙咀的 Hotel ICON 舉行。所以這天筆者也特意拿了半天假，和好友一齊出席，感受一吓現場的熱鬧氣氛。
和去年一樣，今次的頒獎典禮都是假座於 Hotel ICON 一樓的 Silverbox Ballroom 宴會廳舉行。
原來有好多嘉賓，比我更加心急，一早就已經到咗，場面非常熱鬧。
連指定通訊媒體 Line 都派咗兩位 ‘LINE FRIENDS’ 做代表出席，吸引咗唔少粉絲爭相拍照。
八卦的我，已經急不及待，第一時間進入了會場，發現今年同去年最大的分別，就是竟然連酒會的場地都安排咗喺頒獎典禮的 Ballroom 入面，實在太好了。
唔知今年 OpenRice 係咪又請咗森美做大會的司儀呢？ 因為過去兩年都是啊！
哈哈，原來今年竟然加碼，除咗森美之外，仲請來小儀坐陣，兩位司儀一紅一黑，襯到絕頂。
又同大家分享一吓今年的 rundown，一如以往，是次獎項是根據 2014 年各食店在 OpenRice 網站上的食評，從而統計出各優秀開飯店獎項的候選名單，再經網民投票選出，所以企得係台上的，都有一定的實力。而今年 OpenRice 就用咗《Gourmet Heroes》做主題，與全港市民一同表揚為本土飲食文化默默耕耘的一班超級英雄。
唔知大家又認得出幾多位得獎食肆同餐廳的老闆及代表呢？
最後少不免的，當然是大合照環節，好讓大家留個紀念嘛！
頒獎典禮完結後，自然是來到酒會時間，一如去年，大會為所有出席的賓客，預備咗一些特式的小食和甜點，雖然花款唔多，不過大都屬水準之作，而且有好幾款往年都已經品嘗過，如貌似泡芙的嫩牛肉約克布甸、吃起來香脆可口的黑松露蟹肉多士、和酸甜醒胃的檸檬撻等。
另外香脆炸蘑菇同黑魚子醬薄餅，味道亦不俗，不過最叫筆者愛不釋口的，還是這些以竹籤串起的香辣鮮蝦串，已去殼的蝦隻，本身已夠爽口彈牙，佐以泰式調味料，吃起來香辣惹味，非常醒胃。
臨走前，饞嘴的我當然沒忘記往 dessert tower 及旁邊的甜品架走一轉，品嘗架上吸睛的 macaron、朱古力鮮士多啤梨、芒果奶凍、草莓慕絲、綠茶慕絲及迷你 size 的 opera 等等，嘩，飽得差點不能動彈呢！
另外飲品方面，除了橙汁同汽水之外，其實大會都準備咗唔少紅白酒讓賓客齊齊慶祝。很開心能再一次親身見證這件食壇盛事，當然也要多謝每一位為食界出過力的幕前、幕後英雄，希望來年大家繼續努力，為全港市民帶來更多美食。
Post
